​ ខេត្ត​កំពង់ធំ ៖ លោក​ អ៊ុត សំអន អភិបាលខេត្តកំពង់ធំ​អញ្ជើញជាអធិបតី ​ក្នុងពិធីចែកប័ណ្ណកម្មសិទ្ធ​​ដល់ប្រជាពលរដ្ឋ ​ចំនួន​ជាង​១០០០ គ្រួសារ នៅក្នុងស្រុកប្រាសាទសំបូរ។

លោក ឌិត ធន ប្រធានមន្ទីររៀបចំដែនដី ​នគរូបនីយកម្ម និងសំណង់ខេត្តកំពង់ធំ បានអាន ​របាយការការងារ ​ដែលសម្រេច ​បានកន្លងមកថា ​នៅព្រឹកថ្ងៃទី២៥ ខែមិនា ឆ្នាំ២០១៤ ក្រោមអធិបតីភាព លោក​ អ៊ុត សំអន អភិបាលនៃអភិបាលខេត្តកំពង់ធំ ព្រមទាំងមន្ត្រីរាជការជាច្រើនរូប មន្ទីរបានរៀបចំផ្តល់ ​នូវប័ណ្ណកម្មសិទ្ធ ​ស្របច្បាប់ ​ជាង១០០០ប័ណ្ណ ​ដល់ប្រជាពលរដ្ឋ ​ចំនួន ​៣ភូមិ ​រួមមានទី១.ភូមិបាក់ស្រីចំនួន៥០១ប័ណ្ណស្មើ៣៥៨គ្រួសារ ទី២.ភូមិឈើទាលជ្រុំ ចំនួន៤៤៤ ប័ណ្ណ ស្មើ៣០៨ ​គ្រួសារស្ថិត ​ក្នុងឃុំគោល ​ស្រុកប្រាសាទសំបូរ និងទី៣.ភូមិទំនប់ចំនួន៥៧០ប័ណ្ណស្មើ៣៥៩គ្រួសារ ស្ថិតក្នុងឃុំស្រើង ស្រុកប្រាសាទសំបូរ ​ជាមួយគ្នាសរុបចំនួន ១៥១៥ប័ណ្ណ ស្មើចំនួន១២៣០គ្រួសារ ដែលមានផ្ទៃដីស្មើនិងទំហំ៤.៤០៥ហិតា ដែលក្រុម ​យុវជន ​ស្ម័គ្រ ​ចិត្តសម្តេចតេជោ ​រួមសហការគ្នា ​ជាមួយមន្ទីររៀបចំដែនដី​ ​នគរូបនីយកម្ម និងសំណង់ខេត្ត ក្រុមបច្ចេកទេស ​ជំនាញនិងមន្ត្រី ​ពាក់ព័ន្ធក្នុងខេត្តកំពង់ធំសម្រេចបានកន្លងមក ។

លោក​ អ៊ុត សំអន មានប្រសាសន៏ថា ​ដោយអនុវត្តន៏ ​តាមគោលនយោបាយ ​របស់រាជរដ្ឋាភិបាល​ក្រោមការដឹកនាំ​​ ប្រកប​​ដោយ​ គតិបណ្ឌិត ​របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ​នៃព្រះរាជាណាចក្រកម្ពុជា ​ដើម្បីផ្តល់ដី ​លំនៅដ្ឋាន ដីភូមិ និងដីសំរាប់ ​ប្រកបរបរកសិកម្ម ដល់ប្រជាពលរដ្ឋ​រួមជាមួយនិងប័ណ្ណកម្មសិទ្ធ ​ស្របច្បាប់ ​ដើម្បប្រកបរបរ ​កសិកម្ម ​សម្រាប់ផ្គត់ផ្គង់ជីវភាព ​រស់នៅឲ្យបានសមស្រប កាត់បន្ថយ ​ភាពក្រីក្រ​​។

ក្នុងនាមអាជ្ញាធរខេត្ត ​សូមធ្វើការផ្តាំផ្ញើរ​ ​ដល់បងប្អូនថា ​​បន្ទាប់ពីទទួល បានប័ណ្ណកម្មសិទ្ធ ​ស្របច្បាប់នេះ ​ហើយត្រូវរក្សា ​ឲ្យ ​បាន គង់វង្ស ពីព្រោះដីគឺជាជិវិតរបស់យើង បើគ្មានដីទេនោះជីវិតរបស់យើងក៏មិនអាចរស់នៅបានសុខស្រួលនោះដែរ .កុំ ​លក់ដីនេះហើយនាំគ្នាទៅកាប់ព្រៃនៅ។ ​កន្លៃងផ្សេងទៀតនាំឲ្យ ​មានទោសដល់ខ្លួន .ត្រូវខិតខំ ​ទាញយកផល ​ប្រយោជន៏ ​ពីដីនេះដោយការ ​ខិតខំដាំដុះ .ត្រូវបោះបង្គោលព្រំឲ្យបានរឹងមាំ និង ត្រូវខិតខំនាំគ្នា​​បង្ហាញមុខ ​ ជនណាដែលចូលទៅ ​ទន្រ្ទាន​​រានយកដីព្រៃ ​របស់រដ្ឋដោយខុសច្បាប់ ដល់សមត្ថកិច្ចជំនាញ​និងអាជ្ញាធរដែនដី​ ចុងក្រោយមាន ​ប្រគល់ជូនប័ណ្ណកម្មសិទ្ធ ​ស្របច្បាប់ជានិមត្តិរូបផងដែរ។