Ford យក​កាក​កាហ្វេ​ពី McDonald’s ទៅ​ច្នៃ​ជា​គ្រឿង​រថយន្ត


ក្រុមហ៊ុន Ford កំពុង​ព្យាយាម​ចូលរួម​ចំណែក ក្នុង​ការ​ប្រយុទ្ធ​ប្រឆាំង​នឹង​ការ​ប្រែប្រួល​អាកាសធាតុ ដោយ​កែ​ច្នៃ​កាក​សំណល់​កាហ្វេ​ចាស់​ពី​ហាង McDonald’s ទៅ​ជា​គ្រឿងបន្លាស់​រថយន្ត​។ Ford បាន​និយាយ​ថា​ខ្លួន​នឹង​យក​កាក​សំណល់​អាហារ​ពី​ក្រុមហ៊ុន​យក្ស McDonald’s ដោយ​បង្វែរ​វា​ចេញពី​កន្លែង​ចាក់សំរាម ទៅ​មន្ទីរពិសោធន៍​របស់​ខ្លួន ដើម្បី​យក​ទៅ​ផលិត​ជា​ជីវ​ប្លា​ស្ទិ​ក​។ បន្ថែម​លើ​ការ​កាត់​បន្ថយ​កាក​សំណល់​អាហារ ការ​ប្រឹងប្រែង​នេះ​នឹង​ធ្វើ​ឱ្យ​គ្រឿងបន្លាស់​រថយន្ត​ស្រាល​ជាង​មុន ប្រើ​ប្រេង​តិច និង បញ្ចេញ​ឧស្ម័ន​កាបូ​និ​ច​ទាប​។

ឧស្សាហកម្ម​រថយន្ត​ស្ថិត​នៅ​ក្រោម​សម្ពាធ​យ៉ាង​ខ្លាំង ដើម្បី​កាត់​បន្ថយ​ការ​បំ​ភាយ​ឧស្ម័ន​និង​បង្កើន​ការ​ផលិត​យានយន្ត​អគ្គិសនី​។ ជាង​មួយ​ភាគ​បួន​នៃ​ការ​បំ​ភាយ​កាបូន​ទាំងអស់ គឺ​មក​ពី​វិស័យ​ដឹក​ជញ្ជូន​។ ក្រុមហ៊ុន Ford គឺជា​ក្រុមហ៊ុន​ផលិត​រថយន្ត​មួយ​ក្នុង​ចំណោម​ក្រុមហ៊ុន​ផលិត​រថយន្ត​ពិភពលោក​ចំនួន​បួន ដែល​បាន​គាំទ្រ​រដ្ឋបាល Trump ដោយ​ឈាន​ដល់​កិច្ចព្រមព្រៀង​ជាមួយ​រដ្ឋ​កាលី​ហ្វ័​រ​ញ៉ា ដើម្បី​បង្កើន​សេដ្ឋកិច្ច​ឥន្ធនៈ និង​កាត់​បន្ថយ​ការ​បំ​ភាយ​ឧស្ម័ន​ពី​យានយន្ត​ថ្មី​របស់​ពួក​គេ រហូត​ដល់​ឆ្នាំ ២០២៦​។

ជា​រៀង​រាល់​ឆ្នាំ កាហ្វេ​ឆុង​រាប់​លាន​ផោន ដែល​ជា​សំណល់​សំបក​កាហ្វេ​ក្រោយ​ពី​ការ​ឆុង ត្រូវ​បាន​គេ​យក​ទៅ​ធ្វើ​ជា​ធ្យូង​នៅ​អា​មេ​រិ​ក​ខាងជើង​។ ការ​រួម​គ្នា​រវាង​ក្រុមហ៊ុន Ford និង ហាង McDonald’s អាច​ជួយ​ធ្វើ​ឱ្យ​សំបក​កាហ្វេ​ទាំងនោះ អាច​មាន​ផលប្រយោជន៍​ជា​ការ​ផលិត​ទៅ​ជា​ធ្យូង​។ ក្រុមហ៊ុន​បាន​រក​ឃើញ​ថា សំបក​កាហ្វេ​អាច​បំ​លែង​ទៅ​ជា​សម្ភារៈ​ប្រើប្រាស់​បាន​យូរ ដើម្បី​ពង្រឹង​គ្រឿងបន្លាស់​យានយន្ត​មួយ​ចំនួន​។ ដោយ​កំ​ដៅ​សំបក​កាហ្វេ​ទៅ​សីតុណ្ហភាព​ខ្ពស់​នៅ​ក្រោម​អុក​ស៊ី​សែន​ទាប លាយ​វា​ជាមួយ​ផ្លា​ស្ទិ​ច និង​សារធាតុ​បន្ថែម​ផ្សេង​ទៀត គេ​អាច​ធ្វើ​ឱ្យ​វា​ក្លាយទៅជា​សម្ភារៈ​ផ្សេង​ៗ​។

គេ​នឹង​យក​វា​ទៅ​ធ្វើ​ជា​ចាន​ចង្កៀង​ខាង​មុខ និង ដាក់​នៅ​ផ្នែក​ខាងក្នុង​នៃ​រថយន្ត និង ក្រោម​កំ​បូល​ខាង​មុខ​។ ការ​បំពាក់​សារធាតុ​ពិសេស​នេះ គេ​អាច​ជួយ​កាត់​បន្ថយ​ទម្ងន់​បាន​២០% និង ចំណាយ​ថាមពល​ផលិត​តិច​ជាង​មុន ២៥%៕

កិច្ចការជំនួញ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ