ខេត្តកំពង់ឆ្នាំង ៖ បុរសម្នាក់សន្លប់ក្នុងមន្ទីរពេទ្យបង្អែកខេត្តកំពង់ឆ្នាំង អស់រយៈពេល៣ថ្ងៃមកហើយ ដោយពុំមានក្រុមគ្រួសារណាម្នាក់មកសាកសួរនាំ ឬកំដឡើយ ហើយក៏ពុំមាននរណាម្នាក់ដឹងថា ជនរងគ្រោះមានគ្រោះថ្នាក់ដោយសារអ្វីនោះដែរ ប៉ុន្តែត្រូវបានគ្រូពេទ្យសង្ស័យថា អាចគ្រោះថ្នាក់ដោយចរាចរណ៍ ។
ខេត្តកំពង់ឆ្នាំង ៖ បុរសម្នាក់សន្លប់ក្នុងមន្ទីរពេទ្យបង្អែកខេត្តកំពង់ឆ្នាំង អស់រយៈពេល៣ថ្ងៃមកហើយ ដោយពុំមានក្រុមគ្រួសារណាម្នាក់មកសាកសួរនាំ ឬកំដឡើយ ហើយក៏ពុំមាននរណាម្នាក់ដឹងថា ជនរងគ្រោះមានគ្រោះថ្នាក់ដោយសារអ្វីនោះដែរ ប៉ុន្តែត្រូវបានគ្រូពេទ្យសង្ស័យថា អាចគ្រោះថ្នាក់ដោយចរាចរណ៍ ។
ប្រភពពីគ្រូពេទ្យបានឱ្យដឹងថា ជនរងគ្រោះត្រូវគេដឹកចូលមកមន្ទីរពេទ្យកាលពីរសៀលថ្ងៃទី២៧ មេសា ២០១៤ មកម្ល៉េះ ដោយមានរបួសឈាមហូរពេញខ្លួន ពិសេសរបួសលើក្បាលធ្ងន់ ។ ជនរងគ្រោះមានអាយុប្រមាណជាង៣០ឆ្នាំ សម្បុរ.ស មានសក់រួញតិចៗ កម្ពស់ប្រហែល១,៦៥ ម៉ែត្រ ។
ប្រភពបានបន្តថា ក្រុមគ្រូពេទ្យសូមអំពាវនាវដល់ក្រុមគ្រួសារណា ដែលមានបាត់សមាជិកក្នុងគ្រួសារ និងមានភិនភាគដូចខាងលើ សូមមេត្តាប្រញាប់ទាក់ទងមកមន្ទីពេទ្យបង្អែកខេត្តកំពង់ឆ្នាំងជាបន្ទាន់ ដើម្បីប្រញាប់បញ្ជូនជនរងគ្រោះទៅព្យាបាលបន្តនៅរាជធានីភ្នំពេញ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ