រាជធានីភ្នំពេញ ៖ ព្រះនាងចេនណាបានលើកឡើងចំៗថា តារាចម្រៀងនាង ឱក សុគន្ធកញ្ញា គឺជាគំរូដែលបំផុសគំនិត និងជំរុញអោយព្រះនាងដើរលើវិថីសិល្បះរហូតមកទល់នាពេលបច្ចុប្បន្ននេះ ។ ការលើកឡើងពីព្រះនាង…
រាជធានីភ្នំពេញ ៖ ព្រះនាងចេនណាបានលើកឡើងចំៗថា តារាចម្រៀងនាង ឱក សុគន្ធកញ្ញា គឺជាគំរូដែលបំផុសគំនិត និងជំរុញអោយព្រះនាងដើរលើវិថីសិល្បះរហូតមកទល់នាពេលបច្ចុប្បន្ន
នេះ ។
ការលើកឡើងពីព្រះនាង ចេនណា នាពេលនេះ បានធ្វើឡើងបន្ទាប់ពីព្រះនាងមានឨកាសបានច្រៀង និងសម្តែងជាលើកដំបូងជាមួយតារាចម្រៀងនាង ឱក សុគន្ធកញ្ញា នៅក្នុងឆាកតន្ត្រីដ៏ធំមួយកាលពីពេលថ្មីៗនេះ ។
ព្រះនាង ចេនណា បានបង្ហោះវីដេអូសកម្មភាពនៃការច្រៀង និងការប្រាស្រ័យទាក់ទងជាមួយ ឱក សុគន្ធកញ្ញា លើបណ្តាញសង្គម ដោយអមជាមួយនឹងសំណេរថា សូមរីករាយទស្សនាសកម្មភាពទាំងស្រុងនៃការប្រគំតន្ត្រីសប្បុរសធម៌ «វិសាលភាពជាតិខ្មែរ» ដែលរៀបចំឡើងដោយ Hanuman Beverages ។
ព្រះនាងថា ខ្ញុំពិតជាសប្បាយចិត្តណាស់ ដែលមានឱកាសច្រៀងរួមគ្នា ជាមួយបងៗសិល្បករមានទេពកោសល្យជាច្រើន ជាពិសេសនោះ ជាលើកទី១ ដែលខ្ញុំបានជួបអ្នកមីង Aok Sokunkanha ឱក សុគន្ធកញ្ញា ដែលជាសិល្បការិនីរៀមច្បងមួយរូប ដែលខ្ញុំគោរពស្រឡាញ់ក្នុងចិត្តតាំងពីក្មេងមក។
ព្រះនាងបញ្ជាក់ថា អ្នកមីងជាគំរូ ដែលផ្តល់នូវការបំផុសគំនិត និងជំរុញខ្ញុំ លើវិថីសិល្បៈរហូតមកទល់សព្វថ្ងៃ ។ ខ្ញុំបានជួបអ្នកមីងផ្ទាល់លើកនេះ ធ្វើឱ្យខ្ញុំកាន់តែគោរពស្រលាញ់មីងលើសពីមុនទៀត ព្រោះតែភាពស្រស់ស្អាត ភាពទន់ភ្លន់ និងពាក្យសម្ដីលើកទឹកចិត្តល្អៗរបស់មីង។
ខ្ញុំសូមអរគុណមីងកញ្ញា ដែលបានរួមចំណែកមួយ ក្នុងការត្រួសត្រាយបើកផ្លូវវិស័យតន្ត្រី និងបង្កើតឱកាស សម្រាប់សិល្បករជំនាន់ថ្មី នៅក្នុងប្រទេសយើង ហើយខ្ញុំសង្ឃឹមថា ខ្ញុំនឹងអាចអភិវឌ្ឍខ្លួន និងរៀនសូត្របន្ថែមទៀតពីអ្នកមីង ។
ព្រះនាងបន្ថែមថា ខ្ញុំមានកិត្តិយស និងសេចក្តីសោមនស្សណាស់ ដែលក្រុមហ៊ុនមួយបានរៀបចំការប្រគំតន្ត្រីសប្បុរសធម៌ « វិសាលភាពជាតិខ្មែរ » ដោយថវិកាដែលទទួលបានពីការលក់សំបុត្រទាំងអស់ ត្រូវបានយកទៅប្រើប្រាស់ក្នុងការជួយគាំទ្រពុកម៉ែបងប្អូនជាជនភៀសសឹក និងវីរកងទ័ពយើង ។
ជាពិសេស ខ្ញុំសូមថ្លែងអំណរគុណយ៉ាងជ្រាលជ្រៅចំពោះការចូលរួមគាំទ្រយ៉ាងច្រើនកុះករពីសំណាក់ពុកម៉ែបងប្អូនទាំងអស់គ្នា ធ្វើឲ្យការលក់សំបុត្រអស់គ្មានសល់ បង្ហាញឱ្យឃើញពីស្មារតីសាមគ្គីជាតិ និងភាពរួបរួមដ៏រឹងមាំរបស់ជនរួមជាតិយើង។
ក្នុងឱកាសឆ្នាំថ្មីនេះ ខ្ញុំសូមឱ្យកម្ពុជា ទទួលបានសន្តិភាពពេញលេញ ស្ថិរភាព និងការអភិវឌ្ឍប្រកបដោយចីរភាព ព្រោះមានតែសន្តិភាពប៉ុណ្ណោះ ទើបជាមូលដ្ឋានសម្រាប់ការរីកចម្រើននៃ
ជាតិ ៕
ចែករំលែកព័តមាននេះ