រាជធានីភ្នំពេញ ៖ ជនសង្ស័យចំនួន៣នាក់ជាមុខសញ្ញាចាស់ទើបតែចេញពីពន្ធនាគារត្រូវបានកម្លាំងនគរបាលការិយាល័យព្រហ្មទណ្ឌកំរិតស្រាលនៃស្នងការនគរបាលរាជធានីភ្នំពេញស្រាវជ្រាវឃាត់ ខ្លួនបន្ទាប់ពីធ្វើសកម្មភាព លួចមានស្ថានទម្ងន់ទោស ដោយគាស់សោផ្ទះចូលលួចម៉ូតូចំនួន៥គ្រឿងនៅចំណុចផ្ទះជួល ផ្លូវ៣៧១ ភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ…
រាជធានីភ្នំពេញ ៖ ជនសង្ស័យចំនួន៣នាក់ជាមុខសញ្ញាចាស់ទើបតែចេញពីពន្ធនាគារត្រូវបានកម្លាំងនគរបាលការិយាល័យព្រហ្មទណ្ឌកំរិតស្រាលនៃស្នងការនគរបាលរាជធានីភ្នំពេញស្រាវ
ជ្រាវឃាត់ ខ្លួនបន្ទាប់ពីធ្វើសកម្មភាព លួចមានស្ថានទម្ងន់ទោស ដោយគាស់សោផ្ទះចូលលួចម៉ូតូចំនួន៥គ្រឿងនៅចំណុចផ្ទះជួល ផ្លូវ៣៧១ ភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ហើយគេចខ្លួនបានតែ១ថ្ងៃ។
ជនសង្ស័យរូបនោះ សមត្ថកិច្ចឲ្យដឹងថា ១-ឈ្មោះ ហេង រត្ន័វិបុល ហៅ បុល ភេទប្រុសអាយុ៤០ឆ្នាំ
,២-ឈ្មោះ ឃិន ឌឿន ហៅ ដេត ភេទប្រុស អាយុ ៣៨ឆ្នាំនិង៣ -ឈ្មោះ សៀងលៀងហូវ ហៅប៊ី ភេទប្រុស អាយុ ២៩ឆ្នាំ។
តាមនគរបាល័យព្រហ្មទណ្ឌកំរិតស្រាលបានឲ្យដឹងថា ដោយអនុវត្តតាមបទបញ្ជាផ្ទាល់របស់ឯកឧត្ដម ឧត្តមសេនីយ៍ ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងក្រោមការបញ្ជារពីរ លោកស្នងការរង ប៊ុន សត្យា ទទួលផែនការងារព្រហ្មទណ្ឌ រាជធានីភ្នំពេញ,នៅថ្ងៃទី១៨ខែ មិនា ឆ្នាំ២០២០២៦ ការិយាល័យនគរបាលព្រហ្មទណ្ឌកំរិតស្រាល នៃស្នងការដ្ឋានគរបាលរាជធានីភ្នំពេញ ដឹកនាំដោយ លោកវរៈសេនីយ៍ឯក ម៉ម សាវន បាន សហការជាមួយកំលាំងជំនាញព្រហ្មទណ្ឌ ខណ្ឌមានជ័យ ស្រាវជ្រាវឃាត់ខ្លួន ជនសង្ស័យចំនួន៣នាក់ ពីបទលួចមានស្ងានទម្ងន់ទោស គាស់សោ ផ្ទះ លួច ម៉ូតូចំនួន៥គ្រឿងកាលពីវេលាម៉ោង១និង៤៥នាទី យប់រំលងអាធ្រាត្រ ចូលថ្ងៃទី១៧ ខែមិនាឆ្នាំ ២០២៦ នៅចំណុចផ្ទះជួល ផ្លូវ៣៧១ ភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។
តាមនគរបាលបានឲ្យដឹងទៀតថា ជនសង្ស័យជាមុខសញ្ញាចាស់មិនរាងចាល ទើបចេញពី ពន្ធនាគារហើយបានធ្វើសកម្មភាពគាស់ផ្ទះជួលខាងលើ យកម៉ូតូចំនួន៥ គ្រឿងបានតែមួយថ្ងៃក៏ត្រូវអស់លក្ខណ៍ តែម្ដង។
បន្ទាប់ពីឃាត់ខ្លួនជនសង្ស័យខាងលើ សមត្ថកិច្ចដករហូតបានម៉ូតូរបស់ជនរងគ្រោះចំនួន ២ គ្រឿងម៉ាក់ស្គុបពីមួយគ្រឿងនិងម៉ាក់ និចមួយគ្រឿងប្រគល់ទៅឲ្យម្ចាស់វិញ។
នគរបាលក៏បានបញ្ជាក់ទៀតថា ជនសង្ស័យជាបក្សពួកដែលនៅសេសសល់ សមត្ថកិច្ចនឹងតាមបង្ក្រាបឲ្យដល់ឬសគល់ដោយមិនយោគយល់នោះឡើយ។
បច្ចុប្បន្នជនសង្ស័យ និងវត្ថុតាងខាងលើ កម្លាំងជំនាញការិយាល័យ កសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕
ចែករំលែកព័តមាននេះ