ខេត្តតាកែវ ៖ យុវជនអគតិម្នាក់ត្រូវបានប៉ូលិសស្រុកត្រាំកក់ឃាត់ខ្លួន រួចកសាងសំណុំរឿងបញ្ជូនបន្តមកការិយាល័យព្រហ្មទណ្ឌកម្រិតធ្ងន់ខេត្ត ដើម្បីចាត់ការទៅតាមពាក្យបណ្តឹងរបស់ក្រុមគ្រួសារស្ត្រីរងគ្រោះ ដែលចោទពីបទចាប់រំលោ.ភសេពសន្ថវៈទៅលើស្ត្រីរងគ្រោះដែលមានជំងឺក្រោកពីកន្ទេលមិនរួច ខណៈពេលជននេះទៅរកកូនស្ត្រីរងគ្រោះឱ្យជួយទៅទិញថ្នាំជក់ ។
ខេត្តតាកែវ ៖ យុវជនអគតិម្នាក់ត្រូវបានប៉ូលិសស្រុកត្រាំកក់ឃាត់ខ្លួន រួចកសាងសំណុំរឿងបញ្ជូនបន្តមកការិយាល័យព្រហ្មទណ្ឌកម្រិតធ្ងន់ខេត្ត ដើម្បីចាត់ការទៅតាមពាក្យបណ្តឹងរបស់ក្រុមគ្រួសារស្ត្រីរងគ្រោះ ដែលចោទពីបទចាប់រំលោភសេពសន្ថវៈទៅលើស្ត្រីរងគ្រោះដែលមានជំងឺក្រោកពីកន្ទេលមិនរួច ខណៈពេលជននេះទៅរកកូនស្ត្រីរងគ្រោះឱ្យជួយទៅទិញថ្នាំជក់ ។
នៅពេលជួបហើយកូនស្ត្រីរងគ្រោះបានចេញទៅរកទិញថ្នាំជក់បាត់ ជាឱកាសល្អយុវជននេះក៏បានទៅច្របាច់ដៃជើងស្ត្រីរងគ្រោះដែលក្រោកពីគ្រែមិនរួច ហើយពេលកំពុងតែច្របាច់នោះ ក៏មានអារម្មណ៍ចង់រួមរ័ក យុវជននេះបានចាប់រំលោភរហូតបានសម្រេច រួចគេចខ្លួនបាត់ លុះព្រឹកឡើងទើបប៉ូលិសចាប់ខ្លួនតែម្តង ។ ហេតុការណ៍នេះកើតឡើងកាលពីថ្ងៃទី៣១ មីនា វេលាម៉ោង៨យប់ នៅភូមិត្រពាំងកែស ឃុំត្រាំកក់ ស្រុកត្រាំកក់ ។ លោកយូ អាន នាយផ្នែកព្រហ្មទណ្ឌស្រុកត្រាំកក់ ឱ្យដឹងថា យុវជនអគតិដែលឃាត់ខ្លួននោះឈ្មោះ អូន ពន្លក អាយុ២៣ឆ្នាំ រស់នៅភូមិឃុំខាងលើ និងជាមនុស្សញៀនថ្នាំ ។ ក្រោយពេលកើតហេតុ នៅព្រឹកថ្ងៃទី១ មេសា វេលាម៉ោង៧និង៣០នាទី ប៉ូលិសក៏បានឃាត់ខ្លួននៅផ្ទះរបស់គេ ហើយកសាងសំណុំរឿងបញ្ជូនមកស្នងការនគរបាលខេត្ត ។ នៅចំពោះមុខប៉ូលិស ជននេះបានសារភាពថា រូបគេពិតជាបានចាប់រំលោភស្ត្រីអ្នកជំងឺដែលដេកនៅលើគ្រែពិតប្រាកដមែន ដោយសារញៀនថ្នាំនឹកចង់រួមរ័ក ក៏ចាប់រំលោភនាងតែម្តង។
លោកវរសេនីយ៍ទោ សែម សុជាតិ នាយការិយាល័យព្រហ្មទណ្ឌកម្រិតធ្ងន់ខេត្ត ឱ្យដឹងថា ប៉ូលិសបានកសាងសំណុំរឿងគ្រប់គ្រាន់អស់ហើយនៅព្រឹកថ្ងៃទី២ មេសា នឹងបញ្ជូនជននេះទៅសាលាដំបូងខេត្តចាត់ការតាមនីតិវិធី ៕
ចែករំលែកព័តមាននេះ