ខេត្តសៀមរាប ៖ បើតាមសេចក្តីរាយការណ៍បឋមបានឱ្យដឹងថា កាលពីថ្ងៃទី19 ខែកញ្ញា ឆ្នាំ2019នេះ កម្លាំងសមត្ថកិច្ចស្នងការដ្ឋាននគរបាលខេត្តសៀមរាបសហការជាមួយកម្លាំងនគរបាលព្រហ្មទណ្ឌកំរិតស្រាល ក្រសួងមហាផ្ទៃ ក្រោមការចូលរួមផ្ទាល់ពីលោកឧត្តមសេនីយ៍ទោ ប៉ុល…
ខេត្តសៀមរាប ៖ បើតាមសេចក្តីរាយការណ៍បឋមបានឱ្យដឹងថា កាលពីថ្ងៃទី19 ខែកញ្ញា ឆ្នាំ2019នេះ កម្លាំងសមត្ថកិច្ចស្នងការដ្ឋាននគរបាលខេត្តសៀមរាបសហការជាមួយកម្លាំងនគរបាលព្រហ្មទណ្ឌកំរិតស្រាល ក្រសួងមហាផ្ទៃ ក្រោមការចូលរួមផ្ទាល់ពីលោកឧត្តមសេនីយ៍ទោ ប៉ុល រតនា និងលោកឧត្តមសេនីយ៍ទោ នឹម ច័ន្ទតាណា អនុប្រធាននាយកដ្ឋានព្រហ្មទណ្ឌ បានចុះបង្ក្រាបទីតាំងទទួលផលចោរកម្មដ៏ធំមួយកន្លែង ដោយរឹបអូសយកម៉ូតូចំនួន៥៧គ្រឿង និងឃាត់ខ្លួនមនុស្ស២នាក់ ។
បើតាមសមត្ថកិច្ចបានឲ្យដឹងថា ម៉ូតូដែលដកហូតបានចំនួន៥៧គ្រឿងនោះ មានកាតគ្រីតែ២គ្រឿងទេ ចំណែកម៉ូតូ៥៥គ្រឿងទៀតអត់មានឯកសារអ្វីទាំងអស់ និងគឺជាម៉ូតូដែលចោរលួចយកទៅលក់ (ដោយកាច់សោ.ក) ។
សេចក្តីរាយការណ៍បន្តទៀតថា កិច្ចសហការបង្ក្រាបទីតាំងទទួលផលចោរកម្មដ៏ធំខាងលើនេះ គឺសមត្ថកិច្ចធ្វើឡើងនៅក្នុងទីរួមខេត្តនោះតែម្តង ហើយនៅក្នុងខេត្តសៀមរាបនោះផងដែរ ក្នុងនោះក៏មានបង្ហាញសកម្មភាពបង្ក្រាប និងមុខសញ្ញាផ្សេងៗដូចជា ការលួចឆក់ កាច់សោ.កម៉ូតូ និងគ្រឿងញៀនជាច្រើនកន្លែងក្នុងរយៈពេល២ខែកន្លងមកនេះក្នុងខេត្តសៀមរាប ។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព៕ (កែសម្រួលដោយ ៖ បុប្ផា)
ចែករំលែកព័តមាននេះ