ការនាំចូលគ្រឿងសំណង់ និងដែកត្រូវបានក្រសួងពាណិជ្ជកម្មបង្ហាញតួរលេខកំណើនឡើងវិញ នៅក្នុងរង្វង់ការនាំចូលរយៈពេល៥ខែកន្លងមក ។ ស្ថិតិដែលបានទទួលនៅថ្ងៃទី ២៨ ខែ មិថុនា ឆ្នាំ២០២៤ បានបង្ហាញថា…
ការនាំចូលគ្រឿងសំណង់ និងដែកត្រូវបានក្រសួងពាណិជ្ជកម្មបង្ហាញតួរលេខកំណើនឡើងវិញ នៅក្នុងរង្វង់ការនាំចូលរយៈពេល៥ខែកន្លងមក ។
ស្ថិតិដែលបានទទួលនៅថ្ងៃទី ២៨ ខែ មិថុនា ឆ្នាំ២០២៤ បានបង្ហាញថា នៅក្នុងរង្វង់ពីខែមករា ដល់ខែឧសភាកន្លងទៅនេះ ការនាំចូលគ្រឿងសំណងផ្សេងៗ គឺមានកំណើន២១,០៦ភាគរយ ខណៈដែលការនាំចូលដែក គឺមានកំណើនដល់ទៅ៤៦,៥៨ ភាគរយឯណោះ ។
ប្រភពដដែលបានឲ្យដឹងថា នៅក្នុងរយៈពេល៥ខែដើម ឆ្នាំ២០២៣ កម្ពុជានាំចូលគ្រឿងសំណង់មានតម្លៃត្រឹមតែជិត៥១៤លានដុល្លារប៉ុណ្ណោះ ប៉ុន្តែនៅ៥ខែនៃឆ្នាំ២០២៤ គឺបាននាំចូលដល់ទៅជាង ៦២២ លានដុល្លារ ។ រីឯការនាំចូលដែកវិញ គឺ៥ខែ ឆ្នាំ២០២៣នាំចូលត្រឹមតែ ២១១,៥២ លានដុល្លារ តែដល់៥ខែឆ្នាំ២០២៤ ឡើងដល់ទៅជាង៣១០ដុល្លារ ។
សម្រាប់ការនាំចូលស៊ីម៉ង់វិញ គឺមានការថយចុះ ប៉ុន្តែគេដឹងថា នៅពេលនេះសមត្ថភាពនៃរោងចក្រផលិតស៊ីម៉ង់នៅក្នុងស្រុកកំពុងតែពង្រីក ។ ដោយ៥ខែដើម ឆ្នាំនេះការនាំចូលស៊ីម៉ង់មានតម្លៃត្រឹមតែ ៧,៨៨ លានដុល្លារថយចុះ៤,៤៥ ភាគរយ ៕
ចែករំលែកព័តមាននេះ