ខេត្តមណ្ឌលគិរី ៖ ក្រុមប្រជាពលរដ្ឋនិងជនជាតិភាគតិចជាង១០០នាក់មកពីស្រុកនិងក្រុងទំាង៥របស់ខេត្ត នៅព្រឹកថ្ងៃទី២៨ មេសា ២០១៤ បានប្រមូលផ្តុំគ្នានៅចំណុចរង្វង់មូលគោព្រៃ ស្ថិតក្នុងក្រុងសែនមនោរម្យ ប្រយោជន៏ដើម្បីទាមទារឲ្យអាជ្ញាធរដោះស្រាយផលប៉ះពាល់ពីការវិនិយោគរបស់ក្រុមហ៊ុននានា ដែលទទួលបានដីសម្បទានសេដ្ឋកិច្ចពីរាជរដ្ឋាភិបាល ។
ខេត្តមណ្ឌលគិរី ៖ ក្រុមប្រជាពលរដ្ឋនិងជនជាតិភាគតិចជាង១០០នាក់មកពីស្រុកនិងក្រុងទំាង៥របស់ខេត្ត នៅព្រឹកថ្ងៃទី២៨ មេសា ២០១៤ បានប្រមូលផ្តុំគ្នានៅចំណុចរង្វង់មូលគោព្រៃ ស្ថិតក្នុងក្រុងសែនមនោរម្យ ប្រយោជន៏ដើម្បីទាមទារឲ្យអាជ្ញាធរដោះស្រាយផលប៉ះពាល់ពីការវិនិយោគរបស់ក្រុមហ៊ុននានា ដែលទទួលបានដីសម្បទានសេដ្ឋកិច្ចពីរាជរដ្ឋាភិបាល ។
បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឲ្យដឹងទៀតថា ការតវ៉ារបស់ក្រុមប្រជាពលរដ្ឋដែលភាគច្រើនជាជនជាតិភាគតិចរស់នៅក្នុងខេត្តមណ្ឌលគិរីនាពេលនេះ បានធ្វើឡើងបន្ទាប់ពីពួកគាត់មានការលំបាកក្នុងការប្រកបរបររកស៊ីប្រចំាថ្ងៃដែលពឹងអាស្រ័យផលទៅលើព្រៃឈើ ឬ ចំការវិលជុំ ដោយសាររាជរដ្ឋាភិបាលបានប្រគល់ដីសម្បទានវិនិយោគឲ្យទៅក្រុមហ៊ុនឯកជននោះ ។
សេចក្តីរាយការណ៏បានបន្តថា មកដល់ម៉ោង៨និង៥០នាទីព្រឹកថ្ងៃចន្ទដដែលនេះ ក្រុមសមត្ថកិច្ចនិងអាជ្ញាធរ បានស្នើឲ្យប្រជាពលរដ្ឋទំាងនោះវិលទៅកាន់លំនៅដ្ឋានវិញសិន រង់ចំាការដោះស្រាយតាមក្រោយ ប៉ុន្តែយ៉ាងណាក៏ដោយប្រជាពលរដ្ឋជាង១០០នាក់ខាងលើ មិនទាន់រំសាយបែកផ្លូវគ្នានៅឡើយទេ ដោយពួកគាត់ខ្លះឈរ ខ្លះអង្គុយជជែកគ្នា លើកបដា និងស្រែកតវ៉ាឲ្យអាជ្ញាធររកដំណោះស្រាយឲ្យបានឆាប់ ។
ព័ត៌មានលម្អិតនឹងមានផ្សាយជូននៅលើសារព័ត៌មានកោះសន្តិភាព ៕
ចែករំលែកព័តមាននេះ