តារាសម្តែងផាន់ ផាភួង ខឹងខ្លាំងចំពោះនារីម្នាក់ដែលមើលងាយកូនស្រី ឈូឈូ
- ភ្នំពេញ
រាជធានីភ្នំពេញ ៖ តារាសម្តែងផាន់ ផាភួង បានខឹងខ្លាំងចំពោះនារីម្នាក់ដែលមើលងាយកូនស្រីរបស់ខ្លួនអាង សុជាតា ហៅឈូឈូ ។ ការមើលងាយនោះថា ឈូឈូ…
រាជធានីភ្នំពេញ ៖ តារាសម្តែងផាន់ ផាភួង បានខឹងខ្លាំងចំពោះនារីម្នាក់ដែលមើលងាយកូនស្រីរបស់ខ្លួនអាង សុជាតា ហៅឈូឈូ ។ ការមើលងាយនោះថា ឈូឈូ…
រាជធានីភ្នំពេញ ៖ តារាសម្តែងផាន់ ផាភួង បានខឹងខ្លាំងចំពោះនារីម្នាក់ដែលមើលងាយកូនស្រីរបស់ខ្លួនអាង សុជាតា ហៅឈូឈូ ។ ការមើលងាយនោះថា ឈូឈូ ចូលពេទ្យ ភ្លាមៗ ដោយសារយកកូនចេញមិនទាន់អស់។
ហ្វេសប៊ុកនារីឈ្មោះ Su Ya បានចែកចាយព័ត៌មានដែលបានចុះផ្សាយពីតារាសម្តែងវ័យក្មេងអាង សុជាតា ហៅឈូឈូ ដែលឈឺចុកពោះ មិនបានទៅចូលរួមពិធីខួបកំណើតលោកអ៊ឹម ជីវ៉ា ដោយភ្ជាប់ជាមួយពាក្យខមិនថា «ឈឺចុកពោះដោយសារលេបថ្នាំទម្លាក់កូនមិនទាន់អស» ។ ការខមិនបែបនេះបានធ្វើឲ្យអ្នកនាងសឿន ផានផាភួង ខឹងខ្លាំងចាត់ទុកវាគឺជាការប្រមាថ និងបង្ខូចកេរ្តិ៍ឈ្មោះយ៉ាងធ្ងន់ចំពោះកូនស្រីរបស់ខ្លួន ដោយមិនមានមូលដ្ឋានច្បាស់លាស់ ។
ក្នុងនាមជាម្តាយអ្នកនាងផាន់ ផាភួង បានសរសេរសារបង្ហោះឆ្លើយតបទៅកាន់នារីនោះវិញកាលពីថ្ងៃទី១៦ ធ្នូ ២០១៩ ថា « មនុស្សស្រីម្នាក់នេះគាត់ចង់ល្បី អ៊ីចឹងជួយគាត់ឲ្យល្បីផងចុះ កូនស្រីខ្ញុំឈឺចុកពោះចូលពេទ្យទាំងយប់ ខ្ញុំភ័យសឹងតែគ្មានព្រលឹងក្នុងខ្លួន តែនាងបែរជាមកប្រើពាក្យថោកទាបបែបនេះទៅកើត» ។ តើកូនស្រីខ្ញុំបានធ្វើអីឲ្យប៉ះពាល់ដល់នាង បានជានាងមានគំនិតស្មោកគ្រោក រោគចិត្ត គិតមិនល្អមកលើគេបែបនេះ ឬមួយនាងធ្លាប់យកកូនចេញ។ បងប្អូនជួយពិចារណាផងជួយ Share ឲ្យនាង Su Ya វាបានឃើញផង ហើយបើនាងមិនអស់ចិត្តអាចមកជួបខ្ញុំបាន ដែលជាម្ដាយអាង សុជាតា ខ្ញុំស្វាគមន៍នាង២៤ម៉ោង”។
ការបង្ហោះរបស់អ្នកនាងសឿន ផានផាភួង មិនទាន់បានប៉ុន្មានម៉ោងផងស្រាប់តែម្ចាស់ហ្វេសប៊ុកឈ្មោះSu Ya បានចេញមុខសុំទោសថា៖”ខ្ញុំដឹងកំហុសដោយបានសរសេរពាក្យសម្តីមិនសមរម្យទៅលើប្អូនស្រីអាង សុជាតា ជាតារាសម្តែង ។ ថ្ងៃនេះខ្ញុំសុំទោសអ្នកទាំងពីរ អ្នកមីងនិងប្អូនស្រី ជាសាធារណៈដល់បងប្អូនបានជ្រាបទាំងអស់គ្នាថា គ្រប់យ៉ាងគឺជាការយល់ច្រឡំ។ សូមអ្នកមីង និងប្អូនស្រី និងFanរបស់ពួកគាត់ទាំងអស់លើកលែង និងអធ្យាស្រ័យដល់ខ្ញុំផង ខ្ញុំដឹងខុស ឲ្យខ្ញុំសុំទោសអ្នកទាំងពីរ”។
ក្រោយការចេញមុខសុំទោសជាសាធារណៈបែបនេះ ផាន់ ផាភួង តបថា «បើមិនច្បាស់កុំចេះតែហ៊ាន ប្រទេសមានច្បាប់ ដឹងខុសចេះសុំទោសល្អ តែលើកលែងបានដោយរឿងទេ »។
រឿងរ៉ាវមួយនេះកើតឡើងស្របគ្នាទៅនឹងខ្សែភាពយន្តដែលសម្តែងដោយអាង សុជាតា រឿង«ពោះធំ» ដែលបានចាក់ផ្សាយកាលពីថ្ងៃអាទិត្យតាមស្ថានីយទូរទស្សន៍បាយ័ន ។ សាច់រឿងបង្ហាញពីការពពោះដោយចៃដន្យរវាងគូស្នេហ៍ដែលកំពុងស្ថិតក្នុងវ័យសិក្សានៅឡើយ ៕
ចែករំលែកព័តមាននេះ