ADផ្ទាំងផ្សព្វផ្សាយពាណិជ្ជកម្ម

Picture

ក្រុមហ៊ុនយក្សអាមេរិកជាច្រើនចាប់អារម្មណ៍រកស៊ីនៅកម្ពុជា

3 ឆ្នាំ មុន

រាជធានីភ្នំពេញ៖ ក្រុមហ៊ុនយក្សរបស់អាមេរិក មានក្រុមហ៊ុន ConocoPhillips ក្រុមហ៊ុន Ford Motor ក្រុមហ៊ុន Amazon ក្រុមហ៊ុន…

រាជធានីភ្នំពេញ៖ ក្រុមហ៊ុនយក្សរបស់អាមេរិក មានក្រុមហ៊ុន ConocoPhillips ក្រុមហ៊ុន Ford Motor ក្រុមហ៊ុន Amazon ក្រុមហ៊ុន Herbalife Nutrition ក្រុមហ៊ុន Pernod Ricard ក្រុមហ៊ុន Visa និងក្រុមហ៊ុនGoogle ជាដើម សុទ្ធសឹងមានចំណាប់​អារម្មណ៍ក្នុងការបណ្ដាក់ទុននៅកម្ពុជា នេះបើតាមឲ្យរបស់ក្រសួងពាណិជ្ជកម្ម។

លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានដឹកនាំប្រតិភូពាណិជ្ជកម្ម ចូលរួមកិច្ចប្រជុំ ក្រុមប្រឹក្សាធុរកិច្ចសហរដ្ឋអាមេរិក-អាស៊ាន នៅព្រឹកថ្ងៃទី២៨កញ្ញា តាមប្រព័ន្ធវីដេអូ។ ក្នុងកិច្ចប្រជុំនោះ មានក្រុមហ៊ុនធំៗរបស់អាមេរិកដូចខាងលើបានចូលរួម ក្រៅពីបានចំចាប់អារម្មណ៍បណ្តាក់ទុន នៅកម្ពុជាហើយ មានក្រុមហ៊ុនខ្លះបាន សម្តែងសុទិដ្ឋិនិយមក្នុងការបន្តវិនិយោគ និងពង្រីកអាជីវកម្មរបស់ពួកគេនៅស្រុកខ្មែរ ជាពិសេសនោះគឺជួយគាំទ្រក្នុងការស្តារសេដ្ឋកិច្ចកម្ពុជាឡើងវិញក្រោយជម្ងឺកូវីដ១៩ ត្រូវបានបញ្ចប់។

លោក រដ្ឋមន្ត្រីបានលើកឡើងពីសក្តានុពលពាណិជ្ជកម្មទ្វេភាគីកម្ពុជា-អាមេរិក ដែលបានបន្តកើនឡើងបើគិតត្រឹមខែកក្កដាឆ្នាំ២០២០ ទំហំពាណិជ្ជកម្មសរុបមានចំនួន ៣,៥៧០.៩០ លានដុល្លារ គឺកើនឡើងប្រមាណ១៧,០៤%  បើប្រៀបធៀបនឹង៧ខែដើមឆ្នាំ២០១៩។

នាយកដ្ឋានអាមេរិក របស់ ក្រសួងពាណីជ្ជកម្មបានឲ្យដឹងថានៅក្នុងកិច្ចប្រជុំនោះ លោក ប៉ាន សូរស័ក្តិ បានលើកឡើងពីវឌ្ឍនភាពនៃកំណែទម្រង់ស៊ីជម្រៅរបស់រាជរដ្ឋាភិបាលកម្ពុជាទាំងក្នុងក្របខ័ណ្ឌស្ថាប័ននិងគតិយុត្តិ។ កម្ពុជាបានចូល ជាធរមាននៃច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិកនិងច្បាប់ស្តីពីការការពារអ្នកប្រើប្រាស់ ដែលជាច្បាស់សំខាន់មួយ នៅក្នុងវិស័យពាណិជ្ជនាពេលបច្ចុប្បន្ននេះ  និងការផ្លាស់ប្តូររចនាសម្ព័ន្ធនិងមុខងាររបស់ CAMCONTROL ទៅជាអគ្គនាយកនៃការការពារអ្នកប្រើប្រាស់ការប្រកួតប្រជែង និងការបង្ក្រាបការក្លែងបន្លំប្រកបដោយភាពជោគជ័យ ជាដើម។

លោករដ្ឋមន្រ្តីបានប្រាប់ទៅកិច្ចប្រជុំបន្ថែមថា កាលពីខែមិថុនា ឆ្នាំ២០២០នេះ កម្ពុជាបានដាក់ចេញនូវកម្មវិធីថ្មីមួយ(New Platform) សម្រាប់ការចុះបញ្ជីពាណិជ្ជកម្ម ចុះបញ្ជីពន្ធដារ និងការចុះបញ្ជីការងារក្នុងពេលតែមួយ ដើម្បីបង្កើនភាពងាយស្រួលដល់វិនិយោគិន ជាមួយនឹងការចុះបញ្ជីពាណិជ្ជកម្ម និងដាក់ដំណើរការឯកសារពាក់ព័ន្ធនៃការចុះបញ្ជីរបស់ពួកគេ។

ឆ្លៀតក្នុងឱកាសនេះ លោក រដ្ឋមន្ត្រីបានធ្វើបច្ចុប្បន្នភាព​ដល់​គណៈប្រតិភូនៃក្រុមប្រឹក្សាធុរកិច្ចសហរដ្ឋអាមេរិក-អាស៊ាន អំពីចក្ខុវិស័យរបស់កម្ពុជា ក្នុងការផ្លាស់ប្តូរទៅកាន់សេដ្ឋកិច្ចឌីជីថលនៅឆ្នាំ២០២៣ខាងមុខ។ ដើម្បីសម្រេចបាននូវចក្ខុវិស័យនេះ កម្ពុជាបានបង្កើតនូវគំនិតផ្តួចផ្តើមជាច្រើនដូចជា ផែនការយុទ្ធសាស្ត្រអភិវឌ្ឍន៍ជាតិ (NSDP ឆ្នាំ២០១៩-២០២៣) យុទ្ធសាស្ត្រចតុកោណដំណាក់កាលទី៤ និងផែនការអភិវឌ្ឍន៍ឧស្សាហកម្ម(IDP ឆ្នាំ២០១៥-២០២៥)៕

អត្ថបទសរសេរ ដោយ

កែសម្រួលដោយ