កឋិន​ពុំ​មែន​ចេះ​តែ​ធ្វើ​នៅ​ពេល​ណា​ក៏​បាន​តាម​ចិត្ត​ចង់​នោះ​ឡើយ


កឋិន​ជា​កាល​ទាន​ដ៏​ពិសេស​មាន​កំណត់​ពេលវេលា​ច្បាស់លាស់​គឺ​ចាប់ពី​ថ្ងៃ​១​រោច ខែអស្សុជ ដល់​ថ្ងៃ​១៥​កើត ខែកត្តិក​មាន​រយៈពេល​២៩​ថ្ងៃ​គត់ ពុំ​មែន​ចេះ​តែ​ធ្វើ​នៅ​ពេល​ណា​ក៏​បាន​តាម​ចិត្ត​ចង់​នោះ​ឡើយ និង​កើត​មាន​តែ​ព្រះពុទ្ធ​សាសនា​មួយ​ប៉ុណ្ណោះ ។

បើ​ខុស​ពី​រដូវ​កាល​នេះ ទោះបី​អ្នកមាន​សទ្ធា​ធ្វើបុណ្យ មាន​លក្ខណៈ​សណ្ឋាន​ដូច​កឋិន​ក៏​ដោយ ក៏​មិន​អាច​ហៅ​ថា កឋិនទាន​បាន​ដែរ ព្រោះ​ធ្វើ​ខុស​កាល​ទាន មិន​ចំ​សម័យកាល ពោល​គឺ​មិន​ត្រូវ តាម​ពុទ្ធានុញ្ញាត ។ ក្នុង​វត្ត​មួយ​បើ​ការ​ចាំ​វស្សា គ្មាន​ភិក្ខុ​សោះ ក៏​មិន​អាច​ហែ​កឋិន​ចូល​បាន​ដែរ ព្រោះ​សាមណេរ គ្មាន​សិទ្ធិ​ទទួល​ក្រាល​គ្រង​កឋិន​ទេ លុះតែ​យ៉ាង​ហោច​បំផុត​ក៏​ត្រូវ​មាន​ភិក្ខុ​១​អង្គ​ដែរ ហើយ​ភិក្ខុ​អង្គ​នោះ​បាន​ចាំ​វស្សា​អស់​៣​ខែ​ដោយ​បរិបូណ៌ ទើប​អាច​ហែ​កឋិន​ចូល​បាន​។ ប៉ុន្តែ​ទោះជា​យ៉ាងណា​នៅ​កម្ពុជា​មិន​ដែល​ថា វត្ត​អារាម​ណា​ដែល​មិន​មាន​កឋិន​នោះ​ឡើយ ។

ទាក់ទង​នឹង​កឋិន​នេះ បព្វជិត​ក្តី គ្រហស្ថ​ក្តី​អាច​ធ្វើ​កឋិនទាន​បាន​ដូច​គ្នា​មិន​ទាស់​ទៅ​នឹង​ធម៌​វិន័យ​ទេ ។
កឋិនទាន​អាច​សម្រាល​នូវ​ទុក្ខ​លំបាក​ក្នុង​ការ​ប្រើប្រាស់​បច្ច័យ​មួយ​ចំនួន​របស់​ភិក្ខុសង្ឃ​ដូច​ជា ត្រៃចីវរ អាហារ​ភោជន និង​លាភសក្ការៈ​ផ្សេង​ៗ ដែល​កើត​មាន​ដល់​សង្ឃ នឹង​អាច​ប្រើប្រាស់​បាន​តាម​ការ​គួរ ហើយ​ការ​សម្រា​ល​ទុក្ខ​លំបាក​នេះ​មាន​រយៈកាល ៥​ខែ និង​បាន​ចំពោះតែ​ភិក្ខុ​ដែល​គង់​ចាំ​វស្សា​អស់​ត្រីមាស​បាន​ត្រឹមត្រូវ តែបើ​ចាំ​វស្សា​ដែរ តែ​ធ្វើ​ឱ្យ​ដាច់​វស្សា​នោះ ក៏​មិន​អាច​ក្រាល​គ្រង​កឋិន​បាន​ដែរ ។

ចំណែក​ទាយក​ទាយិកា អ្នក​ធ្វើ​កឋិន​ក៏​ត្រូវ​បាន​ទទួល​កុសលផល​បុណ្យ​ច្រើន​លើសលប់​ទៅ​តាម​កុសល​ចេតនា បសាទ​សទ្ធា​ជ្រះថ្លា​រៀង​ៗ​ខ្លួន ។ (​ដោយ​សាន សា​រិ​ន​)

ជ្រុង​មួយ​នៃ​សាសនា

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ