ខេត្តបន្ទាយមានជ័យ ៖ រយះពេលមួយសប្តាហ៏មកនេះ ពលករចំណាកស្រុកដោយខុសច្បាប់មានការកកស្ទះ និងធ្វើដំណើរវិលត្រឡប់មកស្រុកកំណើតក្នុងមួយថ្ងៃៗរាប់រយនាក់ តាមរយះមេខ្យល់នាំចេញតាមច្រករបៀងខុសច្បាប់មុនបុណ្យចូលឆ្នាំ ។
តាមព័ត៌មានបានឱ្យដឹងថា ពលករខុសច្បាប់តាមរយះមេខ្យល់បានសវិលមកស្រុកកំណើតវិញមុនបុណ្យចូលឆ្នាំថ្មី ប្រពៃណីខ្មែរកំពុងមានការកកស្ទះ ដោយចូលពុំរួច ដែលស្នាក់នៅតាមបន្ទាត់ព្រំដែន តាមផ្ទះ តាមឃ្លាំងក្នុងទឹកដីថៃ គឺមានរាប់រយនាក់ហើយត្រូវបានមេខ្យល់នាំចេញតាមច្រករបៀងខុសច្បាប់បណ្តើរៗ ។
ជាក់ស្តែងក្នុងខេត្តបន្ទាយមានជ័យ មាន៩ ស្រុកក្រុង និង០៥ស្រុកក្រុងដែលនៅជាប់ព្រំដែនប្រទេសថៃ ១. ក្រុងប៉ោយប៉ែត ២.ស្រុកម៉ាឡៃ ៣.ស្រុកអូជ្រៅ ៤.ស្រុកស្វាយចេក ៥.ស្រុកថ្មពួក ហើយស្រុកនៅជាប់ព្រំដែនត្រូវបានការពារដោយកម្លាំងការពារព្រំដែនគោកនិងកម្លាំងយោធាការពារព្រំដែន។ទោះជាមានការការពារយ៉ាងល្អិតល្អន់ពីសំណាក់កម្លាំងសមត្ថកិច្ចយ៉ាងណាក៏ដោយគេនៅតែសង្កេតឃើញពលករចំណាកស្រុកដែលមេខ្យល់នាំចេញ-ចូលដោយសេរីមិនគិតពីសុវត្តិភាពប្រជាពលរដ្ឋគឺគិតតែពីប្រយោជន៏ ។
នៅព្រឹកថ្ងៃទី ១០ មេសា ២០១៤ លោកវេជ្ជបណ្ឌិត ឈុំ វណ្ណារិទ្ធ អភិបាលរងខេត្តបន្ទាយមានជ័យ និងតំណាងអង្គការUNDC បានប្រជុំដាក់វិធានការ ទប់ស្កាត់ឱ្យបានអំពើជួញដូរគ្រឿងញៀន និងពលករចំណាកស្រុកឆ្លងដែនខុសច្បាប់ ផងដែរ។ការប្រជុំដាក់វិធានការ ទប់ស្កាត់បែរជាគ្មានប្រសិទ្ធភាពឡើយ និងបើកឱ្យឆ្លងដោយសេរីឱ្យតែបានលុយ។
ចែករំលែកព័តមាននេះ