រាជធានីភ្នំពេញ ៖ ការប្រកួតប្រដាល់កាលពីថ្ងៃសុក្រ ទី២៥ មេសា កីឡាការិនីអេ យ៉ានុត មកពីក្លិបអេភូថងកីឡា និងកីឡាករជើងថ្មី ឡង់ ភិរម្យ មកពីក្លិបរាហ៊ូកីឡាខេត្តបាត់ដំបង បានទទួលជោគជ័យប្រកបដោយមោទនភាព និងទទួលបានការអបអរមិនអន់ជាងគូអន្តរជាតិដែលបានធ្វើឡើងនៅលើរេញទូរទស្សន៍ BTV កាលពីថ្ងៃសៅរ៍នោះដែរ ។
រាជធានីភ្នំពេញ ៖ ការប្រកួតប្រដាល់កាលពីថ្ងៃសុក្រ ទី២៥ មេសា កីឡាការិនីអេ យ៉ានុត មកពីក្លិបអេភូថងកីឡា និងកីឡាករជើងថ្មី ឡង់ ភិរម្យ មកពីក្លិបរាហ៊ូកីឡាខេត្តបាត់ដំបង បានទទួលជោគជ័យប្រកបដោយមោទនភាព និងទទួលបានការអបអរមិនអន់ជាងគូអន្តរជាតិដែលបានធ្វើឡើងនៅលើរេញទូរទស្សន៍ BTV កាលពីថ្ងៃសៅរ៍នោះដែរ ។ នេះបើយោងតាមការប្រកួតជាក់ស្តែងនៅលើរេញ ។
កីឡាការិនីអេ យ៉ានុត អាចការពារជ័យជម្នះរបស់ខ្លួនមិនឱ្យកីឡាការិនី វី ស្រីឆាយ មកពីក្លិបនាគមានជ័យឡើងសងសឹកបានសម្រេចឡើយ។ ការប្រកួតលើកទី២នេះ វី ស្រីឆាយ បាក់មុខជាងមុនឆ្ងាយណាស់ ដោយសារតែវាយចាញ់ អេ យ៉ានុត ដាច់ទាំង៥ទឹកតែម្តង ។ ទោះយ៉ាងណា នោះក៏មកពីគេដឹងថា អេ យ៉ានុត បានបណ្តែតខ្លួននៅក្នុងក្លិបប្រដាល់តាំងពីក្មេង និងកំពុងបន្តតំណែងជាគ្រូបង្វឹកជំនួសឱ្យឪពុកម្តាយជារៀងរាល់ថ្ងៃ ។ ដោយឡែកចំពោះ វី ស្រីឆាយ វិញ លុះត្រាតែជិតដល់ថ្ងៃប្រកួត ទើបបានហ្វឹកហាត់ពីរបីថ្ងៃដោយសារតែជាប់ការងាររកប្រាក់ដែលនាំឱ្យនាងមិនមានកម្លាំងស៊ុហ្វពេញលេញ ។ ទោះបីយ៉ាងណា ការប្រកួតរវាងគូនេះ ក៏ធ្វើឱ្យមានការចាប់អារម្មណ៍ផងដែរបន្ទាប់ពី វី ស្រីឆាយ បើទោះជាចាញ់ក៏ធ្វើឱ្យ អេ យ៉ានុត ឈ្នះទាំងពិបាកចិត្តផងដែរ ។ ជាក់ស្តែង អេ យ៉ានុត បានសម្តែងអារម្មណ៍អាណិតអាសូរចំពោះនាងនៅខាងក្រោយរេញ បន្ទាប់ពីវាយនាងឱ្យបែកចិញ្ចើមដេរ៣ថ្នេរ ។
ការប្រកួតមួយគូទៀតដែលទទួលការចាប់អារម្មណ៍ដែរនោះ គឺកីឡាករជើងចាស់ ភារម្យ ភក្តី មកពីក្លិបភារម្យកូនខ្មែរ ដែលខានឡើងប្រកួតប្រមាណជាមួយឆ្នាំ បែរជាធ្លាក់ដៃដល់ថ្នាក់បរាជ័យក្រោមដៃកីឡាករឡង់ ភិរម្យ ដែលជាកីឡាករជើងថ្មី ។ ហេតុផលដែលនាំឱ្យគេបរាជ័យយ៉ាងអាម៉ាស់ដោយនឹកស្មានមិនដល់នោះ គឺដោយសារតែកម្លាំងកាយសម្បទាចុះខ្សោយ ដែលនាំឱ្យគេបញ្ចេញស្នៀតមិនបានល្អដូចអំឡុងពេលមុន ។ ក្នុងនោះសូម្បីតែភាពរហ័សរហួនដែលគេធ្លាប់មានកាលពីមុន ក៏ផ្លាស់ប្តូរអស់ដែរ។ នៅទឹកទី៣ គេឃើញកីឡាករឡង់ ភិរម្យ វាយសន្ធាប់បានយ៉ាងល្អទៅលើសិស្សច្បង ភារម្យ ភក្តី ដែលស្ទើរតែអស់កម្លាំងស៊ុហ្វក្នុងការតតាំង ។ ឈានដល់ចុងទឹកទី៥ គេឃើញភារម្យ ភក្តី កាន់តែយ៉ាប់ឡើងបន្ទាប់ពីត្រូវមួយកែងរបស់ ភិរម្យ ភក្តី បណ្តាលឱ្យបែកនៅចុងភ្នែកខាងស្តាំ ។ អុីចឹងហើយទើបលទ្ធផលចុងក្រោយ កីឡាករឡង់ ភិរម្យ ដែលជាសិស្សប្អូន និងទើបតែស្ទុះឡើងជាអ្នកឈ្នះពិន្ទុក្នុងការប្រកួតនាគ្រានោះ ។
នៅថ្ងៃនោះដែរ កីឡាករហេង វាសនា មកពីក្លិបព្រៃទទឹងខេត្តបាត់ដំបង សងសឹក វីវ៉ា សាវ៉េត មកពីក្លិបមហិទ្ធិឫទ្ធិតាដំបងដែកបានសម្រេច បើទោះជាបានឈ្នះដោយប្រផិតប្រផើយ និងកីឡាករម៉ន ព្រហ្មម៉ាញ មកពីក្លិបការិយាល័យទី៥ កងទ័ពជើងគោក ផ្តួលកីឡាករម៉េង អៀង មកពីក្លិបកងពលតូចឆត្រយោង៩១១ ឱ្យបោះបង់ចោលការប្រកួតក្នុងទឹកទី៣ ។
សម្រាប់លទ្ធផលការប្រកួតអន្តរជាតិនាថ្ងៃសៅរ៍ ទី២៦ មេសា កីឡាករឌុន រដ្ឋា មកពីក្លិបអេភូថងកីឡា យកឈ្នះកីឡាករថៃ Lampard Sor Kamsing ដោយពិន្ទុ ។ កីឡាករឡេះ តើក មកពីក្លិបពុទ្ធសេរីវង្សកីឡា បានក្លាយជាអ្នកសន្លប់ដោយនឹកស្មានមិនដល់ក្រោមដៃកីឡាករថៃ Paiton Sorkimsing ក្នុងទឹកទី៣ ។ កីឡាករហុឹម សារ៉ាន់ មកពីសមាគមកីឡាប្រដាល់ក្រសួងការពារជាតិ ក៏បានក្លាយជាអ្នកសន្លប់ក្នុងទឹកទី៤ ក្រោមដៃកីឡាករថៃ Yokpet Petkasam និងកីឡាករកែវ រំចង់ មកពីក្លិបកងពលធំអន្តរាគមន៍លេខ៨ ភ្នំទ្រព្យបានត្រឹមស្មើពិន្ទុកីឡាករថៃ Khamlaiphet Sornsamauk ៕
ចែករំលែកព័តមាននេះ