ខេត្តបន្ទាយមានជ័យ ៖ យុវជនមួយក្រុមប្រមាណជាង១០០នាក់ បាននាំគ្នាចូលរួមជួយចាក់សាបផ្លូវឡើងទៅអាស្រមវត្ត កងវ៉ាដែលមានប្រវែងជាង១០០ម៉ែត្រ ដើម្បីចូលរួមលើកស្ទួយពុទ្ធសាសនា ក៏ដូចជាបង្ហាញអំពីការសាមគ្គីគ្នាជាធ្លុងមួយ ក៏ដូចជាចូលរួមចំណែកជាមួយការងារសង្គម ដោយផ្សារភ្ជាប់ទៅនឹងពាក្យស្លោក«យុវជន គឺជាទំពាំស្នងឬស្សី និងជាក្បាលម៉ាស៊ីន ដ៏សំខាន់ក្នុងការជួយដឹកនាំកសាង អភិវឌ្ឍន៍ប្រទេសជាតិ»។
ក្នុងនោះដែរក៏មានការអញ្ជើញចូលរួមសកម្មភាពដឹកនាំដោយសមាជិកក្រុមប្រឹក្សាខេត្ត លោក ជាម សុខ ប្រធានក្រុមប្រឹក្សាក្រុង លោក ហ៊ឹល រ៉ាយ៉ា អភិបាលនៃគណៈអភិបាលក្រុងសិរីសោភ័ណ រួមនឹងមន្ត្រីក្រោមឱវាទ រួមនឹងមានការចូលរួមពីសំណាក់កងកម្លាំងសមត្ថកិច្ចនគរបាល អាវុធហត្ថ និងកងកម្លាំងសឹករងក្រុងសិរីសោភ័ណ ប្រជាពុទ្ធបរិស័ទបានចូលរួម ថ្ងៃទី៥ ខែតុលា ឆ្នាំ២០១៩។
ជាមួយគ្នានោះតំណាងយុវជនដែលបានចូលរួម បានបង្ហាញពីភាពសប្បាយរីករាយដែលបានចូលរួមចាកសាបផ្លូវឡើងអាស្រមវត្តកងវ៉ា ហើយពួកគេបានលើកឡើងថា ក្នុងនាមជាយុវជនពិតជារីករាយ នៅក្នុងកិច្ចការងារសង្គម ដោយមិនខ្លាចនឿយហត់ ។ ចំពោះគោលបំណងនៃការចូលរួមនេះតំណាងក្រុមយុវជនលើកឡើងថា ការចូលរួមនេះគឺ ដើម្បីបង្ហាញពីសកម្មភាពនៃការចូលរួមការងារសង្គម ការរួមសាមគ្គីគ្នាដើម្បីសង្គម ចូលរួមលើកកម្ពស់ពុទ្ធសាសនា តាមរយៈការចូលរួមសកម្មភាពផ្សេងៗ ក៏ដូចជាដើម្បីបំរើជាប្រយោជន៍ជូនប្រជាជន។
ពួកគេក៏បានធ្វើការសំណូមពរ ទៅដល់យុវជនទាំងអស់ ដែលទំនេរពីការសិក្សា កិច្ចការងារផ្ទះ សូមចូលរួមកិច្ចការងារសង្គមទាំងអស់ ដើម្បីប្រទេស និងសង្គមជាតិយើង ។ ត្រូវចូលរួមគោរពច្បាប់ចរាចណ៍ទាំងអស់គ្នា ហើយយើងជាយុវជន ត្រូវចៀសឲ្យឆ្ងាយពីគ្រឿងញៀន។
ពួកគេក៏បានធ្វើការសំណូមពរ ទៅដល់យុវជនទាំងអស់ ដែលទំនេរពីការសិក្សា កិច្ចការងារផ្ទះ សូមចូលរួមកិច្ចការងារសង្គមទាំងអស់ ដើម្បីប្រទេស និងសង្គមជាតិយើង ។ ត្រូវចូលរួមគោរពច្បាប់ចរាចណ៍ទាំងអស់គ្នា ហើយយើងជាយុវជន ត្រូវចៀសឲ្យឆ្ងាយពីគ្រឿងញៀន។
ជាមួយនឹងការចូលរួមនេះដែរ ទាំងថ្នាក់ដឹកនាំ ទាំងកងកម្លាំង ប្រជាពលរដ្ឋ ពុទ្ធបរិស័ទ យុវជន បានជួយចាក់សាបដោយភាពសប្បាយរីករាយមិនខ្លាចនឿយហត់ ។ ក្នុងនោះក៏មានបងប្អូនសប្បុរសជន ចូលរួមឧបត្ថម្ភជាបាយកញ្ចប់ នឹងទឹកសុទ្ធ ជូនដល់កងកម្លាំង ប្រជាពលរដ្ឋ យុវជនដែលបានចូលរួម ៕
កែសម្រួលដោយ ៖ សំណាង
ចែករំលែកព័តមាននេះ