ខេត្តរតនគិរី ៖ បើតាមអ្នកឆ្លើយឆ្លងព័ត៌មានកោះសន្តិភាពបានស្រង់សម្តីប្រជាពលរដ្ឋឲ្យដឹងនៅព្រឹកថ្ងៃទី០៩ មេសា ២០១៤ថា ឈើប្រណីតប្រភេទធ្នង់ជាច្រើនដុំ ត្រូវបានគេលាក់ទុកក្នុងព្រៃក្រោយផ្ទះអ្នកភូមិ ស្ថិតក្នុងភូមិអូរភ្លង ឃុំត្រពំាងច្រេះ ស្រុកកូនមុំ ។
ខេត្តរតនគិរី ៖ បើតាមអ្នកឆ្លើយឆ្លងព័ត៌មានកោះសន្តិភាពបានស្រង់សម្តីប្រជាពលរដ្ឋឲ្យដឹងនៅព្រឹកថ្ងៃទី០៩ មេសា ២០១៤ថា ឈើប្រណីតប្រភេទធ្នង់ជាច្រើនដុំ ត្រូវបានគេលាក់ទុកក្នុងព្រៃក្រោយផ្ទះអ្នកភូមិ ស្ថិតក្នុងភូមិអូរភ្លង ឃុំត្រពំាងច្រេះ ស្រុកកូនមុំ ។
ប្រភពបានបង្ហើបឲ្យដឹងថា ឈើធ្នង់ជាច្រើនដុំដែលត្រូវអ្នកភូមិប្រទះឃើញនោះជាកម្មសិទ្ឋិរបស់ឈ្មោះ ឌឿន ជាមន្រ្តីនគរបាលស្រុកកូនមុំផ្ទាល់តែម្តង ហើយថាឈើទំាងនោះគេលួចលាក់ត្រៀមដឹកចេញទៅប្រទេសវៀតណាម ។
សេចក្តីរាយការណ៏បានបន្តថា បច្ចុប្បន្ននេះឈើប្រណីតជាច្រើនបានត្រូវគេដឹកជញ្ជូនចេញទៅកាន់ប្រទេសវៀតណាម ដោយពុំមានសមត្ថកិច្ច ឬ ខាងជំនាញណាឃាត់ទប់ស្កាត់និងបង្រ្កាបនោះទេ ដោយប្រជាពលរដ្ឋដាក់ការសង្ស័យលើសមត្ថកិច្ចថាបានការឃុបឃិតបើកដៃឲ្យក្រុមឈ្មួញដឹកជញ្ជូនឈើចេញ ។
យ៉ាងណាក៏ករណីខាងលើនេះ នៅព្រឹកថ្ងៃទី០៩ មេសា ២០១៤ កោះសន្តិភាពមិនអាចទាក់ទងដើម្បីសុំការបំភ្លឺបានទេពីមន្រ្តីជំនាញពាក់ព័ន្ឋ ក៏ដូចជាឈ្មោះ ឌឿន ដែលជាឈ្មួញរកស៊ីឈើប្រណីត ក្នុងឋានៈខ្លួនជាមន្រ្តីប៉ូលិសស្រុកកូនមុំនោះ ៕
ចែករំលែកព័តមាននេះ