ខេត្តតាកែវ ៖ បុរសម្នាក់ជាគ្រូខ្មែរផ្សំថ្នាំបុរាណ ត្រូវប្រជាពលរដ្ឋជាង៤០០នាក់ចោទប្រកាន់ថា ចេះអំពើអាបធ្មប់ ក៏នាំគ្នាឡើងទៅឡោមព័ទ្ធផ្ទះ និងឈានដល់ចាប់ជនរងគ្រោះវាយសម្លា.ប់តែម្តង ។
ខេត្តតាកែវ ៖ បុរសម្នាក់ជាគ្រូខ្មែរផ្សំថ្នាំបុរាណ ត្រូវប្រជាពលរដ្ឋជាង៤០០នាក់ចោទប្រកាន់ថា ចេះអំពើអាបធ្មប់ ក៏នាំគ្នាឡើងទៅឡោមព័ទ្ធផ្ទះ និងឈានដល់ចាប់ជនរងគ្រោះវាយសម្លាប់តែម្តង ។
ហេតុការណ៍នេះបង្កការភ្ញាក់ផ្អើលកាលពីវេលាម៉ោង១២ថ្ងៃត្រង់ថ្ងៃទី២៧ មេសា ២០១៤ ស្ថិតនៅភូមិព្រៃជន្លួញ ឃុំក្រាំងលាវ ស្រុកបាទី ខេត្តតាកែវ ។
ប្រភពបានឱ្យដឹងថា ជនរងគ្រោះដែលត្រូវប្រជាពលរដ្ឋវាយសម្លាប់ឈ្មោះពៅ សុវណ្ណ ហៅម៉ៅ អាយុ៣២ឆ្នាំ (ជាគ្រូខ្មែរផ្សំរោកថ្លើម) រស់នៅក្នុងភូមិ-ឃុំខាងលើ មានប្រពន្ធឈ្មោះចេវ ចិន្តា អាយុ៣០ឆ្នាំ ។
តាមប្រភពពីប្រពន្ធបានឱ្យដឹងថា មូលហេតុដែលនាំឱ្យមានអំពើហិង្សានេះ គឺដោយសារក្រុមប្រជាពលរដ្ឋមានការខឹងសម្បា និងច្រណែនឈ្នានីសដោយសារប្តីគាត់ចេះផ្សំថ្នាំព្យាបាលរោគថ្លើម ហើយមានគេតែងតែជូនសាគុណជាបន្តបន្ទាប់ បានធ្វើឱ្យពួកគាត់ខឹងដោយចោទថា ប្តីគាត់ចេះមន្តអាគមអាបធ្មប់ថែមទៀត។
ស្ត្រីខាងលើបានបន្តទៀតថា មុនពេលកើតហេតុ មានប្រជាពលរដ្ឋចំនួនប្រហែល៤០០នាក់មកឡោមព័ទ្ធផ្ទះគាត់ និងឡើងទៅវាយបំផ្លាញអាសនៈរបស់ប្តីគាត់ទៀត ។ លុះព័ទ្ធរហូតដល់ម៉ោង៧យប់ថ្ងៃដដែល ក៏មានបុរស១០នាក់បានទិញស្រា.សផឹកនៅខាងក្រោមផ្ទះគាត់ ហើយក៏ឡើងទៅចាប់ប្តីគាត់វាយឱ្យរងរបួសយ៉ាងធ្ងន់ធ្ងរ បន្ទាប់មករហូតដល់ម៉ោង៨យប់ ជនទាំងនោះបានឡើងទៅម្តងទៀត ក៏វាយសម្លាប់ប្តីរបស់គាត់តែម្តង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ