ទោះបីជាយ៉ាងណាក្តីគោលបំណងរបស់ណាប៉ូឡេអុង ដើម្បីបង្កើតចក្រភពនៅបរទេសទទួលបានជ័យជំនះស្តួចស្តើងណាស់នៅលើកោះដូមីនីក ក្នុងតំបន់ការ៉ាស៊ីបកងទ័ពរបស់គាត់កើតជំងឺគ្រុនលឿង និងទទួលការវាយប្រហារពីមេដឹកនាំហៃទីស្បែកខ្មៅទូសេនពូវែរទៀ ។ ឯផែនការរបស់គាត់ដើម្បីបន្តសកម្មភាពបារាំងនៅទឹកដីអេហ្សីបនិងមហាសមុទ្រឥណ្ឌាក៍ជួបបរាជ័យដែរ ។ គាត់បាន
បោះបង់សុបិន្តចង់បង្កើតចក្រភពបារាំថនៅអាមេរិចហើយទីបំផុតលក់ទឹកដីល្វីសស៊ៀណាដ៏ធំល្វឹង ល្វើយទៅឲ្យអាមេរិចក្នុងឆ្នាំ១៨០៣ក្នុងតម្លៃ១៥លានដុល្លារប៉ុណ្ណោះ ។
ការវាតទីរបស់ណាប៉ូឡេអុងធ្វើអោយប្រទេសអឺរ៉ុបមិនអាចនៅស្ងៀមបាន
ទន្ទឹមពេលជាមួយគ្នានោះប្រទេសអឺរ៉ុបដទៃទៀតកាន់តែមិនអាចនៅស្ងៀមបានចំពោះមហិច្ឆតារបស់ណាប៉ូលេអុង ។ ជាពិសេសចក្រភពអង់គ្លេសបានយល់ថា ខ្លួនមានការលំបាកក្នុងការធ្វើជំនួញជាមួយប្រទេសអឺរ៉ុប ក្នុងខណៈដែលបារាំងកាន់កាប់បណ្តោយឆ្នេរសមុទ្រអាត្លង់ទិចពីបែលហ្សិចទៅអ៊ីតាលីខាងជើង ។ មិនយូរប៉ុន្មាន ក្រោយមកមេដឹកនាំអូទ្រីសនិងរុស្សីបានរួមជាមួយអង់គ្លេសហើយក្រោយមកទៀតជាមួយរាជាណាចក្រព្រុស្សាដើម្បីប្រឆាំងនឹងការវាតទីរបស់បារាំង ។ នៅពេលដែលអូទ្រីសប្រកាសសង្គ្រាមណាប៉ូលេអុងមានកំហឹងសារជាថ្មី ។ កងទ័ពរបស់គាត់បានកំទេចពួក អូទ្រីសនៅទីក្រុងអ៊ូលឹមហើយក្រោយមកទៀតបំផ្លាញកំលាំងរួមរវាងអូទ្រីសនិងរុស្សីនៅអូស្ទឹលីត ។
យោងទៅតាមអ្នកប្រវត្តិសាស្ត្រវាគឺជាជ័យជំនះដ៏ធំធេងជាងគេបំផុតរបស់ណាប៉ូលេអុង ។ សំរាប់អ្នកដឹកនាំមួយចំនួនប្រហែលជានឹងឈ្លក់វង្វេងនឹងជ័យជំនះបែបនេះជាមិនខានប៉ុន្តែ ចំពោះ
ណាប៉ូឡេអុងគាត់ក៏បានទៅប្រជុំជាមួយស្តេចត្យារអាឡិចសង់ឌ័រទី១របស់រុស្សី ។ មេដឹកនាំទាំងពីរបានឯកភាពគ្នាបែងចែកការគ្រប់គ្រងទ្វីបអឺរ៉ុបដោយរុស្សីត្រួតត្រាដែនដីអឺរ៉ុបខាងកើតហើយបារាំងគ្រប់គ្រងនៅភាគខាងលិច ។ តែទោះជាយ៉ាងក្តីឧត្តមសេនីយ៍អង់គ្លេសហូរ៉ាត្យូណែលសុនបានធ្វើឲ្យផែនការរបស់ណាប៉ូឡេ អុងជួបមហន្តរាយជាថ្មីម្តងទៀត ។ នៅក្នុងចម្បាំងផ្លូវទឹកនៅសមុទ្រអាត្លង់ទិចជិតជ្រោយ Trafalgar ប្រទេសអេស្ប៉ាញណែលសុនបានបាត់បង់ជីវិតប៉ុន្តែពួកអង់គ្លេសស្ទើរបំផ្លាញកងកម្លាំងជើងទឹកបារាំងទាំងស្រុង ។ ដោយពុំបានកាប់កាន់ដែនសមុទ្រណាប៉ូលេអុងបានបាត់បង់អស់រាល់ក្តីសង្ឃឹមក្នុង ការចូលកាន់កាប់បណ្តាកោះរបស់អង់គ្លេស ។
ដូច្នេះ Trafalgar ក៏បានក្លាយទៅជាចម្បាំងប្រវត្តិសាស្ត្រដ៏ធំបំផុតមួយ ។ ដោយមិនអាចឈ្លាន
ពានអង់គ្លេសបានណាប៉ូលេអុងបានបង្កើត “ប្រព័ន្ធទ្វីប” ដើម្បីរាំងខ្ទង់ពាណិជ្ជកម្មរវាងអង់គ្លេសនិងទ្វីបអឺរ៉ុប ។ នៅពេលដែលព័រទុហ្គាល់និងអេស្ប៉ាញបដិសេធមិនសហការជាមួយគាត់ក្នុងការរាំងខ្ទប់នេះគាត់ខ្លួនឯងផ្ទាល់បានដឹកនាំទ័ពបារាំងចូលលុកលុយកាន់កាប់ប្រទេសទាំងនេះ ។ ភ្លាមបន្ទាប់ពីគាត់វិលត្រលប់មក កាន់បារាំងវិញការបះបោរជាចំហរបានផ្ទុះឡើងប្រឆាំងការកាន់កាប់របស់កងកម្លាំងបារាំង ។ ដោយមានជំនួយពីកងទ័ពអង់គ្លេសដែលដឹកនាំដោយឌុចវេលីងថុន ព័រទុយហ្គាល់និង អេស្ប៉ាញបានធ្វើឲ្យកងទ័ពបារាំងជួបប្រទះបរាជ័យធ្ងន់ធ្ងរ ។
ទីបញ្ចប់កងកម្លាំងបារាំងត្រូវបានគេបង្ខំឲ្យចាកចេញពីឧបទ្វីបអ៊ីបេរី ។ សង្គ្រាមឧបទ្វីបបានស្តែងជាការបរាជ័យមួយ ។ ទោះបីជាគាត់បរាជ័យនៅអេស្ប៉ាញណាប៉ូលេអុងនៅតែមានលទ្ធភាពបង្កើតចក្រភពដ៏ធំមួយនៅអឺរ៉ុប ។ អ្វីដែលគាត់សង្ឃឹមនៅពេលនោះគឺធ្វើយ៉ាងណាឲ្យចក្រភពនោះមានជីវិតជាអច្ត្រៃយ៍តាមរយៈការផ្ទេរការកាន់កាប់ទៅឲ្យកូនចៅជំនាន់ក្រោយរបស់គាត់ផ្ទាល់ ។
ណាប៉ូឡេអុងជួបប្រទះបរាជ័យធ្ងន់ធ្ងរ
នៅពេលអាយុ៤០ឆ្នាំដោយគ្មានកូនប្រុសនោះ គាត់បានលែងលះប្រពន្ធរបស់គាត់ហ្សូសេហ្វីនហើយក្នុងឆ្នាំ១៨១០គាត់បានរៀបការជាមួយម៉ារីល្វីសអាយុ១៨ឆ្នាំដែលជាបុត្រីរបស់ស្តេចអូទ្រីស ។ រឿងនេះនឹងមានផ្សាយជូននៅវគ្គបន្តទៀត ៕
បញ្ជាក់៖ វគ្គទី១ ណាប៉ូឡេអុង អធិរាជបារាំងប្រកបដោយមហិច្ឆតា
វគ្គទី២ ណាប៉ូឡេអុង អធិរាជបារាំងប្រកបដោយមហិច្ឆតា
វគ្គទី៣ ណាប៉ូឡេអុងធ្វើរដ្ឋប្រហារនិងបង្កើតរដ្ឋាភិបាលថ្មី
ចែករំលែកព័តមាននេះ