ខេត្តកំពង់ធំ ៖ គម្រោងពង្រឹងអភិបាលកិច្ចលទ្ធកម្មថ្នាក់ក្រោមជាតិ(ព.អ. ល.ថ)ជាគម្រោងមួយដែលសហការអនុវត្តដោយអង្គការ សីលការនិងអភិវឌ្ឍន៍សេដ្ឋកិច្ចជនបទ(MODE) ក្រោមការឧបត្ថម្ភគាំទ្រថវិកាពីមជ្ឈមណ្ឌលអន្តរជាតិសម្រាប់សហគ្រាសឯកជន(CIPE)។
ខេត្តកំពង់ធំ ៖ គម្រោងពង្រឹងអភិបាលកិច្ចលទ្ធកម្មថ្នាក់ក្រោមជាតិ(ព.អ. ល.ថ)ជាគម្រោងមួយដែលសហការអនុវត្តដោយអង្គការ សីលការនិងអភិវឌ្ឍន៍សេដ្ឋកិច្ចជនបទ(MODE) ក្រោមការឧបត្ថម្ភគាំទ្រថវិកាពីមជ្ឈមណ្ឌលអន្តរជាតិសម្រាប់សហគ្រាសឯកជន(CIPE)។
គម្រោងនេះមានគោលបំណងធ្វើឲ្យអភិបាលកិច្ចសាធារណៈនៅថ្នាក់ក្រោមជាតិក្នុងប្រទេសកម្ពុជាមានភាពប្រសើរឡើង។ គម្រោង ព.អ.ល.ថ បង្កើនតម្លាភាព និងគណនេយ្យភាព លើកិច្ចលទ្ធកម្មសាធារណៈថ្នាក់ក្រោមជាតិ ហើយគម្រោងបានកំណត់យកឃុំ–សង្កាត់់៦ជាតំបន់គោលដៅ ដែល៣ឃុំ ក្នុងស្រុកកំពង់ស្វាយ(ឃុំត្រពាំងឬស្សី ឃុំកំពង់ស្វាយ ឃុំសាន់គរ) និងសង្កាត់៣ទៀត ក្នុងក្រុងស្ទឹងសែន(សង្កាត់ស្រយូវ អាចារ្យលាក់ និងសង្កាត់អូរគន្ធរ) ដើម្បីជាការសាកល្បងនៅក្នុងការអនុវត្តគម្រោង។ គម្រោងនេះ បានចាប់ផ្តើមពីខែកក្តដា ឆ្នាំ ២០១២ ដល់ខែតុលា ឆ្នាំ២០១៥ ។ គម្រោង បានបង្កើត “គណៈកម្មការ ចម្រុះពង្រឹងអភិបាលកិច្ច លទ្ធកម្មថ្នាក់ក្រោមជាតិ” ហៅកាត់ “គ.ព.អ.ល” ។
គ.ព.អ.ល គឺជាក្រុមចម្រុះមួយ មានសមាសភាពមកពីអង្គការសង្គមស៊ីវិល អាជីវករ ប្រជាពលរដ្ឋ ក្រុមហ៊ុនឯកជន ដែលក្រុមនេះបានកើតចេញមកពីការបោះឆ្នោតជ្រើសតាំងពីគណៈកម្មការជ្រើសរើសមួយក្រុមរួមមានៈអភិបាលរងស្រុកកំពង់ស្វាយ អភិបាលរងក្រុងស្ទឹងសែន អង្គការសីលការនិងអង្គការMODE។ ដើម្បីអោយបុគ្គលិកអង្គការ MODE និង គ.ព.អ.ល មានសមត្ថភាពនៅក្នុងការចូលរួមសង្កេតលើដំណើរការលទ្ធកម្មនៅថ្នាក់មូលដ្ឋាន អង្គការសីលការបានយកចិត្តទុកដាក់ជួយបណ្តុះបណ្តាល ដោយផ្តល់នូវចំណេះដឹងបទពិសោធន៍និងមុខជំនាញមួយចំនួនដែលពាក់ពន្ធ័នឹងច្បាប់នានា នៃការដេញថ្លៃ ក្នុងនោះរួមមានៈអភិបាលកិច្ចល្អ គណនេយ្យភាពសង្គម ច្បាប់លទ្ធកម្ម បទបញ្ញត្តិ និងជំនាញនៅក្នុងការសរសេរ របាយការណ៍ ការសំរបសំរួល ការទំនាក់ទំនង វេទិកាពិគ្រោះយោបល់…។ល។
គម្រោងព.អ.ល.ថ ដំណើរការបានរលូន ដោយសារមានកិច្ចសហការ និងគាំទ្រពីក្រសួងមហាផ្ទៃ អាជ្ញាធរខេត្តកំពង់ធំ ក្រុងស្ទឹងសែន ស្រុកកំពង់ស្វាយ មន្រ្តីទីចាត់ការ និងវិនិយោគខេត្តកំពង់ធំ និងអាជ្ញាធរឃុំ–សង្កាត់គោលដៅខាងលើ។
ទិសដៅគម្រោងទី១. កសាងសមត្ថភាពស្ថាប័នមូលដ្ឋានដើម្បីគេមានលទ្ធភាពពិនិត្យតាមដានកិច្ចលទ្ធកម្មសាធារណៈ ប្រកប ដោយប្រសិទ្ធភាព និងឆ្លុះបញ្ចាំងដើម្បីធ្វើការកែលំអរ ទី២. បង្កើន ការយល់ដឹងដល់សហគមន៍អាជីវកម្ម ស្តីពីឱកាស ច្បាប់ វិធាន និងបទបញ្ញត្តិនានា ពាក់ពន្ធ័នឹងកិច្ចលទ្ធកម្មសាធារណៈទី៣. បង្កើនទំនាក់ទំនង រវាងប្រជាពលរដ្ឋ និងផ្នែកឯកជន ក្នុងដំណើរ ការ កិច្ចលទ្ធកម្មសាធារណៈ។
សកម្មភាពសំខាន់ៗ:បង្កើតគណៈកម្មការចម្រុះពង្រឹងអភិបាលកិច្ចលទ្ធកម្មថ្នាក់ក្រោមជាតិ (គ.ព.អ.ល) ដែលមាន សមាសភាពចម្រុះ កសាងសមត្ថភាព “គ.ព.អ.ល” ស្តីពីច្បាប់ វិធាន បទបញ្ញតិ ដែលពាក់ពន្ធ័ នឹងការ ងារលទ្ធកម្ម សាធារណៈនិងជំនាញផ្សេងៗ ពិនិត្យលើកិច្ចលទ្ធកម្មសាធារណៈដោយផ្តោតលើការរៀបចំផ្សព្វផ្សាយនិងការបើក កញ្ចប់ដេញថ្លៃ រៀបចំការពិភាក្សារវាងផ្នែកសាធារណៈ ឯកជន តាមរយៈកិច្ចប្រជុំផ្លាស់ប្តូរយោបល់ និងការរៀបចំ ជាវេទិកា ចំណេះដឹងលទ្ធផលដែលសំរេចបានឆ្នាំ២០១៣ ។ការបង្កើតគណៈកម្មការចម្រុះពង្រឹងអភិបាលកិច្ចលទ្ធកម្មថ្នាក់ក្រោមជាតិ“គ.ព.អ.ល”ប្រជុំជ្រើសរើសនិងសំរេចដោយអង្គការសីលការអង្គការMODEអភិបាលរងក្រុងស្ទឹងសែន នៅការិយាល័យ អង្គការ MODE ដោយជ្រើសរើស គ.ព.អ.ល បាន៩នាក់ (ស្រ្តី៣នាក់) ដែលក្នុងនោះមាន២នាក់ មកពីអង្គការមិនមែនរដ្ឋាភិបាល ២នាក់ជាអាជីវករនិងអ្នកដេញថ្លៃ និង៥នាក់ ជាជនបង្គោលក្នុងសហគមន៍។
២– ការបណ្តុះបណ្តាលពីអង្គការសីលការ សំរាប់បុគ្គលិកគម្រោងអង្គការMODE គ.ព.អ.ល និងអ្នកពាក់ពន្ធ័ បានចំនួន ០៦វគ្គ ស្តីពីៈលទ្ធកម្មនិងការគ្រប់គ្រងកិច្ចសន្យា ការរៀបចំការដេញថ្លៃ ការប្រជុំដេញថ្លៃ ការរៀបចំដើម្បីអនុវត្តកិច្ចសន្យា ការត្រួត ពិនិត្យកិច្ចសន្យានិងការទូរទាត់ អភិបាលកិច្ចល្អ គណនេយ្យភាពសង្គម ឧបករណ៏គណនេយ្យភាព សង្គម ,ការសរសេរ របាយការណ៍,កិច្ចសន្ទនាពិគ្រោះយោបល់,ការណែនាំពីការអនុវត្តគម្រោងមូលនិធិឃុំ–សង្កាត់, ការរៀបចំផែនការយុទ្ធសាស្រ្ត និងការអនុវត្តការងាររបស់គ.ព.អ.ល។
ចែករំលែកព័តមាននេះ