ខេត្តកំពង់ឆ្នាំង ៖ ដើម្បីជួយសម្រួលការធ្វើចរាចរណ៍ប្រកបដោយសុវត្តិភាពរបស់ប្រជាពលរដ្ឋ ដែលត្រូវធ្វើដំណើរ ឆ្លងស្រឡាងពីក្រុងកំពង់ឆ្នាំងទៅស្រុកកំពង់លែង អាជ្ញាធរខេត្តបានតម្រូវឱ្យម្ចាស់ម្ចាស់ក្រុមហ៊ុន ដចម្លង ទៅដាក់នៅកំពង់ផែដែលបានកសាងថ្មីនៅចំណុចភូមិទី៧ សង្កាត់ខ្សាម ក្រុងកំពង់ឆ្នាំង…
ខេត្តកំពង់ឆ្នាំង ៖ ដើម្បីជួយសម្រួលការធ្វើចរាចរណ៍ប្រកបដោយសុវត្តិភាពរបស់ប្រជាពលរដ្ឋ ដែលត្រូវធ្វើដំណើរ ឆ្លងស្រឡាងពីក្រុងកំពង់ឆ្នាំងទៅស្រុកកំពង់លែង អាជ្ញាធរខេត្តបានតម្រូវឱ្យម្ចាស់ម្ចាស់ក្រុមហ៊ុន ដចម្លង ទៅដាក់នៅកំពង់ផែដែលបានកសាងថ្មីនៅចំណុចភូមិទី៧ សង្កាត់ខ្សាម ក្រុងកំពង់ឆ្នាំង ចាប់ពីដើមខែសីហានេះ តទៅ ព្រមជាមួយការដាក់ឱសានវាទត្រឹមថ្ងៃទី៣ ខែសីហានេះផងដែរ។ យ៉ាងនេះក្តី កន្លងទៅម្ចាស់ ដចម្លង ធ្លាប់បានសំណូមដល់អាជ្ញាធរខេត្តម្តងហើយរឿងកំពង់ផែថ្មីនេះ ព្រោះពិបាកក្នុងការចត ដើម្បីរថយន្តតូចធំងាយ ស្រួលឡើងចុះលើសាឡាងពេលខែទឹកឡើង។
លោក បេ សារុំ អភិបាលរងក្រុងកំពង់ឆ្នាំង បានឲ្យដឹងថា ៖ ដោយពិនិត្យឃើញចំណតកំពង់ផែពីមុន ប្រជាពលរដ្ឋមានការចុះឡើងលំបាកដោយសារទីធ្លាតូចចង្អៀត ទើបអាជ្ញាធរខេត្តបានអនុញ្ញាតឲ្យក្រុមហ៊ុនស្រឡាងចម្លងចូលចតនៅក្នុងកំពង់ផែថ្មីរបស់ខេត្តវិញ។ ទន្ទឹមគ្នានេះដែរ អាជ្ញាធរក្រុង និងខេត្តបានឲ្យធ្វើការឈូសឆាយដីចិញ្ចើមផ្លូវថ្នល់នៅមុខកំពង់ផែថ្មីនេះ ដើម្បីចាក់កៅស៊ូពង្រីកផ្លូវថ្នល់ ឲ្យបានធំទូលាយសម្រាប់សម្រួលចរាចរណ៍ជូនរថយន្តប្រជាពលរដ្ឋបានចុះ និងឡើងពីស្រឡាបានងាយស្រួល។
តែការឈូសឆាយនេះ គេពិនិត្យឃើញមានការប៉ះពាល់ដល់កាំជណ្តើរខាងមុខផ្ទះល្វែងប្រមាណ១០ល្វែង ដែលសាងសង់រំលោភចូលដីចំណីផ្លូវ គឺពុំមានការតវ៉ាអ្វីពីម្ចាស់ផ្ទះល្វែងទាំងនោះទេ ព្រោះតែពួកគាត់ទទួលស្គាល់ពិតជាសាង់សង់កាំជណ្តើរចូលលើដីចំណីផ្លូវពិតមែន។ ជុំវិញការសម្រួលឱ្យម្ចាស់ក្រុមហ៊ុន កំពង់ចម្លងទទឹង កំពង់ឆ្នាំង-កំពង់លែងនេះដែរ ត្រូវបានប្រភព ពីមន្ត្រីជំនាញបានបញ្ជាក់ថា៖ ភាគីក្រុមហ៊ុនដទទឹងត្រូវបង់ប្រាក់ភាស៊ីដល់ក្រុមហ៊ុនភាស៊ីដែលដេញថ្លៃបាន ខុសពីលើមុនម្ចាស់ដទទឹងអាចចតនៅម្តុំភូមិចុងកោះ មុខព្រះវិហារឥស្លាមគឺមិនចាំបាច់បង់ប្រាក់នោះទេ។
ប៉ុន្តែការបង់ថ្លៃភាស៊ីដល់ក្រុមហ៊ុនប្រមូលភាស៊ីកំពង់ផែកម្រិតណាគេមិនបានដឹងនោះទេ។ ដោយឡែកម្ចាស់ ក្រុមហ៊ុនស្រឡាង ដទទឹងបានបញ្ជាក់ប្រាប់ភ្នាក់ងារយើងនៅល្ងាចថ្ងៃទី០៤ ខែសីហានេះថា៖ ពិតជាត្រូវបង់ប្រាក់ឱ្យម្ចាស់ភាស៊ីពិតមែន ប៉ុន្តែក្នុងកិច្ចស្រុះស្រួលផ្ទៃក្នុងគ្នាមិនអាចបញ្ជាក់បានទេ។ ចំពោះទីតាំងដែលជួបការលំបាកពេលខែទឹកឡើង ភាគីយកភាស៊ីជាអ្នកសម្រួលធ្វើឡើងវិញ។
សូមបញ្ជាក់ថា៖ កំពង់ដទទឹងពីក្រុងកំពង់ឆ្នាំង ទៅស្រុកកំពង់លែង គឺជាផ្លូវគមនាគមន៍យ៉ាងសំខាន់ខ្លាំងណាស់ សម្រាប់តភ្ជាប់រវាងខេត្តកំពង់ឆ្នាំង និងខេត្តកំពង់ធំ។ ជាក់ស្តែងក្រោយពីរាជរដ្ឋាភិបាលកសាងផ្លូវពីស្រុកកំពង់លែង ខេត្តកំពង់ឆ្នាំង ទៅខេត្តកំពង់ធំរួចមក មានរថយន្តរាប់រយគ្រឿងត្រូវជិះស្រឡាងឆ្លងកាត់ទៅមកក្នុង១ថ្ងៃៗ ព្រោះចម្ងាយផ្លូវជិតកាត់បន្ថយពេលវេលា និងសន្សំថវិកា៕ ដោយ ៖ ពៅ សុខហ៊ាន
ចែករំលែកព័តមាននេះ