រាជធានីភ្នំពេញ ៖ ស្ត្រីសាច់សខ្ចីម្នាក់បម្រើការងារនៅក្នុងក្លិបមីតណាយ បានជាប់ចោទពីបទលួចយកទូរស័ព្ទដៃ និងលុយរបស់បុរសម្នាក់ ខណៈពួកគេត្រូវដងត្រូវផ្លែគ្នា ហើយនាំគ្នាទៅក្រេបទឹកឃ្មុំនៅក្នុងបន្ទប់ផ្ទះសំណាក់មួយកន្លែងយា៉ងផ្អែមល្ហែម ។ លុះពេលខាងប្រុសអស់កម្លាំងដេកលក់ នាងក៏លួចយកទូរស័ព្ទដៃ២គ្រឿង និងប្រាក់ចំនួន១៣០ដុល្លារ រួចគេចខ្លួនបាត់ស្រមោល ។
រាជធានីភ្នំពេញ ៖ ស្ត្រីសាច់សខ្ចីម្នាក់បម្រើការងារនៅក្នុងក្លិបមីតណាយ បានជាប់ចោទពីបទលួចយកទូរស័ព្ទដៃ និងលុយរបស់បុរសម្នាក់ ខណៈពួកគេត្រូវដងត្រូវផ្លែគ្នា ហើយនាំគ្នាទៅក្រេបទឹកឃ្មុំនៅក្នុងបន្ទប់ផ្ទះសំណាក់មួយកន្លែងយា៉ងផ្អែមល្ហែម ។ លុះពេលខាងប្រុសអស់កម្លាំងដេកលក់ នាងក៏លួចយកទូរស័ព្ទដៃ២គ្រឿង និងប្រាក់ចំនួន១៣០ដុល្លារ រួចគេចខ្លួនបាត់ស្រមោល ។
ដោយសារតែឈ្លក់នឹងតណ្ហាមួយគ្រា បែរជាខាតបង់ទាំងដើមទាំងការ បុរសនោះក៏ដើរតាមស្វែងរកអស់រយៈពេល១៦ថ្ងៃទើបប្រទះឃើញ និងបានឃាត់ខ្លួនប្រគល់ឱ្យនគរបាលចាត់ការតាមផ្លូវច្បាប់ ។ ការចាប់ខ្លួនស្រីស្អាតសាច់សខ្ចីម្នាក់នេះ បានធ្វើឡើង កាលពីវេលាម៉ោង២រំលងអធ្រាត្រ ឈានចូលថ្ងៃទី៨ មេសា នៅក្នុងក្លិបកម្សាន្តស្បា៉យឌ័រ ដែលមានទីតាំងស្ថិតនៅតាមបណ្តោយផ្លូវចោមចៅ ហៅផ្លូវវ៉េងស្រេង ក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។ ស្ត្រីដែលត្រូវបានឃាត់ខ្លួនប្រគល់ឱ្យនគរបាលនេះឈ្មោះ គឹម ស្រីរ័ត្ន អាយុ២០ឆ្នាំ មានស្រុកកំណើតនៅភូមិប៉ែន ឃុំមោង ស្រុកមោងឫស្សី ខេត្តបាត់ដំបង ។ ដោយឡែក បុរសដែលអះអាងថាខ្លួនជាជនរងគ្រោះឈ្មោះ ថុល រា៉វី អាយុ៣១ឆ្នាំ ជាបុគ្គលិកក្រុមហ៊ុនទេសចរណ៍ K5 មានទីលំនៅក្នុងភូមិ១៩ សង្កាត់ស្រះចក ខណ្ឌដូនពេញ ។
បុរសរូបនេះបានប្រាប់នគរបាលថា ខ្លួនបានបាត់ទូរស័ព្ទដៃចំនួន២គ្រឿង ក្នុងនោះ១គ្រឿងមា៉កអាយហ្វូនហ្វ័រអេស និង១គ្រឿងទៀតមា៉កសាំស៊ុងកាឡាក់សីុ ព្រមទាំងលុយចំនួន១៣០ដុល្លារ ។ មន្ត្រីនគរបាលបានឱ្យដឹងតាមការរៀបរាប់ដំណើររឿងកាលពី១៦ថ្ងៃមុនថា នៅល្ងាចថ្ងៃទី២៤ មីនា រូបគេរួមជាមួយមិត្តភក្តិម្នាក់បាននាំគ្នាចូលទៅផឹកសីុនៅក្នុងក្លិបកម្សាន្តឌីស្កូមីតណាយដែលមានទីតាំងស្ថិតនៅតាមបណ្តោយផ្លូវចោមចៅ (ផ្លូវវ៉េងស្រេង) ។ បន្ទាប់ពីផឹកអស់ស្រាបៀរជាង១កេសរួចមក ពួកគេក៏បានបបួលគ្នាចាកចេញ ខណៈនោះឈ្មោះ ថុល រា៉វី បានមើលឃើញនៅក្នុងទូរស័ព្ទរបស់ខ្លួនមានជាប់មីសខល ជាលេខប្លែកមិនដែលធ្លាប់ស្គាល់ ក៏បានចុចទៅសួរ ហើយពេលទូរស័ព្ទចូលទៅស្ត្រីឈ្មោះ គឹម ស្រីរ័ត្ន ជាអ្នកលើក ដែលតាមការអះអាងរបស់បុរសនេះថា ពួកគេមិនដែលធ្លាប់ស្គាល់គ្នាទេពីមុនមក ។
ប្រភពដដែលបានបន្តថា ពេលនោះស្ត្រីខាងលើបានប្រាប់ថា នាងបម្រើការងារនៅក្នុងក្លិបកម្សាន្តមីតណាយនោះ និងបានប្រាប់ថា បើមានចំណាប់អារម្មណ៍ចង់នាំនាងទៅគេងជាមួយក៏បានដែរ នាងយកត្រឹមតែ៥០ដុល្លារប៉ុណ្ណោះ ហើយបើយល់ព្រមសូមចាំជួបនាងនៅមុខក្លិប ។ បន្ទាប់ពីឮនាងនិយាយបែបនេះ ម្យា៉ងរាងស្រវឹងផង ក៏មានអារម្មណ៍ចង់រួមមេត្រីជាមួយនាង និងបានទៅជួបតាមការណាត់ ហើយបានយល់ព្រមនាំនាងម្នាក់នោះទៅឡើងឋានសួគ៌នៅក្នុងផ្ទះសំណាក់យីហោញូវសីុតធីដែលមានទីតាំង ស្ថិតនៅតាមបណ្តោយផ្លូវចោមចៅ (វ៉េងស្រេង) ភូមិត្រពាំងថ្លឹង សង្កាត់ចោមចៅ នោះដែរ ។
បន្ទាប់ពីបានរួមមេត្រីយា៉ងផ្អែមត្រជាក់ចិត្តជាមួយគ្នារួចមក ខណៈអស់កម្លាំងដេកលង់លក់ក៏ត្រូវស្ត្រីម្នាក់នោះលួចយកទូរស័ព្ទដៃទាំង២គ្រឿង និងលុយដែលទុកនៅលើក្បាលដំណេករួចរត់គេចខ្លួនបាត់ ។ បន្ទាប់ពីដឹងថា ដៃគូស្នេហាបែបឆក់កណ្តៀតម្នាក់នោះលួចទូរស័ព្ទ និងលុយក៏បានដើរតាមរកគ្រប់ទីកន្លែង ប៉ុន្តែមិនបានជួបប្រទះឡើយ លុះ១៦ថ្ងៃក្រោយមកឃើញស្ត្រីនោះនៅក្នុងក្លិបស្បា៉យឌ័រ ក៏ឃាត់ខ្លួនតែម្តង។ ពេលនេះបុរសខាងលើបានទារសំណងថ្លៃការបាត់បង់ចំនួន៨០០ដុល្លារ ប៉ុន្តែនាងម្នាក់នោះមានតែ១៥០ដុល្លារប៉ុណ្ណោះ ទើបមិនត្រូវគ្នា ហើយនគរបាលប៉ុស្តិ៍ចោមចៅបានកសាងសំណុំរឿងបញ្ជូនបន្តទៅកាន់ផ្នែកនគរបាលព្រហ្មទណ្ឌខណ្ឌពោធិ៍សែនជ័យ ដើម្បីចាត់ការបន្ត ៕
ចែករំលែកព័តមាននេះ