ខេត្តកណ្តាល ៖ មានករណីក្រុមជនសង្ស័យចំនួន២នាក់បានធ្វើសកម្មភាពលួចគាស់ទូដែកក្នុងរោងចក្រយកប្រាក់អស់ជាង៥ម៉ឺនដុល្លា រួចនាំគ្នារត់គេចខ្លួនបាត់ដោយសុវត្ថិភាព កាលពីវេលាម៉ោង៤និង២០នាទីថ្ងៃទី១៨ ខែតុលា ឆ្នាំ២០១៩ នៅចំណុចរោងចក្រតម្បាញមួនតៃ ស្ថិតក្នុងភូមិព្រែកហូរលិច១ សង្កាត់ព្រែកហូរលិច១…
ខេត្តកណ្តាល ៖ មានករណីក្រុមជនសង្ស័យចំនួន២នាក់បានធ្វើសកម្មភាពលួចគាស់ទូដែកក្នុងរោងចក្រយកប្រាក់អស់ជាង៥ម៉ឺនដុល្លា រួចនាំគ្នារត់គេចខ្លួនបាត់ដោយសុវត្ថិភាព កាលពីវេលាម៉ោង៤និង២០នាទីថ្ងៃទី១៨ ខែតុលា ឆ្នាំ២០១៩ នៅចំណុចរោងចក្រតម្បាញមួនតៃ ស្ថិតក្នុងភូមិព្រែកហូរលិច១ សង្កាត់ព្រែកហូរលិច១ ក្រុងតាខ្មៅ ខេត្តកណ្តាល ។
ជនរងគ្រោះ(តំណាងរោងចក្រ) ឈ្មោះលឹម វិញ ភេទប្រុស អាយុ៣៥ឆ្នាំ ប្រធានរដ្ឋបាលរោងចក្រ មានទីលំនៅភូមិដេីមមាក់ក្លឿ សង្កាត់ច្បារអំពៅ១ ខណ្ឌច្បារអំពៅ រាជធានីភ្នំពេញ ។ តាមរយៈកាមេរ៉ាសុវត្ថិភាពបានបង្ហាញថា បុរសជាជនសង្ស័យ២នាក់ខាងលើមិនស្គាល់អត្តសញ្ញាណ អាយុប្រហែលជាង៣០ឆ្នាំ ពាក់មួកកន្តឹប ពណ៌ស ពាក់ម៉ាស ស្លៀកពាក់ឈុតប៉ារ៉ា ។
បើតាមរបាយការណ៍របស់ស្នងការដ្ឋាននគរបាលខេត្តកណ្តាលបានអោយដឹងថា មុនពេលកេីតហេតុ ជនរងគ្រោះដែលជាតំណាងរោងចក្រ និងខាងគណនេយ្យបានទុកទូដែកនៅក្នុងបន្ទប់ ហេីយបានចាក់សោទ្វារបន្ទប់ត្រឹមត្រូវមុនចេញទៅផ្ទះ។
តាមប្រភពដដែលបានបន្តថា លុះដល់វេលាម៉ោង៥និង៩នាទីថ្ងៃទី១៨ តុលា នៅពេលដែលឈ្មោះយូរ៉ាន់ ជាបុគ្គលិកផ្នែកបេីកបរចូលទៅស្កែនមេដៃដេីម្បីបេីករថយន្តដឹកភ្ញៀវរបស់រោងចក្រ ស្រាប់តែឃេីញទូដែកដែលទុកនៅក្នុងបន្ទប់គណនេយ្យត្រូវបានជនសង្ស័យយកចេញមកគាស់នៅមុខបន្ទប់ ។ ពេលនោះឈ្មោះយូរ៉ាន់ ក៏បានដេីរទៅហៅជនជាតិចិនដែលស្នាក់នៅខាងក្រោយអគាររោងចក្រឲ្យមកមេីលនិងបានរាយការណ៍ជូនសមត្ថកិច្ចចុះទៅពិនិត្យឆែកមេីលតាមរយៈកាមេរ៉ាសុវត្ថិភាពឃេីញជនសង្ស័យ២នាក់ដែលមានភិនភាគដូចខាងលេី បានផ្លោះចូលតាមរបងរោងចក្រផ្នែកខាងជេីងចូលទៅធ្វេីសកម្មភាពគាស់ទ្វារបន្ទប់អូសទូដែកចេញមកមុខបន្ទប់ហេីយគាស់យកលុយអស់ជាង៥ម៉ឺនដុល្លារ រួចគេចខ្លួនបាត់តែម្តង។
ពាក់ព័ន្ធនឹងករណីខាងលើនេះ ត្រូវបានកម្លាំងជំនាញបច្ចេកទេសខេត្ត និងកម្លាំងជំនាញយុត្តិធម៌ក្រុងតាខ្មៅកំពុងបន្តធ្វេីការស្រាវជ្រាវតាមចាប់ខ្លួនជនសង្ស័យទាំង២នាក់ខាងលើដើម្បីយកមកចាត់ការតាមនីតិវិធីហើយ ៕ (កែសម្រួលដោយ ៖ ធីតា)
ចែករំលែកព័តមាននេះ