ខេត្តបាត់ដំបង ៖ លំនៅឋានប្រជាពលរដ្ឋចំនួនជិត១០០ខ្នង ក្នុងឃុំចំនួន២ រួមទាំងអគារក្នុងបន្ទាយយោធាផងនៅស្រុកបវេល បានរងការខូចខាតដោយសារខ្យល់ព្យុះ កាលពីវេលាម៉ោង៣រសៀលថ្ងៃទី៧ មេសា ២០១៤ ដែលជាការរងគ្រោះលើកទី៤ ដោយសារគ្រោះធម្មជាតិក្នុងរដូវប្រាំង ដែលប៉ះទង្គិចធ្ងន់ធ្ងរជាងគេទៅលើស្រុកមួយនេះ ក្នុងចំណោមស្រុកនានាខេត្តបាត់ដំបង។
ខេត្តបាត់ដំបង ៖ លំនៅឋានប្រជាពលរដ្ឋចំនួនជិត១០០ខ្នង ក្នុងឃុំចំនួន២ រួមទាំងអគារក្នុងបន្ទាយយោធាផងនៅស្រុកបវេល បានរងការខូចខាតដោយសារខ្យល់ព្យុះ កាលពីវេលាម៉ោង៣រសៀលថ្ងៃទី៧ មេសា ២០១៤ ដែលជាការរងគ្រោះលើកទី៤ ដោយសារគ្រោះធម្មជាតិក្នុងរដូវប្រាំង ដែលប៉ះទង្គិចធ្ងន់ធ្ងរជាងគេទៅលើស្រុកមួយនេះ ក្នុងចំណោមស្រុកនានាខេត្តបាត់ដំបង។
លោកអឿម ទិត អធិការនគរបាលស្រុកបវេលបានឱ្យដឹងថា ភ្លៀងដែលលាយឡំដោយខ្យល់បោកបក់ខ្លាំង មានរយៈពេល១ម៉ោងកាលពីរសៀលនេះ បានប៉ះទង្គិចទៅលើឃុំឃ្លាំងមាស និងឃុំក្តុលតាហែន ក្នុងស្រុកបវេល ។ លោកបន្តថា ខ្យល់ព្យុះនេះបានបំផ្លាញលំនៅឋានរបស់ប្រជាពលរដ្ឋអស់ចំនួន៩៦ខ្នង ក្នុងនោះរលំទាំងស្រុងចំនួន៤៣ខ្នង។ ក្រៅពីនេះមានរលំរោងដាក់រថក្រោះរបស់យោធាវរសេនាតូចលេខ៦៧ នៅភូមិអូរដូនពៅ ឃុំក្តុលតាហែនអស់៤ខ្នង និងរលំអគារសម្រាប់ស្នាក់នៅក្នុងអង្គភាពនេះសង្កត់លើរថយន្តកាមរី១គ្រឿងផង ។ ប៉ុន្តែលោកអធិការបានបញ្ជាក់ថា គ្រោះធម្មជាតិលើកនេះ មិនបង្កដល់គ្រោះថ្នាក់មនុស្សដូចលើកមុនៗនេះទេ។
កោះសន្តិភាពបានព្យាយាមទាក់ទងតាមទូរស័ព្ទ ដើម្បីសុំការបំភ្លឺបន្ថែមពីផលប៉ះពាល់ដោយសារគ្រោះធម្មជាតិនារដូវប្រាំងខាងលើនេះ ពីលោកសឿម ប៊ុនរិទ្ធ នាយករដ្ឋបាលសាលា ខេត្ត។ ប៉ុន្តែលោកបានចុចផ្ដាច់ទូរស័ព្ទ និងមិនលើកទូរស័ព្ទតែម្ដង ដែលបញ្ហានេះបានធ្វើឱ្យមានការរិះគន់ពីមន្រ្តីនានា និងអ្នកសារព័ត៌មានអាជីពមួយចំនួន ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ