ខេត្តបាត់ដំបង ៖ ក្មេងទំនើង២នាក់ ក្នុងចំណោមបក្សពួកជិត៣០នាក់ ត្រូវសមត្ថកិច្ចធ្វើការឃាត់ខ្លួន ក្រោយពីសង្ស័យថា បានព្រូតគ្នាស្ទាក់កាប់យុវជន៣នាក់ ក្នុងចំណោម៦នាក់ បណ្ដាលឱ្យរងរបួសធ្ងន់ ខណៈដែលភាគីរងគ្រោះជិះម៉ូតូឌុបគ្នាត្រឡប់មកពីដើរលេងនៅប្រាសាទឯកភ្នំវិញ កាលពីវេលាម៉ោង៧យប់ថ្ងៃទី១៧ មេសា ២០១៤ ស្ថិតត្រង់ចំណុចភូមិកន្ទូត ឃុំក្ដុលដូនទាវ ក្រុងបាត់បាត់ដំបង
ខេត្តបាត់ដំបង ៖ ក្មេងទំនើង២នាក់ ក្នុងចំណោមបក្សពួកជិត៣០នាក់ ត្រូវសមត្ថកិច្ចធ្វើការឃាត់ខ្លួន ក្រោយពីសង្ស័យថា បានព្រូតគ្នាស្ទាក់កាប់យុវជន៣នាក់ ក្នុងចំណោម៦នាក់ បណ្ដាលឱ្យរងរបួសធ្ងន់ ខណៈដែលភាគីរងគ្រោះជិះម៉ូតូឌុបគ្នាត្រឡប់មកពីដើរលេងនៅប្រាសាទឯកភ្នំវិញ កាលពីវេលាម៉ោង៧យប់ថ្ងៃទី១៧ មេសា ២០១៤ ស្ថិតត្រង់ចំណុចភូមិកន្ទូត ឃុំក្ដុលដូនទាវ ក្រុងបាត់បាត់ដំបង ប៉ុន្តែត្រូវសមត្ថកិច្ចដោះលែងជនសង្ស័យវិញ បន្ទាប់ពីឃុំខ្លួនក្នុងទ្រុងបាន១យប់។
ប្រភពបានឱ្យដឹងថា ជនសង្ស័យដែលសមត្ថកិច្ចដោះលែងវិញ ដោយគ្មានហេតុផលច្បាស់លាស់នោះ ១-ឈ្មោះសេង ម៉េងលី អាយុ១៩ឆ្នាំ និង២-ឈ្មោះសៅ ទីទី អាយុ១៩ឆ្នាំ រស់នៅភូមិវត្តលៀប សង្កាត់ចំការសំរោង ក្រុងបាត់ដំបង។
ប្រភពបានឱ្យដឹងទៀតថា ជនទាំង២នាក់ខាងលើនេះត្រូវឃាត់ខ្លួននៅកន្លែងកាប់ចាក់គ្នាជាមួយនិងបក្សពួកគេជិត៣០នាក់ទៀត ប្រដាប់ដោយកាំបិត និងដុំថ្ម ។ ក្រុមនេះបានស្ទាក់កាប់ និងវាយទៅលើភាគីរងគ្រោះមានគ្នា៦នាក់ ជិះម៉ូតូ២គ្រឿង បណ្ដាលឱ្យ៣នាក់រងរបួសធ្ងន់ គឺ ១-ឈ្មោះសេង ពិសិដ្ឋ អាយុ២៣ឆ្នាំ (របួសជាង១០កន្លែង) ២-ឈ្មោះឆាន់ ថន អាយុ២១ឆ្នាំ (របួសត្រង់ក្បាលផ្នែកខាងក្រោយ) និង៣-ឈ្មោះបូ សំណាង អាយុ២០ឆ្នាំ (របួសផុងលលាដ៍ក្បាល) និង៣នាក់ទៀតបានរត់រួច ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ