អ្នកគ្រប់គ្រងទូទៅប្រចាំផលិតកម្ម YG Entertainment របស់កូរ៉េនិយាយថា កំពូលតារាចម្រៀងប៉ុបរបស់អាមេរិកវ័យ២៨ឆ្នាំ នាង ទ្បេងឌី ហ្គាហ្គា និងតារារ៉េបរបស់កូរ៉េលោក Spy គ្រោងរៀបចំការប្រគំតន្ត្រីមួយក្នុងប្រទេសកូរ៉េ បន្ទាប់ពីពួកគេទាំង២នាក់ត្រូវអញ្ជើញជាភ្ញៀវកិត្តិយសក្នុងកម្មវិធីនោះ ។ ការប្រគំតន្ត្រីនេះ គ្រោងនឹងធ្វើទ្បើងក្នុងពហុកីទ្បាដ្ឋានជាតិស្ថិតក្នុងទីក្រុងស៊េអូល ប្រទេសកូរ៉េខាងត្បូង ដែលនឹងប្រព្រឹត្តទៅនៅថ្ងៃទី១៥-១៦ សីហា ឆ្នាំ២0១៤ ។
ក្រៅពីតារាទាំង២ដួងនេះ ក៏មានក្រុមចម្រៀងបុរស Big Bang និងក្រុមចម្រៀងនារី 2NE1 ព្រមទាំងតារាជាច្រើនដួងទៀត ដែលកំពុងមានឈ្មោះបោះសំទ្បេងក្នុងពិភពសិល្បៈ ជាពិសេសតារាទើបរះថ្មីក្នុងស្ថាប័ន K-PoP ចូលរួមផងដែរ ។ នាង ទ្បេឌី ហ្គាហ្គា នឹងមានវត្តមាននៅថ្ងៃទី២ ក្នុងការប្រគំតន្ត្រីនោះ ក្នុងនាមជាតារាកិត្តិយសលំដាប់ថ្នាក់អន្តរជាតិរបស់ស្ថាប័ន K-PoP បន្ទាប់ពីរូបនាងត្រូវបានផ្តល់ឱកាសពីអ្នកគ្រប់គ្រងរបស់ផលិតកម្ម YG Entertainment។
ការប្រគំតន្ត្រីមួយនេះ អ្នកគ្រប់គ្រងការផលិត និងរៀបចំយល់ឃើញថា ជាព្រឹត្តិការណ៍ប្រវត្តិសាស្ត្ររបស់ប្រទេសកូរ៉េ ដែលធ្វើទ្បើងជារៀងរាល់ឆ្នាំ ដែលបានធ្វើឱ្យពិភពសិល្បៈរបស់កូរ៉េទទួលបានការស្ងើចសរសើរពីអន្តរជាតិ ជាពិសេសបង្ហាញពីការជឿនលឿនពីមួយជំនាន់ទៅមួយជំនាន់ទៀតផង ។ គេសង្ឃឹមទៀតថា ការប្រគំតន្ត្រីមួយនេះ នឹងរកចំណូលបានរាប់លានដុល្លារអាមេរិក តាមរយៈការលក់សំបុត្រចូលទស្សនា ៕
ចែករំលែកព័តមាននេះ