រាជធានីភ្នំពេញ ៖ ក្រសួងបានបង្ហាញពីរបបគោលការណ៍កំណត់អំពីបរិមាណភ្លៀងធ្លាក់នៅកម្ពុជា ។ ការបង្ហាញនេះ ដើម្បីចៀសវាងនូវភាពស្រពេចស្រពិល បណ្តាលឲ្យមានការយល់ និងមានការបកស្រាយតាមការយល់ឃើញដោយឡែកៗពីគ្នា ។
យោងតាមសេចក្តីជូនដំណឹងរបស់ក្រសួងធនធានទឹកបានឲ្យដឹងយ៉ាងដូច្នេះថា ក្រសួងសូម បង្ហាញជូននូវការកំណត់ជាលក្ខណៈបច្ចេកទេសស្តីពីបរិមាណទឹកភ្លៀងដូចតទៅ ១- ភ្លៀងផ្សែងក្រច (Drizzle) ដែលបរិមាណតិច ឬស្មើនឹង 2មម/ម៉ោង ។ ២- រឿងខ្សោយ-តិច (Light Rain) ដែលបរិមាណចាប់ពី 4,57មម ទៅ 9,64 មម/ម៉ោង ។ ៣-ភ្លៀងមធ្យម (Moderate Rain) ដែលបរិមាណចាប់ពី 9,65មម ទៅ 22,34មម/ម៉ោង ។ ៤- ភ្លៀងច្រើនបង្គរ (Moderate to Heavy Rain) ដែលបរិមាណចាប់ពី22,35មម ទៅ 44,19មម/ម៉ោង ។ ៥- ភ្លៀងខ្លាំង (Heavy Rain) ដែលបរិមាណចាប់ពី 44,20មម_ទៅ 88មម/ម៉ោង ។ ៦- ភ្លៀងដូចចាក់ទឹក (Very Heavy Rain) ដែលបរិមាណស្មើ និងលើសពី 88មម/ម៉ោង ។
ជាមួយគ្នានោះដែរ ក្រសួងធនធានទឹកក៏សូមស្នើសាធារណជនយោគយល់អធ្យាស្រ័យនូវ មូលហេតុកន្លងទៅម៉េចក៏មិនដាក់បង្ហាញក្នុងប្រព័ន្ធទំនាក់ទំនងសង្គមនោះដោយចៀសវាងនូវការរៀបរាប់វែងអន្លាយម្យ៉ាង និងម្យ៉ាងទៀតដោយយល់ថា វាជាបញ្ហាបច្ចេកទេសសុទ្ធសាធ ។ ក្រសួងក៏បានលើកឡើងថា ក្នុងការប្រើប្រាស់ជាខេមរភាសា ក្រសួងបានពិចារណាប្រើពាក្យយ៉ាងសាមញ្ញ ដើម្បីងាយយល់ផងដែរ ៕ កែសម្រួលដោយ ៖ សុឃាក់
ចែករំលែកព័តមាននេះ