រាជធានីភ្នំពេញ ៖ បុរសជនជាតិប៉ាគីស្ថានម្នាក់ ពេលកំពុងចុចទូរស័ព្ទផ្ញើសារ បានត្រូវជន២នាក់ឆក់យក តែទោះបីជាបែបណាឃាត់ខ្លួនបានជនសង្ស័យម្នាក់ និងគេចខ្លួនរួចម្នាក់ ។ ហេតុការណ៍នេះ កើតឡើងកាលពីវេលាម៉ោង១១និង២០នាទីយប់ ថ្ងៃទី២៧ មីនា នៅតាមមហាវិថីព្រះនរោត្តម ទល់មុខវិទ្យាល័យព្រះស៊ីសុវត្ថិ សង្កាត់ចតុមុខ ខណ្ឌដូនពេញ ។
រាជធានីភ្នំពេញ ៖ បុរសជនជាតិប៉ាគីស្ថានម្នាក់ ពេលកំពុងចុចទូរស័ព្ទផ្ញើសារ បានត្រូវជន២នាក់ឆក់យក តែទោះបីជាបែបណាឃាត់ខ្លួនបានជនសង្ស័យម្នាក់ និងគេចខ្លួនរួចម្នាក់ ។ ហេតុការណ៍នេះ កើតឡើងកាលពីវេលាម៉ោង១១និង២០នាទីយប់ ថ្ងៃទី២៧ មីនា នៅតាមមហាវិថីព្រះនរោត្តម ទល់មុខវិទ្យាល័យព្រះស៊ីសុវត្ថិ សង្កាត់ចតុមុខ ខណ្ឌដូនពេញ ។
ម្ចាស់ទូរស័ព្ទឈ្មោះ Arshad Munir អាយុ៤៧ឆ្នាំ ស្នាក់នៅផ្ទះលេខ 5Eo ផ្លូវលេខ៥៣ សង្កាត់ផ្សារថ្មីទី១ ខណ្ឌដូនពេញ ។ ប្រភពព័ត៌មានពីឈ្មោះ ផា ដាវី ភេទស្រី អាយុ២៦ឆ្នាំ ជាអ្នកបកប្រែភាសា បានឱ្យដឹងថា មុនពេលកើតហេតុបុរសជនជាតិប៉ាគីស្ថានរូបនេះ ទើបនឹងដើរចេញពីផ្សារទំនើបទិញអីវា៉ន់ រួចដើរទៅឈរចាំមិត្តភក្តិបណ្តើរយកទូរស័ព្ទម៉ាកសាំស៊ុងហ្កាឡាក់ស៊ីណូត S2 ចុចផ្ញើសារបណ្តើរ ។
ខណៈនោះ ស្រាប់តែមានជន២នាក់ ជិះម៉ូតូធុនធំម៉ាក Baja ពណ៌ស ជិះគ្នាពីរនាក់មកដល់ ហើយជនម្នាក់បានហក់ចុះទៅឆក់ទូរស័ព្ទបានសម្រេច រួចក៏ឡើងជិះម៉ូតូរត់គេច ។ គាប់ជួនពេលនោះមានយុវជនមួយក្រុមជិះម៉ូតូធុនធំ៣គ្រឿងឃើញហេតុការណ៍ ក៏ជួយអន្តរាគមន៍ជិះម៉ូតូដេញតាមរហូតដល់ផ្លូវលេខ១៦៣ សង្កាត់វាលវង់ ខណ្ឌ៧មករា ជិតដល់បញ្ជាការដ្ឋានកងរាជអាវុធហត្ថ៧មករា ធ្វើឱ្យជនសង្ស័យភ័យ ផ្តួលម៉ូតូចោលរត់គេចខ្លួនបាត់ម្នាក់ ចំណែកម្នាក់ទៀតរត់ធ្លាក់ចូលប្រឡាយទឹកស្អុយ ក៏ត្រូវកងរាជអាវុធហត្ថចាប់ខ្លួនបាន ។
ជនសង្ស័យដែលឃាត់ខ្លួនបានម្នាក់នេះឈ្មោះ ចាយ រតនៈ ហៅជេម ភេទប្រុស អាយុ១៧ឆ្នាំ ជាកីឡាករបាល់ទាត់ក្លឹបភុជង្គនាគ (ជើងទឹក) ដែលក្លិបនេះមិនមានដំណើរការនោះទេ ស្នាក់នៅភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ ។ ក្រោយពេលកើតហេតុ កងរាជអាវុធហត្ថខណ្ឌ៧មករា បានឃាត់ខ្លួនជនសង្ស័យយកទៅសាកសួរ និងកសាងសំណុំរឿងបញ្ជូនទៅបញ្ជាការដ្ឋានកងរាជអាវុធហត្ថរាជធានីភ្នំពេញ ចំណែកទូរស័ព្ទដៃរបស់ជនរងគ្រោះ ត្រូវជនសង្ស័យដែលរត់គេចខ្លួនយកទៅបាត់ ៕
ចែករំលែកព័តមាននេះ