រាជធានីភ្នំពេញ ៖ ការប្រកួតប្រដាល់ជាលក្ខណៈមិត្ដភាពអន្ដរជាតិនៅលើសង្វៀនស្ថានីយទូរទស្សន៍អប្សរា កាលពីថ្ងៃសៅរ៍ទី២៦ មេសា កីឡាករស្វាយ រដ្ឋា មកពីក្លិបកងរាជអាវុធហត្ថរាជធានីភ្នំពេញ បានយកឈ្នះកីឡាករថៃ Theva Sith Khunmark ដោយពិន្ទុ ក្នុងការប្រកួតជាលក្ខណៈប្រដាល់សាកលអាជីពដែលមាន៦ទឹកនោះ ។
រាជធានីភ្នំពេញ ៖ ការប្រកួតប្រដាល់ជាលក្ខណៈមិត្ដភាពអន្ដរជាតិនៅលើសង្វៀនស្ថានីយទូរទស្សន៍អប្សរា កាលពីថ្ងៃសៅរ៍ទី២៦ មេសា កីឡាករស្វាយ រដ្ឋា មកពីក្លិបកងរាជអាវុធហត្ថរាជធានីភ្នំពេញ បានយកឈ្នះកីឡាករថៃ Theva Sith Khunmark ដោយពិន្ទុ ក្នុងការប្រកួតជាលក្ខណៈប្រដាល់សាកលអាជីពដែលមាន៦ទឹកនោះ ។
នៅទឹកទី១ ស្វាយ រដ្ឋា មិនទាន់បើកការវាយលុកទៅលើ Khunmark ខ្លាំងក្លានៅឡើយ ទេ ខណៈពេលដែលកីឡា ករ ថៃរូបនេះបានព្យាយាមដើរចូលវាយយ៉ាងសន្ធាប់ដោយមិនញញើត លុះដល់ចុងទឹកទី១ ទើបស្វាយ រដ្ឋា វាយបកសងវិញយ៉ាងចាស់ដៃ ។ ចូលដល់ទឹកទី២ ស្វាយ រដ្ឋា មិនបណ្ដោយឱ្យKhunmark ធ្វើអ្វីស្រេចតែចិត្ដមកលើរូបគេដូចកាលពីទឹកទី១ទៀតនោះឡើយ ដោយគ្រាន់តែឮស្នូរជួងបន្លឺភ្លាម គេបានដើរចូលម៉ាត់ទៅលើពោះទឹកនិងផ្ទៃមុខរបស់ Khunmark ពេញៗ បើទោះជាកីឡាករថៃរូបនេះព្យាយាមដកថយ និងគេចចេញពីការវាយលុកយ៉ាងណាក៏ដោយ ។ ចាប់ពីទឹកទី៣ រហូតទៅគេឃើញស្វាយ រដ្ឋា គ្រប់គ្រងស្ថានភាពប្រកួតរបស់ខ្លួនបានល្អជាង ដោយគេវាយត្រូវចំគោលដៅគូប្រកួតច្រើន និងធ្វើឱ្យកីឡាករថៃមានស្នាមបែក និងមានឈាមហូរតាមច្រមុះរេញៗទៀតផង ។ ទោះជាយ៉ាងនេះក្ដី កីឡាករថៃរូបនេះនៅតែព្យាយាមដើរចូលវាយបកសងវិញរហូតចប់ទឹក ទើបស្វាយ រដ្ឋា បានត្រឹមឈ្នះពិន្ទុទាំងលំបាកបំផុត ។
ចំណែកលទ្ធផលការប្រកួតប្រដាល់ក្បាច់គុនបុរាណខ្មែរវិញ កីឡាករយ៉េន ឌីណា មកពីសមាគមកីឡាប្រដាល់ក្រសួងកសិកម្ម យកឈ្នះកីឡាករ Super Chhay ដោយពិន្ទុ ។ កីឡាករង៉ែត រដ្ឋា មកពីសមាគមកីឡាប្រដាល់ក្រសួងមហាផ្ទៃ ចាញ់ពិន្ទុកីឡាករថៃ Kan Kor Kam Banath ។ កីឡាករអូត ភូថង មកពីក្លិបអប្សរាក្បាច់គុនខ្មែរ ស្មើពិន្ទុ កីឡាករឡុង សុវណ្ណពៅ មកពីក្លិបសាលវ័ន្ដកីឡា និងកីឡាករកំពែង ខ្មៅ មកពីក្លិបវីអាយភីចំការមន យកឈ្នះពិន្ទុកីឡាករអ៊ុន រតនា មកពីក្លិបតាឡីដំរីមានឫទ្ធិ ៕
ចែករំលែកព័តមាននេះ