ខេត្តក្រចេះ ៖ ឈើប្រណីតប្រភេទធ្នង់ធំៗ ចំនួនជិត៣០កំណាត់ ជារបស់ឈ្មួញដែលអះអាងថា ជាមន្ត្រីកងរាជអាវុធហត្ថខេត្តម្នាក់ ត្រូវមេព្រៃចាប់រឹបអូស កាលពីព្រឹកថ្ងៃទី២៦ មេសា ខណៈឈើទាំងនេះត្រូវបានដឹកជញ្ជូនតាមទូកតូចៗយកមកពន្លិចលាក់ទុកមួយរយៈក្នុងទឹកទន្លេនៅស្រុកសំបូរ បម្រុងស្រង់ឡើងដាក់រថយន្តដើម្បីដឹកបន្ត ។
ខេត្តក្រចេះ ៖ ឈើប្រណីតប្រភេទធ្នង់ធំៗ ចំនួនជិត៣០កំណាត់ ជារបស់ឈ្មួញដែលអះអាងថា ជាមន្ត្រីកងរាជអាវុធហត្ថខេត្តម្នាក់ ត្រូវមេព្រៃចាប់រឹបអូស កាលពីព្រឹកថ្ងៃទី២៦ មេសា ខណៈឈើទាំងនេះត្រូវបានដឹកជញ្ជូនតាមទូកតូចៗយកមកពន្លិចលាក់ទុកមួយរយៈក្នុងទឹកទន្លេនៅស្រុកសំបូរ បម្រុងស្រង់ឡើងដាក់រថយន្តដើម្បីដឹកបន្ត ។
មន្ត្រីសង្កាត់រដ្ឋបាលព្រៃឈើសណ្តាន់ និយាយថា ឈើទាំងនេះត្រូវបង្ក្រាបបាននៅក្នុងបាតទន្លេខាងក្រោយភូមិធំ ឃុំសណ្តាន់ ស្រុកសំបូរ ។ ឈើប្រណីតនេះគឺឈ្មួញបានដឹកតាមទូកតូចៗនាំពីត្រើយម្ខាងនៃស្រុកសំបូរ និងបានពន្លិចក្នុងទឹកទន្លេដើម្បីរកឱកាសលើកដាក់រថយន្តស៊េរីទំនើបៗនាំទៅលក់បន្ត ។ ទោះបីជាយា៉ងណា ស្ថាប័នរដ្ឋបាលព្រៃឈើមិនបានបញ្ជាក់ពីអត្តសញ្ញាណជនជាម្ចាស់ឈើ ឬត្រូវមានវិធានការតាមផ្លូវច្បាប់ទៅលើជនជាម្ចាស់ឈើនេះបែបណាទេ ។ គេបានស្គាល់ឈ្មោះម្ចាស់ឈើរួចទៅហើយដែរ ប៉ុន្តែមេព្រៃហាក់ដូចខ្លាចអំណាចឈ្មួញឈើម្នាក់នេះទៀតផង ។ មេព្រៃមិនហា៊នចាប់ចំមុខទេ មិនហ៊ានចាប់ពេលម្ចាស់នៅជិតទេ ទាល់តែស្ងាត់អត់ឃើញមុខម្ចាស់ឈើទើបហា៊នចាប់ ។ ប្រៀបដូចពាក្យចាស់ពោលថា ក្របីសីុស្រូវបងមិនហា៊នដេញ ក្របីដើរចេញបងដេញឱ្យស្រីមើល ។
បើតាមប្រភពព័ត៌មានពីពលរដ្ឋនៅម្តុំនោះនិយាយថា សកម្មភាពដឹកជញ្ជូនឈើប្រណីតនៅចំណុចនេះ កើតមានរយៈពេលច្រើនខែមកហើយ គឺឈ្មួញបានដឹកតាមទូកមកច្រាំងទន្លេ និងលើកផ្ទេរឡើងដាក់រថយន្ត ដោយធ្វើសកម្មភាពកាត់អារច្រៀកទាំងយប់ទាំងថ្ងៃបង្កសំឡេងថ្លង់ស្ទើរតែដេកពួនមិនបាន ។ បើតាមប្រភពព័ត៌មានពីប្រជាពលរដ្ឋក្នុងតំបន់លាក់ឈើនេះបានឱ្យដឹងថា សកម្មភាពដឹកជញ្ជូនឈើយា៉ងសកម្មបំផុតនៅលើកំណាត់ផ្លូវមួយនេះពីស្រុកសំបូរនាំឆ្ពោះទៅស្រុកឆ្លូង តាមទូកនិងរថយន្ត គឺគេស្គាល់ថាជាឈ្មួញឈ្មោះ គន្ធា ដែលកន្លងមកជនម្នាក់នេះ បានតាំងខ្លួនជាមន្ត្រីកងរាជអាវុធហត្ថ និងបានយកអំណាចនេះមកកាងរបររកសីុឈើខុសច្បាប់របស់គេ ។ កន្លងមកមេឈ្មួញម្នាក់នេះក៏ជាមុខសញ្ញាជាប់ពាក់ព័ន្ធជាមួយសាលាដំបូងលើករណីជំនួញឈើខុសច្បាប់ តែនៅមិនរាងចាលសោះ គឺកោងកាចនិងក្រអឺតក្រទមផុតលេខ ។ មិនតែប៉ុណ្ណោះទេ ឈ្មួញស្បែកខ្លាម្នាក់នេះធ្លាប់បានគំរាមកំហែងអ្នកកាសែតក្នុងស្រុកមួយចំនួន ក្នុងជម្លោះជំនួញឈើរបស់គេផងដែរ ពេលយកព័ត៌មានចុះផ្សាយ ម្តងៗ ។
លោក សេង សីុដារ៉ុន នាយសង្កាត់រដ្ឋបាលព្រៃឈើសណ្តាន់បានបញ្ជាក់ថា ឈើទាំងនេះត្រូវខាងរដ្ឋបាលព្រៃឈើនាំយកមករក្សាទុកនៅសង្កាត់រដ្ឋបាលព្រៃឈើសណ្តាន់ដើម្បីមានចំណាត់ការបន្ត ៕
ចែករំលែកព័តមាននេះ