យោងតាមការស្រាវជ្រាវនៅអាមេរិកបានអះអាងថាសារធាតុបំប៉នរាងកាយដែលមាននៅក្នុងមើមការ៉ុតនិងដំឡូងជ្វាអាចជាអាវុធដ៏សំខាន់មួយប្រឆាំងនឹងជំងឺមហារីកសុដន់ដំណាក់កាលដំបូង។ អាស៊ីដរ៉េទីណូអ៊ិច(Retinoic Acid)ឬហៅម្យ៉ាងទៀតថាអាស៊ីដវីតាមីនAមួយភាគត្រូវបានគេប្រើនៅក្នុងក្រែមលាបមុខការពារភាពជ្រីវជ្រួញ។ មកដល់ពេលនេះ ការសិក្សាទាំងឡាយទៅលើសក្តានុពលរបស់វាក្នុងនាមជាឱសថព្យាបាលជំងឺមហារីកមួយប្រភេទបានត្រូវផ្តល់នូវភាពប្រាកដប្រជា ។
តាមការសិក្សានៅក្នុងមន្ទីរពិសោធន៍ថ្មីមួយក្នុងពេលឥឡូវនេះបានបង្ហាញថា អាស៊ីដរ៉េទីណូអ៊ិច(Retinoic Acid)បានធ្វើឲ្យមានភាពផ្ទុយគ្នាចំពោះកោសិកាដែលនាំឲ្យមានមហារីសុដន់។ ទោះជាយ៉ាងណាក្តី អាស៊ីដនេះពុំមានប្រសិទ្ធភាពទប់ទល់នោះឡើយប្រសិនជាជំងឺមហារីកសុដន់បានឆ្លងផុតដំណាក់កាលដំបូងរួចហើយនោះ។ បណ្តាអ្នកវិទ្យាសាស្រ្តនៅអាមេរិកបានតម្រង់ឆ្ពោះទៅរកតួនាទីជាគន្លឹះដែលជួយធ្វើឲ្យកម្លាំងប្រឆាំងនឹងមហារីករបស់អាស៊ីដរ៉េទីណូអ៊ិច(Retinoic Acid) ប្រសិទ្ធភាពខ្លាំងឡើង។
Retinoic acid receptor beta (RAR-beta)ជាប្រភេទប្រូតេអ៊ីនមួយក្រុមនៅក្នុងកោសិកាបានបញ្ចេញនូវប្រសិទ្ធភាពជីវសាស្រ្តនៅពេលដែលវាមានទំនាក់ទំនាក់ជាមួយRetinoic Acid។ វេជ្ជបណ្ឌិតសាន់ដ្រា ហ្វឺណាន់ដេសអ្នកដឹកនាំការសិក្សាមកពីមជ្ឈមណ្ឌលមហារីកFox Chase Cancerនៅហ្វ៊ីឡាដែលហ្វ៊ីយ៉ា សហរដ្ឋអាមេរិកបាននិយាយថា៖«យើងបានរកឃើញថា ពន្ទុRAR-betaមានសកម្មភាពប្រឆាំងនៅក្នុង២ដំណាក់កាលដំបូងនៃជំងឺមហារីក តែ២ដំណាក់កាលចុងក្រោយវាក៏ស្ងប់ទៅវិញ ពោលគឺវាគ្មានសកម្មភាពប្រឆាំងអ្វីទាំងអស់។ ការផ្លាស់ប្តូរសកម្មភាពពន្ធុនេះបង្កឡើងដោយសកម្មភាពកែប្រែគីមីមួយប្រភេទហៅថាMethylation» ៕
ចែករំលែកព័តមាននេះ