ខេត្តប៉ៃលិន ៖ ស្ត្រីម្នាក់បានទៅដាក់ពាក្យបណ្តឹងដល់ប៉ុស្តិ៍នគរបាលរដ្ឋបាលឃុំស្ទឹងកាច់ដោយនាងអះអាងថា មានស្ត្រីជាជនជាតិចិនម្នាក់បានឆបោកប្រាក់ខ្លួន៩០ម៉ឺនបាត (ប្រាក់ថៃ) ស្មើនឹងជាង១២០លានរៀល(១២០៦៦៨០១១៛) កាលពីចុងខែវិច្ឆិកា ឆ្នាំ២០១៩ ហើយសន្យាសងវិញនៅថ្ងៃទី៣ ខែធ្នូ ឆ្នាំ២០១៩ តែដល់ថ្ងៃកំណត់ស្ត្រីខាងលើបែរជារត់គេចខ្លួនបាត់ស្រមោលទៅវិញ ។ ហេតុការណ៍ស្ត្រីរងគ្រោះដាក់ពាក្យបណ្តឹងនេះបានធ្វើឡើងកាលពីរសៀលថ្ងៃទី៣ ខែធ្នូ នៅប៉ុស្តិ៍នគរបាលរដ្ឋបាលឃុំស្តឹងកាច់ស្រុកសាលាក្រៅ ខេត្តប៉ៃលិន ។
បើតាមប្រភពព័ត៌មានពីស្រី្តឈ្មោះ មិន រ៉ា អាយុ៣១ឆ្នាំ រស់នៅភូមិផ្សារព្រំ ឃុំស្ទឹងកាច់ស្រុកសាលាក្រៅ បានឱ្យដឹងថា ស្ត្រីជាជនជាតិចិនម្នាក់ឈ្មោះ សាំ វួយយៀង អាយុ២៥ឆ្នាំ បានល្បួងសុំខ្ចីលុយនាងចំនួន៩០ម៉ឺនបាត (ប្រាក់ថែ) ប្រហែលជាជាង១០០លានរៀល ហើយបានសន្យាសងវិញនៅថ្ងៃទី៣ ខែធ្នូ ឆ្នាំ២០១៩ តែដល់ថ្ងៃកំណត់ជនខាងលើបានរត់គេចខ្លួនបាត់មិនដឹងជាទៅទីណានោះទេ ។
ស្រី្តខាងលើបានបន្តទៀតថា ដោយស្ត្រីខាងលើជាបុគ្គលិកកាស៊ីណូជាមួយគ្នាម្យ៉ាងទៀតស្ត្រីរូបនោះជាកូនចៅរបស់ប្តីខ្លួនផងទើបនាងទុកចិត្តឱ្យខ្ចីលុយយ៉ាងច្រើនបែបនេះហើយក៏គេចខ្លួនរហូតមក ៕
កែសម្រួលដោយ ៖ សំណាង
ចែករំលែកព័តមាននេះ