រាជធានីភ្នំពេញ ៖ មានការភ្ញាក់ផ្អើលព្រលឹងចុងសក់គ្រប់ៗគ្នា ខណៈទុយោធុងហ្គាសនៅកន្លែងចុងភៅចម្អិនអាហារក្នុងហាងខារ៉ាអូខេមួយកន្លែងត្រូវបានបង្កឱ្យមានអគ្គិភ័យឆាបឆេះឡើងយ៉ាងសន្ធោសន្ធៅ ។ ប៉ុន្តែសំណាងល្អណាស់ដែលធុងហ្គាសនោះមិនបានផ្ទុះឡើង ព្រោះពេលនោះគេបានយកបំពង់ពន្លត់អគ្គិភ័យជាច្រើនបំពង់ទៅបាញ់ពន្លត់រហូតដល់រលត់ទៅវិញ ។
រាជធានីភ្នំពេញ ៖ មានការភ្ញាក់ផ្អើលព្រលឹងចុងសក់គ្រប់ៗគ្នា ខណៈទុយោធុងហ្គាសនៅកន្លែងចុងភៅចម្អិនអាហារក្នុងហាងខារ៉ាអូខេមួយកន្លែងត្រូវបានបង្កឱ្យមានអគ្គិភ័យឆាបឆេះឡើងយ៉ាងសន្ធោសន្ធៅ ។ ប៉ុន្តែសំណាងល្អណាស់ដែលធុងហ្គាសនោះមិនបានផ្ទុះឡើង ព្រោះពេលនោះគេបានយកបំពង់ពន្លត់អគ្គិភ័យជាច្រើនបំពង់ទៅបាញ់ពន្លត់រហូតដល់រលត់ទៅវិញ ។
អ្វីដែលជាការកត់សម្គាល់នោះគឺបានធ្វើឱ្យភ្ញៀវដែលចូលទៅច្រៀងសប្បាយនឹងពួកនាងៗសាច់សខ្ចីនៅក្នុងបន្ទប់ហាងខារ៉ាអូខេនោះបាននាំគ្នារត់ចេញយ៉ាងប្រសេចប្រសាចមកក្រៅទាំងព្រលឹងចុងសក់ ។ ចំណែកឯសមត្ថកិច្ចនិងអាជ្ញាធរមូលដ្ឋានបានចេញអន្តរាគមន៍និងត្រៀមរថយន្តពន្លត់អគ្គិភ័យដើម្បីចេញទៅបាញ់ពន្លត់ផងដែរ ប្រសិនបើស្ថានការណ៍មិនអាចគ្រប់គ្រងបាននោះ ។ ហេតុការណ៍នេះបានកើតឡើងកាលពីវេលាម៉ោង៦និង១៦នាទីល្ងាចថ្ងៃទី៦ មេសា នៅក្នុងហាងខារ៉ាអូខេយីហោ អ៊ិចហ្គោល ដែលមានទីតាំងស្ថិតនៅតាមបណ្ដោយផ្លូវលេខ២០០៤ ក្នុងភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ ។
តាមប្រភពព័ត៌មានបានឱ្យដឹងថា មុនពេលកើតហេតុចុងភៅនៅក្នុងហាងខារ៉ាអូខេមួយនោះបានបើកហ្គាសដើម្បីចម្អិនអាហារឱ្យភ្ញៀវដែលបានចូលទៅច្រៀងនៅទីនោះតាមការកុំម៉ង់ ។ខណៈនោះគេមិនបានត្រួតពិនិត្យមើលទុយោហ្គាសទេ នៅពេលគេកាច់ភ្លើងក៏បណ្ដាលឱ្យឆាបឆេះឡើងតែម្ដង ។ គ្រានោះធុងហ្គាសទាំងមូលពោរពេញទៅដោយអណ្ដាតភ្លើង ប៉ុន្តែចាត់ទុកជាសំណាងខ្លាំងណាស់ដែលធុងហ្គាសដ៏ធំនោះមិនបានផ្ទុះឡើងបង្កឱ្យមានមនុស្សណាម្នាក់ត្រូវរងរបួស ដោយភ្លាមៗនោះគេបានយកបំពង់ពន្លត់អគ្គីភ័យជាច្រើនបំពង់ទៅបាញ់ពន្លត់ទាន់ពេលវេលា ។ ដោយឡែកភ្ញៀវដែលចូលច្រៀងខារ៉ាអូខេព្រមទាំងពួកនាងៗនៅក្នុងហាងខារ៉ាអូខេសុទ្ធតែស្លៀកពាក់បែបសិចសីុគួរឱ្យទាក់ទាញផងនោះបាននាំគ្នារត់ប្រជែងជើងយករួចខ្លួនយ៉ាងប្រសេចប្រសាចចេញមកក្រៅក្នុងស្ថានភាពភ័យស្លន់ស្លោបំផុត ។ ប៉ុន្តែពុំមានការអះអាងណាមួយថាមានអ្នកណាម្នាក់មានគ្រោះថ្នាក់នៅក្នុងហេតុការណ៍នោះឡើយ ។
បានកត់សម្គាល់ថា ទីនោះមានភោជនីយដ្ឋាន ហាងខារ៉ាអូខេ ផ្ទះសំណាក់ និងផ្ទះប្រជាពលរដ្ឋនៅជាប់ៗគ្នាច្រើនស្អេកស្កេះ ប្រសិនបើមិនអាចគ្រប់គ្រងស្ថានការណ៍បានទេ ប្រហែលជានឹងមានមហន្តរាយធំកើតឡើងជាក់ជាមិនខានឡើយ ៕
ចែករំលែកព័តមាននេះ