អាការៈក្រហាយភ្នែកច្រើនតែកើតមានជាញឹកញាប់បើសិនជាអ្នកធ្វើការជាមួយកុំព្យូទ័រយរៈពេលយូរ។ ក្រៅពីនេះអ្នកក៏ត្រូវគេមិនបានគ្រប់គ្រាន់ ដែលជាហេតុនាំឲ្យភ្នែកហើម និងអស់កម្លាំងបាន។ ដូច្នេះអ្នកគួរតែសាកល្បងប្រើចំណិតត្រសក់ដើម្បីព្យាបាលអាការៈហើមភ្នែក ក៏ដូចជាក្រហាយភ្នែកសិនទៅ។ តើវាមានប្រសិទ្ធភាពបែបណាទៅ?
ត្រសក់មានជាតិទឹក ៩៥ភាគរយ ដែលមិនត្រឹមតែជួយបង្គ្រប់ជាតិទឹកដល់ស្បែកទេ តែក៏ជួយបំបាត់ភាពក្តៅខ្លាំងក្នុងភ្នែកដោយសារតែសម្ពាធក្នុងភ្នែកតាមរយៈការសម្លឹកកញ្ចក់កុំព្យូទ័រដែរ។ ដូច្នេះនៅពេលដាក់ចំណិតត្រសក់នៅលើភ្នែកហើយ វានឹងផ្តល់ជាឥទ្ធិពលត្រជាក់ដល់ភ្នែកដើម្បីបន្ធូរភាពតានតឹងក្នុងភ្នែក។ សារធាតុផ្តល់ភាពត្រជាក់របស់ត្រសក់គឺដោយសារតែអង់ទីអុកស៊ីដង់ និងសារធាតុ Silica របស់វាតែម្តង ដែលអាចផ្តល់ជាស្បែកលូតលាស់ថ្មី និងកាត់បន្ថយភាពហើមភ្នែកបានយ៉ាងល្អ។
គួរប្រើចំណិតត្រសក់ដូចម្តេចទៅ?
ចូរហាន់ចំណិតត្រសក់ស្តើងៗ ហើយយកវាទៅដាក់នៅលើភ្នែកប្រមាន ១០នាទីដើម្បីកាត់បន្ថយភាពហើមរបស់ភ្នែក។ យ៉ាងណាមិញ មធ្យោបាយដ៏ងាយស្រួល និងមានប្រសិទ្ធភាពនោះគឺ យកចំណិតត្រសក់ដាក់ក្នុងទូរទឹកកករយៈពេល ៣០នាទី បន្ទាប់មកចាំយកវាដាក់លើភ្នែកក្រោយ។ មួយវិញទៀត ការលាបទឹកត្រសក់មិនត្រឹមតែជួយបន្ទន់ស្បែកទេ តែក៏ជួយផ្តល់ភាពភ្លឺថ្លាដល់ស្បែកផងដែរ ដូច្នេះ វានឹងលុបបំបាត់ស្នាំខ្មៅៗនៅជុំវិញភ្នែកដែរ (ប្រភពពី៖ Health.com.kh) ៕ (កែសម្រួលដោយ ៖ បុប្ផា)
ចែករំលែកព័តមាននេះ