បទពិសោធមិត្តភក្តិ៣រូប បង្កើតអាជីវកម្មតម្លៃ ៥៥០ លានដុល្លារពីការលក់របស់គ្មានបានការ
លោក Siu Rui Quek, Marcus Tan និង Lucas Ngoo គឺជាអ្នកផ្តួចផ្តើមបីរូបក្រោយក្រុមហ៊ុន…
លោក Siu Rui Quek, Marcus Tan និង Lucas Ngoo គឺជាអ្នកផ្តួចផ្តើមបីរូបក្រោយក្រុមហ៊ុន…
លោក Siu Rui Quek, Marcus Tan និង Lucas Ngoo គឺជាអ្នកផ្តួចផ្តើមបីរូបក្រោយក្រុមហ៊ុន Carousell ដែលជាទីផ្សារលក់ផលិតផលរវាងអតិថិជនដែលមានការិយាល័យធំក្នុងប្រទេសសិង្ហបុរី ។ វាជាក្រុមហ៊ុនដែលត្រូវបានចាត់ទុកជាក្រុមហ៊ុនបច្ចេកវិទ្យាថ្មីដែលអាចមានតម្លៃកើនដល់ ១ប៊ីលានដុល្លារក្នុងអាស៊ីអាគ្នេយ៍ ។
មិត្តភក្តីទាំងបីបានចាប់ផ្តើមអាជីវកម្មនេះក្នុងឆ្នាំ ២០១២ បន្ទាប់ពីត្រូវបានបំផុសគំនិតពេលទៅធ្វើការហាត់ការនៅ Silicon Valley ក្នុងសហរដ្ឋអាមេរិក ។ ក្នុងរយៈពេល ៧ ឆ្នាំ ពួកគេទទួលបានការគាំទ្រពីវិនិយោគិនធំៗ និងធ្វើឲ្យក្រុមហ៊ុនកើនដល់តម្លៃ ៥៥០ លានដុល្លារ ។
លោក Quek ដែលជានាយកប្រតិបត្តិបាននិយាយថា លោកបង្កើតគំនិតនេះចេញពីលោក Jack Dorsey, Mark Zuckerberg និង Drew Houston ជាដើម ហើយចំណុចមួយដែលពួកគេចែករំលែកគឺការចាប់អារម្មណ៍នឹងការប្រើបច្ចេកវិទ្យាដើម្បីដោះស្រាយបញ្ហា ។ ដូច្នេះពួកលោកក៏ប្រើបច្ចេកវិទ្យាដើម្បីដោះស្រាយបញ្ហាដែលពួកគេជួបប្រទះគឺការដែលមានសម្ភារៈដែលមិនត្រូវការ ប៉ុន្តែគ្មានវិធីក្នុងការលក់វាចេញបន្ត ។
ពេលដែលត្រលប់ទៅកាន់ប្រទេសសិង្ហបុរីវិញពួកគេក៏បានចាប់ផ្តើមបង្កើតទីផ្សារអនឡាញមួយដែលអតិថិជនអាចប្រើដើម្បីលក់គ្រឿងអេឡិចត្រូនិក សម្លៀកបំពាក់ អចលនទ្រព្យ យានយន្ត និងប្រកាសការងារឲ្យគ្នាទៅវិញទៅមក ។
Carousell មានរូបរាងស្រដៀងគ្នាជាមួយនឹង eBay ដែរ ប៉ុន្តែលោក Quek ផ្តោតសំខាន់លើដំណោះស្រាយលើទូរស័ព្ទដៃប្រចាំអាស៊ីអាគ្នេយ៍ព្រោះប្រជាជនក្នុងតំបន់នេះភាគច្រើនមានស្មាតហ្វូនច្រើនជាងកុំព្យូទ័រ ។ លើសពីនេះទៅទៀត ពួកគេផ្តោតសំខាន់លើការផ្តល់ភាពងាយស្រួលដល់អ្នកប្រើប្រាស់ដោយពួកគេគ្រាន់តែថតរូប បង្ហោះ និងអាចលក់ឲ្យអ្នកដទៃបានដោយងាយស្រួល ។ ហើយក្រុមហ៊ុននេះលើកកម្ពស់គោលដៅមួយដែលជំរុញឲ្យមនុស្សគ្រប់រូបទូទាំងពិភពលោកចាប់ផ្តើមលក់ និងទិញ ។
បច្ចុប្បន្ននេះពួកគេបានចាប់ផ្តើមបង្រួមបច្ចេកវិទ្យា Artificial Intelligence និងទទួលបានការវិនិយោគពីក្រុមហ៊ុនធំៗដូចជា Rakuten, Golden Gate Ventures និង 500 Startups ជាដើម ៕កែសម្រួលដោយ ៖ សុឃាក់
ចែករំលែកព័តមាននេះ