រាជធានីភ្នំពេញ ៖ នេះគឺជាការតាំងពិព័រណ៍មួយទៀតរបស់សិល្បៈខ្មែរអមតៈ ក្នុងគោលបំណងបង្ហាញប្រាប់ពីការថែរក្សាប្រពៃណីរបស់អ្នកភូមិក្នុងការធ្វើក្អម ឆ្នាំង នៅខេត្តកំពង់ឆ្នាំង ឱ្យនៅមានជីវិតដល់បច្ចុប្បន្ន និងពីរបៀបនៃការប្រើប្រាស់កុលាលភាជន៍នៅក្នុងសហគមន៍ ដើម្បីបំពេញតម្រូវការក្នុងជីវភាពរស់នៅរបស់ពួកគេ ព្រមទាំងមានបង្កើត
រាជធានីភ្នំពេញ ៖ នេះគឺជាការតាំងពិព័រណ៍មួយទៀតរបស់សិល្បៈខ្មែរអមតៈ ក្នុងគោលបំណងបង្ហាញប្រាប់ពីការថែរក្សាប្រពៃណីរបស់អ្នកភូមិក្នុងការធ្វើក្អម ឆ្នាំង នៅខេត្តកំពង់ឆ្នាំង ឱ្យនៅមានជីវិតដល់បច្ចុប្បន្ន និងពីរបៀបនៃការប្រើប្រាស់កុលាលភាជន៍នៅក្នុងសហគមន៍ ដើម្បីបំពេញតម្រូវការក្នុងជីវភាពរស់នៅរបស់ពួកគេ ព្រមទាំងមានបង្កើតនូវសម្ភារប្រើប្រាស់ថ្មីៗធ្វើពីដីឥដ្ឋដូចជា ចង្ក្រាន និងឧបករណ៍បន្សុទ្ធទឹកជាដើម ។ ការបើកពិព័រណ៍នឹងត្រូវធ្វើឡើងនៅថ្ងៃទី៣០ មេសា វេលាម៉ោង៦រសៀល នៅវិចិត្រសាលសិល្បៈខ្មែរអមតៈ ។
នៅក្នុងកម្មវិធីបើក និងមានការបង្ហាញជូននូវការរាំរបាំ «ឆ្នាំង» ដែលដឹកនាំដោយព្រឹទ្ធាចារ្យ អ៊ុយ លតាវណ្ណ និងសម្តែងដោយក្រុមសិល្បករមកពីថ្នាក់យីកេ ។ ការតាំងពិព័រណ៍ស្មូនឆ្នាំងនេះ នឹងត្រូវដាក់បង្ហាញជូនរហូតដល់ទី៣០ មិថុនា ២០១៤ ។
លោក Bruce Fairman កុម្ភការីជនជាតិអាមេរិក ដែលបានចាប់ផ្តើមគំរោងសិប្បករខ្មែរបានលើកឡើងថា «ស្មូនឆ្នាំងខ្មែរ មានតាំងពីសម័យអង្គរមកម៉្លេះ» ។ ក្អម ឆ្នាំងដី និងកុលាលភាជន៍ពីបុរាណត្រូវបានធ្វើឡើងពីថ្នាំលាបរលោងដែលមានពណ៌បៃតងនៅជុំវិញភ្នំគូលែន និងពណ៌ខ្មៅ ឬពណ៌ត្នោត ពីភូមិនៅខេត្តសៀមរាប ។ នេះបើតាមសម្តីរបស់បុរាណវិទូជនជាតិជប៉ុន ដែលបានរកឃើញនៅក្នុងអំឡុងពេលគាត់កំពុងស្រាវជ្រាវរកដីឥដ្ឋ ដើម្បីធ្វើស្មូនឆ្នាំងតាមបែបសហសម័យ និងរៀបចំធ្វើគំរោងមួយឈ្មោះថា ក.ឆ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ