ខេត្តបន្ទាយមានជ័យ ៖ កម្លាំងប៉ុស្តិ៍ដើមកកោះ នៃវិរៈសេនាតូច នគរបាលវិរៈ កាពារព្រំដែនគោក លេខ៩១១ចំនួន ០៥នាក់ដឹកនាំដោយអនុសេនីយ៍ឯក ទឹម សុផល សហការជាមួយ អជ្ញាធម៌មូលដ្ឋានចំនួន ០៣នាក់ កាលពីព្រឹកវេលាម៉ោង ៨និង៣០នាទី ថ្ងៃទី០២ មេសា ២០១៤ បានធ្វើការជួសជុលផ្ទះឱ្យប្រជាពលរដ្ឋ១ខ្នងដែលរងការខូចខាត បើុងដំបូលដោយសារខ្យល់ យប់មិញ ស្ថិតនៅភូមិអូរនាង សង្កាត់ប៉ោយប៉ែត និង ក្រុងប៉ោយប៉ែត។ ម្ចាស់ផ្ទះឈ្មោះ ចែម សុឃឿន អាយុ៣២ឆ្នាំ ជាស្រីម៉េម៉ាយ។
ក្នុងនោះកម្លាំងប៉ុស្តិ៍ នគរបាលវិរៈការពារព្រំដែនគោក លេខ៩១១ នៃស្នងការខេត្ត បានរៃអង្គាសគ្នាបានប្រាក់ចំនួន ១០មឺុនរៀលជួយ ឧត្ថមដល់ស្រ្តី ទុរគត ដើម្បីសម្រួលជីវភាព ។ចំណែកឯ កម្លាំងវិរៈនគរបាល ការពារព្រំដែនគោក៨១៥ ប្រចាំនៅទិសម៉ាឡៃ នៅថ្ងៃដដែលនេះបានចុះទៅជួយជួសជុល ផ្ទះប្រជាពលរដ្ឋ ដែលរងគ្រោះដោយសារខ្យល់កន្រ្តាក់កាលពីថ្ងៃទី០១មេសា កន្លងទៅ ។
ហើយនៅថ្ងៃជាមួយគ្នានេះដែរកម្លាំងសមត្ថកិច្ច ប៉ូលីសនៃអធិការដ្ឋានស្រុកអូរជ្រៅ ក៏បានចុះរៀបចំនិងជួសជុល ផ្ទះប្រជាពលរដ្ឋដែលរងគ្រោះកាលពីយប់មិញផងដែរ ។
ជាចុងបញ្ចប់លោក ឧត្ថមសេនីយ៍ត្រី ខេង ស៊ុមស្នងការនគរបាលខេត្ត បន្ទាយមានជ័យបានមានប្រសាសន៏ថា ជារឿយៗកន្លងមកប្រជាពលរដ្ឋដែលជួបនិង ឧប្បទ្ទវហេតុកើតឡើងដល់ពួកគាត់នោះ កម្លាំងសមត្ថកិច្ចក្រោមឱវាទរបស់លោកតែងតែចុះជួយពួកគាត់ទាន់ពេលវេលាតែម្តង ។
សូមបញ្ជាក់ថា ភ្លៀងលាយឡំនិងខ្យល់កន្រ្តាក់ខ្លាំង កាលពីល្ងាច ថ្ងៃទី០១មេសា កន្លងមកនេះ បានធ្វើឱ្យដួលរលំផ្ទះប្រជាពលរដ្ឋទូទាំង ខេត្តបន្ទាយមានជ័យ សរុបជិតប្រមាណ ៥០ខ្នងផ្ទះ ។តែក្នុងហេតុការណ៏នេះមិនបណ្តាលឱ្យពលរដ្ឋណាម្នាក់រងរបួសដល់អាយុ ជីវិតឡើយ ។
ចែករំលែកព័តមាននេះ