អ្នក​វិនិយោគ​មាន​សុ​ទិ​ដ្ឋ​និយម​ចំពោះ​វិស័យ​អចលនទ្រព្យ​នៅ​ចុងឆ្នាំ​នេះ​ឬ​ដើមឆ្នាំ​ក្រោយ


​រាជធានី​ភ្នំពេញ ៖ អ្នក​វិនិយោគ​ក្នុង​វិស័យ​អចលនទ្រព្យ​នៅ​ប្រទេស​កម្ពុជា​បាន​បង្ហាញ​នូវ​សុ​ទិ​ដ្ឋ​និយម​ចំពោះ​វិស័យ​នេះ​អាច​នឹង​ប្រសើរ​ឡើង​វិញ​នៅ​ចុងឆ្នាំ​២០២០ ឬ​ដើមឆ្នាំ​២០២១​ខាង​មុខ ដោយ​បណ្ដា​ក្រុមហ៊ុន​និង​អ្នក​វិនិយោគ​មួយ​ចំនួន​បាន​បន្តសកម្មភាព​របស់​ខ្លួន ជាមួយនឹង​ក្ដី​រំពឹង​នៅ​ចុងឆ្នាំ​នេះ ឬ​ដើមឆ្នាំ​ក្រោយ ។ ​

បើ​តាម​លោក ច្រឹ​ក សុខ​នី​ម ប្រធាន​សមាគម​អ្នក​វាយតម្លៃ និង​ភ្នាក់ងារ​អចលវត្ថុ​កម្ពុជា បាន​ថ្លែង​ថា ចំពោះ​វិស័យ​អចលនទ្រព្យ​នៅ​កម្ពុជា លោក​ជឿ​ថា​អាច​នឹង​មាន​ភាពល្អ​ប្រសើរ​ឡើង​វិញ នៅ​ចុងឆ្នាំ​នេះ ឬ​ដើមឆ្នាំ​ក្រោយ ។ ​ប្រធាន​សមាគម​អ្នក​វាយតម្លៃ និង​ភ្នាក់ងារ​អចលវត្ថុ​កម្ពុជា បាន​ថ្លែង​យ៉ាង​ដូច្នេះ​ថា « វិបត្តិ​គ្រប់យ៉ាង​នៅ​ក្នុង​ឆ្នាំ ២០២០​នេះ គឺ​បង្ក​ឡើង​ដោយ​ជំងឺ​កូ​វី​ដ​១៩ ដែល​ធ្វើ​អោយ​វិស័យ​ផ្សេង​ៗ រួម​ទាំង

វិស័យ​អចលនទ្រព្យ​ផង​ដែរ​នោះ​មាន​បញ្ហា​និង​ធ្វើ​អោយ​សកម្មភាព​វិនិយោគ​នានា​ត្រូវ​បាន​ថមថយ​មួយ​កម្រិត » ។ លោក​បាន​បន្ត​ថា ដោយសារ​តែ បណ្ដា​ប្រទេស​ធំ​ៗ​មួយ​ចំនួន​នៅ​លើ​ពិភពលោក​បាន​ប្រកាស​ពី​ការ​រក​ឃើញ​វ៉ាក់សាំង​ការពារ​ជំងឺ​កូ​វី​ដ​១៩​នេះ មិនយូរ​ទេ​វ៉ាក់សាំង​នោះ នឹង​អាច​ប្រើប្រាស់​ជា​ផ្លូវការ​នៅ​លើ​ពី​ភព​លោក ដែល​ជំ​ងឹ​កូ​វី​ដ​១៩​នោះ នឹង​ត្រូវ​រលាយ​បាត់​ពី​ពិភពលោក ធ្វើ​អោយ​សកម្មភាព​វិនិយោគ សកម្មភាព​ក្នុង​វិស័យ​ទេសចរណ៍ នឹង​ងើបឡើង​វិញ ហើយ​កម្ពុជា​នឹង​ទទួល​បាន​វិនិយោគិន​មក​បណ្ដាក់ទុន​វិនិយោគ​ឡើង​វិញ​ជាក់​ជា​មិន​ខាន ។

ជាមួយនឹង​ក្ដី​រំពឹង​ពី​ការ​ងើបឡើង​វិញ​នៃ​វិស័យ​អចលនទ្រព្យ​នេះ​ដែរ វិនិយោគិន​ក្នុង​វិស័យ​ខុន​ដូ​ជា​ច្រើន ក៏​បាន​និង​កំពុង​បន្ត​អភិវឌ្ឍន៍​គម្រោង និង​ជំរុញ​ការ​លក់​របស់​ខ្លួន​អោយ​កាន់តែ​ខ្លាំង​ជាង​មុន​ផង​ដែរ ដោយ​មើលឃើញ​ពី​សក្ដានុពល​នៃ​ការ​អភិវឌ្ឍ​នៅ​ក្នុង​ប្រទេស​កម្ពុជា ។

លោក Zhong Jin Jian នាយក​គ្រប់គ្រង​ទៅ​ទូ​នៃ​ក្រុមហ៊ុន​អចលនទ្រព្យ Wangfu Guoji បាន​និយាយ​ថា មូលហេតុ​ដែល​លោក​សម្រេច​មក​វិនិយោគ​នៅ​កម្ពុជា ដោយសារ​តែ​ចង់អោយ​ប្រជាជន​រស់នៅ​ក្នុង​ប្រទេស​កម្ពុជា​ទទួល​នូវ​ការ​រស់នៅ​បែប​ស៊ី​វិ​ល័យ ដូចនឹង​ប្រទេស​រីក​ចម្រើន​ដែរ ។ ទោះបីជា​ពេល​នេះ កម្ពុជា​និង​ពិភពលោក​ទទួល​រង​នូវ​វិបត្តិ​យ៉ាងណា​ក្ដី ក្នុង​នាម​ជា​អ្នក​វិនិយោគ​មួយ​រូប នៅ​តែ​បន្ត​ប្រឹងប្រែង អភិវឌ្ឍន៍​គម្រោង​អោយ​កាន់តែ​មានគុណ​ភាព ជាមួយនឹង​ជំនឿ​ជាក់​លើ​ការ​គាំទ្រ​ពី​ប្រជាពលរដ្ឋ​រស់នៅ​ក្នុង​ប្រទេស​កម្ពុជា ។

លោក​បាន​បន្ត​ថា បើ​ទោះបីជា​ស្ថានភាព​យ៉ាង​ក្តី បើសិនជា​ក្រុមហ៊ុន​នីមួយ​ៗ មាន​ហិរញ្ញវត្ថុ​រឹង​មាំ​នោះ វា​នឹង​មិន​ធ្វើ​អោយ​បញ្ហា​អ្វី​ដល់​ដំណើរការ​វិនិយោគ​នោះ​ទេ​។ អ្វី​ដែល​ពិសេស​ការ​ជ្រើសរើស​ទីតាំង​សម្រាប់​ការ​អភិវឌ្ឍ​ជា​ខុន​ដូ និង​អចលនទ្រព្យ​ផ្សេង​ក៏​សំខាន់​ផង​ដែរ ដើម្បី​ទទួល​បានការ​គាំទ្រ​និង​ជោគជ័យ ។

ដោយឡែក​អ្នក​អភិវឌ្ឍន៍​គម្រោង​ខុន​ដូ​មួយទៀត​នៅ តំបន់​ប៉ែក​ខាងលិច​រាជធានី​ភ្នំពេញ ក៏​បាន​បង្ហាញ​ពី​សុទិដ្ឋិនិយម​ចំពោះ​វិស័យ​អចលនទ្រព្យ​ជា​ពិសេស​ខុន​ដូ ក្នុង​ប្រទេស​កម្ពុជា នៅ​ចុងឆ្នាំ​នេះ ឬ​ដើមឆ្នាំ​ក្រោយ ដោយ​រំពឹង​ថា​វិនិយោគិន​បរទេស​នឹង​មក​កាន់​ប្រទេស​កម្ពុជា​ស្វែងរក​ការ​វិនិយោគ​ឡើង​វិញ និង​អាច​ធ្វើ​អោយ​សកម្មភាព​វិនិយោគ​នៅ​កម្ពុជា​មាន​ភាព​ប្រសើរ​ឡើង​វិញ ៕

Facebook Google Twitter Email

Live

Sponsored News

០២:៣៩ | ក្នុងស្រុក

ក្រុមហ៊ុន ភីធីធី កម្ពុជា ផ្តល់អាហារូបករណ៍ ៣០០កន្លែងដល់សិស្សកម្ពុជា ដើម្បីបណ្តុះបណ្តាលអ្នកដឹកនាំវ័យក្មេងតាមរយៈវគ្គសិក្សាពីចម្ងាយ «ទម្លាប់ល្អទាំង ៧របស់យុវវ័យឆ្នើម»

ការស្ទង់មតិគេហទំព័រថ្មី




សូម​អរគុណ