អគ្គនាយកដ្ឋានពន្ធដាបានឲ្យដឹងថា ចំណូលពន្ធអាករសរុប រយៈពេល៣ខែដើមឆ្នាំ២០២៤ អាចសម្រេចបានប្រមាណជា ២៨,៥៥ភាគរយ នៃផែនការកំណត់ នៅក្នុងច្បាប់ស្តីពីហិរញ្ញវត្ថុ សម្រាប់ការគ្រប់គ្រង ឆ្នាំ២០២៤ តែចំណូលនេះធ្លាក់ចុះ…
អគ្គនាយកដ្ឋានពន្ធដាបានឲ្យដឹងថា ចំណូលពន្ធអាករសរុប រយៈពេល៣ខែដើមឆ្នាំ២០២៤ អាចសម្រេចបានប្រមាណជា ២៨,៥៥ភាគរយ នៃផែនការកំណត់ នៅក្នុងច្បាប់ស្តីពីហិរញ្ញវត្ថុ សម្រាប់ការគ្រប់គ្រង ឆ្នាំ២០២៤ តែចំណូលនេះធ្លាក់ចុះ ។
នៅក្នុងរយៈពេលពីខែមករា ដល់ខែមីនា ឆ្នាំ២០២៤ កម្ពុជាទទួលចំណូលពន្ធសរុបប្រមាណជា១,១៨ ពាន់លានដុល្លារ ដែលធ្លាក់ចុះប្រមាណជា ១១,៩ ភាគរយធៀបនឹងចំណូលពន្ធនៅក្នុងរយៈពេលដដែល នៅឆ្នាំ២០២៣ ដែលសម្រេចបាន១,៣៤ពាន់លានដុល្លារ ។
ប្រភពដដែលបានបន្តទៀតថា នៅក្នុងរយៈពេលនេះ ប្រភពពន្ធច្រើនជាងគេ គឺពន្ធលើប្រាក់ចំណូល ដែលបានប្រមាណជា ២.១៧១ ពាន់លានរៀល ពន្ធអាករលើតម្លៃបន្ថែម ដែលមានទំហំ៨៩៨ ពាន់លានរៀល ពន្ធអាករពិសេស មានទំហំ២៦៨ពាន់លានរៀន ពន្ធលើប្រាក់បៀវត្ស មានទំហំប្រមាណជា ៣៣៤ ពាន់លានរៀល ពន្ធប្រថាប់ត្រា មានទំហំ ១៦៤ពាន់លានរៀល និងបន្ធរលើថ្លៃឈ្នួលអចលនទ្រព្យ ដែលមានតម្លៃប្រមាណជាជិត ៨ ពាន់លានរៀល ។
ក្រៅពីនោះ ចំណូលពន្ធតាមសកម្មភាពអាជីវកម្ម នៅក្នុងរយៈពេលនេះ គឺមានពន្ធអាហរ័ណ-នីហរ័ណ សេវាកម្មហិរញ្ញវត្ថុ និងធានារ៉ាប់រង កសិកម្ម ប្រតិបត្តិការ និងអាជីវកម្មធនធានរ៉ែ កម្មន្តសាល សកម្មភាពអចលនទ្រព្យ ការដឹកជញ្ជូន និងការស្តុកទុក ព័ត៌មានវិទ្យា និងទូរគមនាគមន៍ ការសាងសង់ និងសេវាកម្មស្នាក់នៅ និងអាហារជាដើម ៕
ចែករំលែកព័តមាននេះ