រថយន្ត 4Runner ជាប្រភេទរថយន្តដែលមានសមត្ថភាពខ្ពស់ ប៉ុន្តែម៉ូដែលជំនាន់បច្ចុប្បន្នត្រូវបានដាក់លក់តាំងពីឆ្នាំ ២០១០ ហើយមានការអាប់ដេតតែបន្តិចបន្តួចតែប៉ុណ្ណោះ។ វាសព្វថ្ងៃក៏កំពុងជួបប្រទះនឹងការប្រកួតប្រជែងខ្លាំងពី គូប្រជែងថ្មីៗ ដូចជារថយន្ត Jeep Wrangler Unlimited និង Gladiator ជាដើម តែសម្រាប់ម៉ូដែលឆ្នាំ២០២០ Toyota បានធ្វើការកែទម្រង់ច្រើនទៅលើម៉ូដែលមុនៗ ។
ឥឡូវនេះ Toyota Safety Sense P (TSS-P) មានលក្ខណៈស្តង់ដារនៅគ្រប់កំរិតទាំងអស់ ដោយបន្ថែមលើការជួយដល់អ្នកបើកបរ រួមទាំងប្រព័ន្ធការពារប៉ះទង្គិចទៅនឹងអ្នកថ្មើរជើង ប្រព័ន្ធរក្សាឱ្យនៅក្នុងគន្លង ប្រព័ន្ធប្រាប់ឱ្យដឹងពេលរេរចង្កូត ប្រព័ន្ធភ្លើងអូតូម៉ាទិច និង បច្ចេកវិទ្យា Dynamic Radar Cruise Control។
វាមានមកជាមួយនូវ អាក្រង់ទំហំ៨អ៊ីញ ជាមួយនឹងប្រព័ន្ធសម្លេងគុណភាពខ្ពស់។ វាក៏អាចប្រើប្រាស់ជាមួយនឹង Apple CarPlay និង Android Auto ព្រមទាំង Amazon Alexa បានផងដែរ។ ការដែលគ្មាន Android Auto គឺជាអ្វីដែលខ្វះនៅក្នុងរថយន្ត Toyota មុនៗ តែពេលនេះ គេបានផ្តោតទៅលើវាហើយ ។ សម្រាប់កៅអីខាងក្រោយពេលនេះ មានហ្វ្រីភ្លើងសម្រាប់សាកថ្មទូរស័ព្ទចំនួន២។
លើសពីនេះទៀត សម្រាប់រថយន្ត 4Runner TRD Pro, SR5 Premium និង TRD Off-Road Premium ទទួលបានកូនសោឆ្លាតវៃស្តង់ដារជាមួយនឹងការចុចបញ្ឆេះរថយន្ត។ គេក៏មានម៉ូដែលខ្ពស់ហៅថា Nightshade Special Edition ដែលមានជម្រើសពណ៌ពិសេស ជាមួយនឹងយ៉ាន់កង់ពណ៌ខ្មៅទំហំ២០អ៊ីញ និង អ្វីៗនៅខាងក្រៅខ្មៅទាំងអស់ ៕
ប្រភព ៖ carbuzz , កែសម្រួលដោយ ៖ សំណាង
ចែករំលែកព័តមាននេះ