រាជធានីភ្នំពេញ ៖ នារីវ័យក្មេងម្នាក់មានអាយុប្រមាណជាង២០ឆ្នាំ ដែលមើលទៅមានអាការៈដូចជាត្រូវថ្នាំ បានដើរដួលតាមផ្លូវបង្កឱ្យមានការភ្ញាក់ផ្អើលដល់ប្រជាពលរដ្ឋនិងសមត្ថកិច្ចជួយអន្តរាគមន៏ ។ ហេតុការណ៏ភ្ញាក់ផ្អើលកើតឡើងនៅវេលាម៉ោង ៩និង០៥នាទី យប់ ថ្ងៃទី ២៨ មេសា ២០១៤ នៅចំណុចផ្លូវ 28BTកែងនិងផ្លូវ 51BT ស្ថិតនៅក្នុងភូមិសន្សំកុសល៣ សង្កាត់បឹងទំពុន ខណ្ឌមានជ័យ ។
បើតាមនារីរងគ្រោះដែលឆ្លើយប្រាប់អ្នក ឆ្លើយឆ្លងព័ត៌មានកោះសន្តិភាពទាំងស្រពេចស្រពិលថា នាងស្នាក់នៅជិតផ្សារហេងលី ក្នុងខណ្ឌទួលគោក ហើយត្រូវបានមិត្តភក្តិរបស់នាងដែលសុទ្ធតែជាបុរសហៅនាងឱ្យមកផឹកជាមួយនៅការដ្ឋានសំណង់មួយដោយមិនចាំទីតាំង និងបានផឹកស្រាចាយសៀងអ៊ី អស់ជាច្រើនដប បន្ទាប់មកនាងក៏ដើរត្រឡប់ទៅផ្ទះវិញ។នារីរងគ្រោះបានប្រាប់បន្តថា នាងត្រូវថ្នាំ មិត្តភក្តិចង់ធ្វើបាបនាង ហើយ នាងមិនទៅកន្លែងផឹកនិងវិញទេ។
តាមសម្តីប្រជាពលវិញ បានឱ្យដឹងថា គេឃើញនារីរងគ្រោះដើរមកដួលនៅ ចំណុចកន្លែងកើតហេតុ ហើយមានប្រជាពលរដ្ឋទៅជួយលើកនាងប៉ុន្តែនាងបានរុញច្រានគេចេញ ដោយដើរដោយខ្លួនឯងទៅមុខទៀតដួលម្តងទៅពីរដងទៀតដោយឃើញដូច្នេះប្រជាពលរដ្ឋបានឱ្យទឹកសុទ្ធ០២ដបទៅនារីរងគ្រោះ ហើយនារីរងគ្រោះផឹកអស់ទាំង០២ដប រួចបានលេចនោមដាក់ខោតែម្តង ។
បន្តិចក្រោយមកគេឃើញរថយន្តសង្រ្គោះរបស់មន្ទីរពេទ្យបង្អែកមានជ័យ មកដឹកយកនារីរងគ្រោះទៅសង្រ្គោះនៅទីនោះ ពេលដែលក្រុមគ្រូពេទ្យលើកនាងដាក់លើប្រង់ការនាងបានរើបម្រាស់ ឃើញដូច្នេះប្រជាពលរដ្ឋនាំគ្នាជួយសែងនារីរងគ្រោះដាក់ក្នុងរថយន្តសង្រ្គោះតែម្តង ។
ទាក់ទងនិងហេតុការណ៏នេះប្រជាពលរដ្ឋភាគច្រើនបានលើកឡើងថា នារីម្នាក់នេះអាចត្រូវថ្នាំ ច្រើនជាងស្រវឹងស្រា ។
ចែករំលែកព័តមាននេះ