ខេត្តពោធិ៍សាត់ ៖លោកជំទាវមាន សំអានប្រធានគណកម្មការទី៨ព្រឹទ្ធសភានិងជាអនុប្រធានសមាគមនារីកម្ពុជាដើម្បីសន្តិភាពនិងអភិវឌ្ព្យន៍ កាលពីថ្ងៃទី២៣ខែមេសាឆ្នាំ២០១៤បានដឹកនាំប្រតិភូក្រុមមនុស្សធ៌មប្រទេសវៀតណាមនិងប្រទេសចិននាំយករទេះរុញមកផ្ដល់ជូនជនពិការចំនួន១០០នាក់នៅក្រុងពោធិ៍សាត់។ចូលរួមក្នុងឱកាសនោះមានលោកជំទាវឯម ប៉ុណ្ណាសមាជិក
ខេត្តពោធិ៍សាត់ ៖លោកជំទាវមាន សំអានប្រធានគណកម្មការទី៨ព្រឹទ្ធសភានិងជាអនុប្រធានសមាគមនារីកម្ពុជាដើម្បីសន្តិភាពនិងអភិវឌ្ព្យន៍ កាលពីថ្ងៃទី២៣ខែមេសាឆ្នាំ២០១៤បានដឹកនាំប្រតិភូក្រុមមនុស្សធ៌មប្រទេសវៀតណាមនិងប្រទេសចិននាំយករទេះរុញមកផ្ដល់ជូនជនពិការចំនួន១០០នាក់នៅក្រុងពោធិ៍សាត់។ចូលរួមក្នុងឱកាសនោះមានលោកជំទាវឯម ប៉ុណ្ណាសមាជិករដ្ឋសភា លោកកែវ សែនអភិបាលរងខេត្ត និងលោកស្រីម៉ែន ផល្លីអភិបាលក្រុងពោធិ៍សាត់។
ជនពិការចំនួន១០០នាក់នេះមានទាំងចាស់ទាំងក្មេង ខ្លះកំបុតជើងទាំងពីរ ពិការដៃម្ខាង ស្លាប់មួយចំហៀងខ្លួន និងខ្វិនដៃខ្វិនជើងដើរមិនរួចមានការលំបាកជាទីបំផុត ម្នាក់ៗទទួលបានរទេះជនពិការមួយគ្រឿង ថវិកា២០.០០០រៀល ប្រេងកូឡាមួយប្រអប់ បាយមួយប្រអប់ និងទឹកបរិសុទ្ធមួយដប។
តំណាងឲ្យប្រតិភូប្រទេសវៀតណាមបានថ្លែងអរគុណដល់អាជ្ញាធរខេត្តពោធិ៍សាត់ដែលតែងតែបង្កលក្ខណះឲ្យពួកគាត់មកពីប្រទេសវៀតណាមក៍ដូចប្រទេសចិនបានធ្វើសប្បុរសធ៌មជូនជនក្រីក្រ ជួបគ្រោះមហន្ដរាយនិងជនពិការជាបន្តបន្ទាប់។នៅខេត្តពោធិ៍សាត់នេះគឺជាលើកទី២ ប៉ុន្តែមិនដែលបានធ្វើការវះកាត់ភ្នែកដូចខេត្តដទៃទេ។អ្នកដែលមកនេះសុទ្ធតែជាអ្នកស្ម័ក្រចិត្តជួយជនពិការកម្ពុជាដោយស្មោះ ហើយសម្ភារះទាំងនេះជាវិភាគទានមួយជួយសំរួលដល់បងប្អូនជនពិការអាចធ្វើចលនាបានស្រួលជាងមុន។លោកបញ្ជាក់ថាសម្ភារះរទេះជនពិការនេះជាអំណោយរបស់មូលនិធិព្រះសង្ឃវៀតណាមវត្ត
GIAC NGUEN*S CHARITY ទើបតែចែកជនពិការនៅខេត្តកំពង់ចាមនិងខេត្តពោធិ៍សាត់នេះជិត៣០០នាក់ហើយ ហើយនឹងបន្តចែកជូនជនពិការនៅតាមបណ្ដាខេត្តផ្សេងៗទៀត។
លោកកែវ សែនអភិបាលនៃគណះអភិបាលរងខេត្តបានថ្លែងអំណរគុណយ៉ាងជ្រាលជ្រៅចំពោះក្រុមមូលនិធិព្រះសង្ឃប្រទេសវៀតណាមនិងទីក្រុងហុងកុងដែលបាននាំយករទេះរុញមកផ្ដល់ជូនជនពិការចំនួន១០០នាក់នៅក្នុងក្រុងពោធិ៍សាត់នេះបញ្ជាក់ពីការស្រលាញ់រាប់អានជាមួយប្រជាជនកម្ពុជានិងជាការជួយសំរាលដល់រាជរដ្ខាភិបាលកម្ពុជាផងដែរ។លោកសូមឲ្យបងប្អូនជនពិការទាំងអស់ប្រើប្រាស់រទេះជនពិការនេះឲ្យបានត្រឹមត្រូវតាមបច្ចេកទេសនិងថែរក្សាឲ្យបានយូរអង្វែងជាចំណងដៃរបស់មូលនិធិព្រះសង្ឃវៀតណាមនិងក្រុមសប្បុរសធ៌មទីក្រុងហុងកុង។
ចែករំលែកព័តមាននេះ