រាជធានីភ្នំពេញ ៖ តាមអ្នកឆ្លើយឆ្លងព័ត៌មានដែលបានរាយការណ៍នាពេលមុននេះបន្តិចបានឱ្យដឹងថា កីឡាករកម្ពុជាល្បីឈ្មោះចំនួន៤រូប គឺ១-កីឡាករវង្ស ណយ, ២-កីឡាករសេន ប៊ុនថេន, ៣-កីឡាកររឿង សោភ័ណ្ឌ និង៤-កីឡាករសែន រ៉ាឌី នឹងចាកចេញពីកម្ពុជាទៅកាន់ប្រទេសបារាំងនៅល្ងាចថ្ងៃទី២៤ ឧសភា ២០១៤ ដើម្បីចូលរួមប្រកួតដណ្តើមជើងឯកអាស៊ីអឺរ៉ុប។
កម្មវិធីប្រកួតដណ្តើមជើងឯកអាស៊ីអឺរ៉ុបនៅប្រទេសបារាំងនោះនឹងចាប់ផ្តើមឡើងនៅដើមខែមិថុនា ហើយបញ្ចប់ទៅវិញនៅចុងខែមិថុនាដដែល។
គួរបញ្ជាក់ថា កីឡាករទាំង៤រូបបានធ្វើដំណើរទៅប្រទេសបារាំងមុនពេល ដើម្បីទុកពេលវេលាហ្វឹកហាត់បំប៉នសមត្ថភាពមុននឹងចូលរួមប្រកួត៕
ចែករំលែកព័តមាននេះ