រាជធានីភ្នំពេញ ៖ សមត្ថកិច្ចនគរបាលខណ្ឌមានជយ័ កាលពីព្រឹកថ្ងៃទី៤ មេសា បាននាំខ្លួនប្រធានផ្នែកគ្រប់គ្រងសម្ភារសាងសង់បុរីប៉េង ហួត ទៅកាន់សាលាដំបូងរាជធានីភ្នំពេញ ដែលជាប់ពាក់ព័ន្ធប្រព្រឹត្តបទល្មើសលួច ។
រាជធានីភ្នំពេញ ៖ សមត្ថកិច្ចនគរបាលខណ្ឌមានជយ័ កាលពីព្រឹកថ្ងៃទី៤ មេសា បាននាំខ្លួនប្រធានផ្នែកគ្រប់គ្រងសម្ភារសាងសង់បុរីប៉េង ហួត ទៅកាន់សាលាដំបូងរាជធានីភ្នំពេញ ដែលជាប់ពាក់ព័ន្ធប្រព្រឹត្តបទល្មើសលួច ។
ប្រធានផ្នែកគ្រប់គ្រងសម្ភាររូបនោះឈ្មោះលីង សំអូន ហៅសុង ភេទប្រុស អាយុ៣៤ឆ្នាំ ស្នាក់នៅក្នុងបុរីប៉េង ហួត ភូមិបឹងឈូក ផ្លូវជាតិលេខ១ សង្កាត់និរោធ ខណ្ឌមានជយ័ ។ ការឃាត់ខ្លួនជនសង្សយ័ខាងលើនាំទៅតុលាការនេះ ត្រូវបានសមត្ថកិច្ចឲ្យដឹងថា ជាការឃាត់ខ្លួនទៅតាមពាក្យបណ្តឹងរបស់នាយកក្រុមហ៊ុនបុរីប៉េង ហួត បានប្តឹងចោទប្រកាន់ប្រធានផ្នែកគ្រប់គ្រងសម្ភារសាងសង់ថាបានលួចវ៉ានស្ពន់(វ៉ានសម្រាប់បិទបើកទឹក) អស់ប្រមាណជិត១ពាន់គ្រឿងគិតជាទឹកប្រាក់ជិត១ម៉ឺនដុល្លារអាមេរិក ។
សមត្ថកិច្ចឲ្យដឹងទៀតថា ក្នុងពាក្យបណ្តឹងបានបញ្ជាក់ច្បាស់ថា កន្លងមកក្រុមហ៊ុនទុកចិត្តឈ្មោះលីង សំអូន ហៅសុង បានប្រគល់ការងារឲ្យកាន់កាប់ជាប្រធានផ្នែកគ្រប់គ្រងសម្ភារសាងសង់ ។ ថ្មីៗនេះក្រុមហ៊ុនបានបូកសរុបបញ្ជីឃើញមានការបាត់បង់សម្ភារក្រុមហ៊ុនជាច្រើនដូចជា(វ៉ានស្ពន់) ជាដើមអស់ជិត១០០០គ្រឿង ។ ក្រោយពីមានការបាត់បង់សម្ភារសំណង់ទាំងអស់នោះ ក្រុមហ៊ុនបានដាក់ការតាមដានលើឈ្មោះលីង សំអូន ហៅ សុង ដែលជាប្រធានផ្នែកគ្រប់គ្រងសម្ភារ លុះវេលារសៀលថ្ងៃទី២ មេសា ២០១៤ ឈ្មោះលីង សំអូន បានធ្វើដំណើរចេញពីក្រុមហ៊ុន ទើបត្រូវបានម្ចាស់ក្រុមហ៊ុនទាក់ទងទៅសមត្ថកិច្ចឲ្យឃាត់ខ្លួន ដើម្បីធ្វើការសាកសួរ ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ