ខេត្តព្រះសីហនុ ៖ ប្រជាពលរដ្ឋប្រហែលជា៥២គ្រួសារ ដែលរស់នៅក្រុម១៧ ភូមិ៤ សង្កាត់លេខ៤ ក្រុងព្រះសីហនុភ្ញាក់ផ្អើល បន្ទាប់ពីរងការចោទប្រកាន់ថា ពួកគាត់បានរស់នៅលើដីគេក្នុងអំឡុងឆ្នាំ២០១៨។ នៅរសៀលថ្ងៃទី…
ខេត្តព្រះសីហនុ ៖ ប្រជាពលរដ្ឋប្រហែលជា៥២គ្រួសារ ដែលរស់នៅក្រុម១៧ ភូមិ៤ សង្កាត់លេខ៤ ក្រុងព្រះសីហនុភ្ញាក់ផ្អើល បន្ទាប់ពីរងការចោទប្រកាន់ថា ពួកគាត់បានរស់នៅលើដីគេក្នុងអំឡុងឆ្នាំ២០១៨។ នៅរសៀលថ្ងៃទី ២៣ ខែ ធ្នូ ឆ្នាំ ២០១៩ ពលរដ្ឋ បានអះអាងថា ពួកគាត់បានរស់នៅអាស្រ័យផល ចំណុចនេះអ្នកខ្លះ២៤ឆ្នាំមកហើយ មិនដែលមានបញ្ហាអ្វីកើតឡើងនោះទេ ពួកគាត់ថែមទាំងរស់នៅដោយ អាជ្ញាធរដឹងឮមានសៀវភៅស្នាក់នៅសៀវភៅគ្រួសារនៅក្នុងក្រុម១៧ ភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុទៀតផង ។
ថ្មីៗនេះ ក៏មានដីកាកោះពីសាលាដំបូងខេត្តព្រះសីហនុ លើសំណុំរឿងព្រហ្មទណ្ឌលេខ១១១ ចុះថ្ងៃទី២៤ ខែ មករា ឆ្នាំ២០១៩ ឱ្យពួកគាត់ចូលខ្លួនទៅបំភ្លឺលើបណ្ដឹងរបស់មេធាវីចំនួន៣រូប ឈ្មោះណាច ទ្រី ឈ្មោះជា ម៉ារ៉ាឌី និងឈ្មោះអិុត ពិសិដ្ឋរង្សី ចុះថ្ងៃទី២១ ខែមករា ២០១៩ ពីបទធ្វើឲ្យខូចខាត ដោយចេតនា និង រំលោភកាន់កាប់កម្មសិទ្ធិរបស់អ្នកដទៃ ប្រព្រឹត្តនៅភូមិ៤ សង្កាត់លេខ៤ ខេត្ត-ក្រុងព្រះសីហនុ កាលពី អំឡុង ឆ្នាំ ២០១៨។
ពាក់ព័ន្ធនឹងបញ្ហានេះ លោកសេង នីម ចៅសង្កាត់លេខ៤បានឲ្យដឹងថា ប្រជាពលរដ្ឋហ្នឹងគាត់រស់នៅលើដីគេទេ គឺដីលោកសុី គង់ទ្រីវ ហើយផ្សេងពីនោះ គឺជាដីចំណីព្រែក គាត់រស់នៅហ្នឹងយូរមកហើយជាប់ដី លោកសុី គង់ទ្រីវ ក៏មានដែរហើយ លោកក៏មិនដឹងច្បាស់ពីការរស់នៅយូរប៉ុណ្ណាដែរ ។
បើតាមប្រសាសន៍លោកណាច ទ្រី មេធាវីបានឲ្យដឹងថា ចំពោះដីនេះ គឺពលរដ្ឋហ្នឹងរស់នៅលើដីក្រុមហ៊ុន
ពីមុនមានត្រឹមតែ១៧គ្រួសារ ក្រោយមក ឡើងដល់៤២គ្រួសារ ឥឡូវឡើងដល់៥២គ្រួសារ ។ កន្លងមក អាជ្ញាធរធ្លាប់បានចុះធ្វើការសម្របសម្រួលគោលនយោបាយ ប៉ុន្តែពួកគាត់មិនព្រម ហើយជម្រើសចុងក្រោយមានតែដាក់ពាក្យបណ្ដឹងតាមផ្លូវច្បាប់តែម្ដង ។
ជុំវិញរឿងនេះ លោកលឹម ប៊ុនហេង អ្នកនាំពាក្យអយ្យការសាលាដំបូង ខេត្តព្រះសីហនុបានថ្លែងថា (ចំពោះសំណុំរឿងនេះ ស្ថាប័នអយ្យការកំពុងចំណាត់ការតាមនីតិវិធី ។ ហើយនៅក្នុងបណ្តឹងរបស់គាត់ដេីមបណ្តឹងបានភ្ជាប់ប័ណ្ណដីចំនួន៣សន្លឹកជូនតុលាការពិនិត្យ)។
ចែករំលែកព័តមាននេះ