រាជធានីភ្នំពេញ ៖ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានអះអាងថា រាជរដ្ឋាភិបាលបាន និងកំពុងលើកកម្ពស់គុណភាពហេដ្ឋារចនាសម្ព័ន្ធដឹកជញ្ជូនផ្លូវគោក ផ្លូវដែក…
រាជធានីភ្នំពេញ ៖ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានអះអាងថា រាជរដ្ឋាភិបាលបាន និងកំពុងលើកកម្ពស់គុណភាពហេដ្ឋារចនាសម្ព័ន្ធដឹកជញ្ជូនផ្លូវគោក ផ្លូវដែក និងផ្លូវទឹក ។ ថ្លែងក្នុងប្រជុំក្រុមការងារបច្ចេកទេសចម្រុះស្ដីពីហេដ្ឋារចនាសម្ព័ន្ធ និងសមាហរណកម្មក្នុងតំបន់ (IRITWG) នាព្រឹក ថ្ងៃទី២៩ ខែវិច្ឆិកានេះ ។
នៅទីស្តីការក្រសួងលោក ស៊ុន ចាន់ថុល បានបញ្ជាក់ថា ៖ «ក្នុងនាមជាសេនាធិការរបស់រាជរដ្ឋាភិបាលបាន និងកំពុងពង្រីក និងលើកកម្ពស់គុណភាពហេដ្ឋារចនាសម្ព័ន្ធដឹកជញ្ជូនដូចជា ផ្លូវគោក ផ្លូវដែក និងផ្លូវទឹក» ។ លោកបន្ដថា ព្រមទាំងគម្រោងសាងសង់ ផ្លូវ ស្ពាន ជាពិសេស គម្រោងសាងសង់ផ្លូវល្បឿនលឿន ភ្នំពេញ-បាវិត ។ ហើយផ្លូវដែកភ្នំពេញ-បាវិត ,ភ្នំពេញ-សៀមរាប ,សៀមរាប-ប៉ោយប៉ែត និងការតភ្ជាប់ជាមួយប្រទេសជិតខាងទាំងផ្លូវគោក ផ្លូវទឹក និងផ្លូវដែក ខណៈផែនការមេជាតិភស្តុភារកម្មត្រូវបានអភិវឌ្ឍផងដែរ ។
ឆ្លៀតឱកាសនោះដែររដ្ឋមន្ដ្រីសាធារណការបង្ហាញពីការប្រើប្រាស់យន្តការបច្ចេកវិទ្យាព័ត៌មាន ដូចជា ប្រព័ន្ធស្វ័យប្រវត្តិកម្មដឹកជញ្ជូនផ្លូវគោកប្រព័ន្ធផ្លាស់ប្ដូរទិន្នន័យអេឡិចត្រូនិកពេលកប៉ាល់ចេញចូលកំពង់ផែ (Port EDI) កម្មវិធីថែទាំផ្លូវ (ROAD CARE Mobile App) ជាដើម ដើម្បីផ្ដល់សេវាសាធារណៈឲ្យកាន់តែលឿន និងពង្រីកការចូលរួមថែរក្សាផ្លូវពីសំណាក់ប្រជាពលរដ្ឋ ។
សូមជម្រាបថា កាលពីកន្លងមកសម្តេចតេជោហ៊ុន សែន នាយករដ្ឋមន្ត្រីបានលើកឡើងត្រូវតែធ្វើផ្លូវឲ្យបានជាប់រឹងមាំបានយូរអង្វែង ហើយត្រូវធ្វើផ្លូវឲ្យតាមស្តង់ដា ៕
ចែករំលែកព័តមាននេះ