រាជធានីភ្នំពេញ ៖ មន្ដ្រីនគរបាលប៉ុស្ដិ៍បឹងសាឡាង ខណ្ឌទួលគោកម្នាក់ ត្រូវបានគេអះអាងថា បានបែកថ្នាំរហូតទាញកាំភ្លើងអាកាបាញ់មេឃ១គ្រាប់ ធ្វើឱ្យអ្នកជិតខាងប្រមាណ២គ្រាប់ទៀត បណ្តាលអោយរងរបួសម្នាក់ត្រូវបញ្ឆិតខ្នង ។ បន្ទាប់ពីផ្ទុះអាវុធ…
រាជធានីភ្នំពេញ ៖ មន្ដ្រីនគរបាលប៉ុស្ដិ៍បឹងសាឡាង ខណ្ឌទួលគោកម្នាក់ ត្រូវបានគេអះអាងថា បានបែកថ្នាំរហូតទាញកាំភ្លើងអាកាបាញ់មេឃ១គ្រាប់ ធ្វើឱ្យអ្នកជិតខាងប្រមាណ២គ្រាប់ទៀត បណ្តាលអោយរងរបួសម្នាក់ត្រូវបញ្ឆិតខ្នង ។ បន្ទាប់ពីផ្ទុះអាវុធ ត្រូវបានកម្លាំងនគរបាលឃាត់ខ្លួន បញ្ជូនទៅកាន់ការិយាល័យព្រហ្មទណ្ឌកំរិតធ្ងន់នៃស្នងការដ្ឋានរាជធានីភ្នំពេញ ដើម្បីចាត់ការតាមច្បាប់ ។
ហេតុការណ៍បង្កអោយមានការភ្ញាក់ផ្អើល កាលពីវេលាម៉ោងប្រមាណ៧និង៣០នាទីព្រឹកថ្ងៃទី០២ វិឆ្ឆិកា នៅចំណុចផ្លូវលេខ២៧១ហ្សេត សង្កាត់បឹងសាឡាង ខណ្ឌទួលគោក រាជធានីភ្នំពេញ ។ ជនញៀនថ្នាំនោះឈ្មោះសុង ពិសិដ្ឋ ជាមន្ត្រីនគរបាលប៉ុស្តិ៍បឹងសាឡាង ថ្នាក់ព្រឹទ្ធបាលឯក ស្នាក់នៅផ្ទះជួល ក្បែរកន្លែងកើតហេតុខាងលើ ។
ចំណែកជនរងគ្រោះឈ្មោះ សឹង សុផល ភេទប្រុសអាយុ ៥២ឆ្នាំជាអ្នកម៉ៅការសំណង់ស្នាក់នៅផ្ទះលេខ ៥៧ កន្លែងកើតហេតុខាងលើបានរងរបួសខ្នងកំពុងសម្រាកព្យាបាលនៅមន្ទីរពេទ្យ មិត្តភាពកម្ពុជាសូវៀត ។ តាមព័ត៌មានអោយដឹងថា មន្ត្រីជានគរបាលរូបនោះជាមនុស្សញៀន ថ្នាំ ស្ថិតនៅក្នុងឯកសណ្ឋាន ហើយ ថ្នាំញៀនបានរើឡើងក៍ ទាញកាំភ្លើងបាញ់ ចំនួន ៣គ្រាប់បណ្តាលអោយអ្នកជិតខាងម្នាក់បានរងរបួសតែម្តង ។
តាមនារីម្នាក់ឈ្មោះសឹង សុធីអាយុ២៣ឆ្នាំ ជាកូន ស្រីជនរងគ្រោះ បានអោយដឹងថា នៅមុនពេលកើតហេតុ មន្ត្រីនគរបាលក៍បានកាន់កាំភ្លើង អាកាមួយដើម បានដើរចូលទៅផ្លូវលំហើយ ស្រែកថា «អាហ៊ាងអ្ហែងនៅណា0x017d7»ស្រែជាច្រើនដង ហើយ បានអាម៉េបញ្ជូលគ្រាប់បាញ់ឡើងលើមួយគ្រាប់ ។ភ្លាមនោះ ឪពុករបស់នាង ឃើញទំនងមិនស្រូលក៍បានជិះម៉ូតូចេញត្រូវបានមន្ត្រីនគរបាលរូបនោះស្នាក់ផ្លូវហើយតម្រង់បាញ់ចំនួន២គ្រាប់ ផ្ទួនៗគ្នាក្នុងចំងាយជិតគ្នាបំផុត បណ្តាលអោយត្រូវមួយគ្រាប់បញ្ឆិតខ្នងដោយសារតែឪពុកអោនផុតនិងជិះម៉ូតូគេចខ្លួន ។
តាមព័ត៌មានដឹងទៀត ភ្លាមៗ កូនចៅជនរងគ្រោះ ព្រមទាំងអ្នកភូមិ ក៍បានរត់គេចខ្លួន អស់។បន្ទាប់ពីបែកថ្នាំបាញ់អ្នកខាងសមត្ថកិច្ចនគរបាលក៍បានចុះទៅឃាត់ខ្លួនវាយខ្នោះរួចក៍បញ្ជូន មកាន់ការិយាល័យ នគរបាលព្រហ្មទណ្ឌកំរិតធ្ងន់នៃស្នងការដ្ឋាននគរបាលរាជធានីភ្នំពេញ។ ចំណែកជនរងគ្រោះត្រូវបានក្រុមគ្រួសារបញ្ជូនទៅកាន់មន្ទីរពេទ្យ ។ នៅកន្លែងកើតហេតុ នគរបាលក៍បានរើសបានសំបកគ្រាប់ចំនួន៣ផងដែរ។ តាមព័ត៌មានអោយដឹងថា មន្ត្រីនគរបាលជាមន្ត្រីប៉ូលិស ដែលទើបតែចូលថ្មី បែរជាមនុស្សញៀន។ គេមានការងឿងឆ្ងល់ មនុស្សញៀនថ្នាំសោះ បែរជាប្រលងជាប់ជាមន្ត្រីនគរបាលទៅវិញ ?
ចែករំលែកព័តមាននេះ