ខេត្តកំពង់ឆ្នាំង ៖ យោងសេចក្តីសម្រេចរបស់លោកអភិបាលខេត្តកំពង់ឆ្នាំងលេខ៤៨ សសរ ចុះថ្ងៃទី០៣ មីនា គណៈកម្មការចម្រុះមានសមាសភាព១៥រូបដឹកនាំដោយលោកស្រី ដោក សុទ្ឋា អភិបាលរងខេត្ត កាលពីព្រឹកថ្ងៃទី២៧ មីនា បានអញ្ជើញទៅដោះស្រាយវិវាទដីធ្លី រវាងប្រជាពលរដ្ឋ៥២គ្រួសារនៅភូមិឡពាង ឃុំតាជេស ស្រុកកំពង់ត្រឡាច ជាមួយក្រុមហ៊ុនខេឌីស៊ី នៅសាលាឃុំតាជេស ក្នុងគោលបំណងបញ្ចប់វិវាទ ដែលកើតមានជាយូរឆ្នាំ តាមគោលនយោបាយឈ្នះៗទាំងអស់គ្នា។
ប្រការដែលគួរឱ្យសោកស្តាយ តាមគោលការណ៏របស់គណៈកម្មការដោះស្រាយវិវាទគឺមានរយៈពេល២ថ្ងៃ ប៉ុន្តែកិច្ចពិភាក្សាបានតែមួយព្រឹក ស្រាប់តែប្រជាពលរដ្ឋនាំគ្នាស្ទុះងើបចេញពីពិធីប្រជុំមិនព្រមស្តាប់ការបកស្រាយ របស់គណៈកម្មការ ដែលបញ្ហានេះធ្វើឱ្យការដោះស្រាយហាក់មិនទទួលលទ្ឋផល។ ទោះយ៉ាងនេះក្តីក៏គណៈកម្មការបន្តការងាររបស់ខ្លួនរហូតចប់ចុងចប់ដើមតាមការគ្រោងទុក។
តាមការគ្រោងទុក កិច្ចពិភាក្សាមានរយៈពេល២ថ្ងៃ គឺថ្ងៃទី២៧ មីនា ដោយតម្រូវឱ្យប្រជាពលរដ្ឋ៣២គ្រួសារ ( ព្រឹក១២គ្រួសារ និងរសៀល២០គ្រួសារ) និងព្រឹកថ្ងៃទី២៨ ២០គ្រួសារទៀត ដើម្បីឱ្យពួកគាត់ធ្វើការបកស្រាយ បង្ហាញភស្តុតាងនិងសាក្សី ដែលបានបញ្ជាក់ថា ពួកគាត់ពិតជាមានដីទំនាស់ ក្នុងភូមិឡពាងពិតប្រាកដមែន ។ ប៉ុន្តែការបកស្រាយបំភ្លឺរបស់ពួកគាត់បានត្រឹម១២នាក់ (អវត្តមានម្នាក់) តាមការគ្រោងទុក គឺនៅម៉ោង១២ថ្ងៃត្រង់ ដល់វេនមេធាវីរបស់ក្រុមហ៊ុនជាអ្នកបំភ្លឺវិញម្តង ស្រាប់តែមេធាវីទើបបំភ្លឺបានត្រឹម២គ្រួសារប្រជាពលរដ្ឋទាំងនោះ បានស្ទុះងើបចេញហើយបានស្រែកឡូឡា មិនស្តាប់ និងមិនគោរពលក្ខន្តិករបស់គណៈកម្មការឡើយ ។ ទង្វើបែបនេះត្រូវបានគេមើលឃើញថា មានអ្នកនៅពីក្រោយខ្នងពិសេស បុរសឈ្មោះ រាជ សេម៉ា ដែលជាមេដឹកនាំការតវ៉ា ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ