រាជធានីភ្នំពេញ ៖ កញ្ញាឡោម លក្ខិណា នៅចុងខែនេះ នាងនឹងឡើងយន្តហោះចេញទៅសម្តែងជាលើកដំបូងនៅប្រទេសបារាំង ដើម្បីទៅសម្តែងច្រៀងរាំ នាឱកាសចូលឆ្នាំថ្មីប្រពៃណីជាតិខ្មែរ ដែលបងប្អូនខ្មែរនៅចាំទទួលវត្តមាននាងសម្តែង។ ដោយសារតែជាឱកាសសម្តែងនាយសមុទ្រកម្របានទៅ ឡោម លក្ខិណា បានចាត់ទុកថា ជាការទាញយកប្រជាប្រិយភាពបន្ថែមទៀត ក្នុងសិល្បៈ ទើបនាងខិតខំគិតពិចារណារាល់បទចម្រៀងសម្តែង និងការរៀបចំខ្លួនឲ្យសមសួន ដោយធ្វើយ៉ាងណាឲ្យមានការចាប់
រាជធានីភ្នំពេញ ៖ កញ្ញាឡោម លក្ខិណា នៅចុងខែនេះ នាងនឹងឡើងយន្តហោះចេញទៅសម្តែងជាលើកដំបូងនៅប្រទេសបារាំង ដើម្បីទៅសម្តែងច្រៀងរាំ នាឱកាសចូលឆ្នាំថ្មីប្រពៃណីជាតិខ្មែរ ដែលបងប្អូនខ្មែរនៅចាំទទួលវត្តមាននាងសម្តែង។ ដោយសារតែជាឱកាសសម្តែងនាយសមុទ្រកម្របានទៅ ឡោម លក្ខិណា បានចាត់ទុកថា ជាការទាញយកប្រជាប្រិយភាពបន្ថែមទៀត ក្នុងសិល្បៈ ទើបនាងខិតខំគិតពិចារណារាល់បទចម្រៀងសម្តែង និងការរៀបចំខ្លួនឲ្យសមសួន ដោយធ្វើយ៉ាងណាឲ្យមានការចាប់អារម្មណ៍ពីទស្សនិកជននៅឯនាយសមុទ្រនោះ។
ឡោម លក្ខិណា តារាសម្តែង និងតារាចម្រៀងប្រចាំក្រុមរៃមាសតោមាស បានបង្ហាញអារម្មណ៍សប្បាយចិត្តនៅពេលដែលបានច្បាមឱកាសចេញទៅសម្តែងនៅប្រទេសបារាំង នាពេលឆាប់នេះថា នាងធ្លាប់តែលេចឮព័ត៌មានពីបងប្អូនអ្នកសិល្បៈថា ការសម្តែងនៅប្រទេសក្រៅដែលមានខ្មែរយើងរស់នៅទីនោះ គឺគាត់ចូលចិត្តអ្វីដែលជារបស់ខ្មែរ ដូចជា ការស្លៀកពាក់ ការតែងខ្លួន និងការលើកយកបទចម្រៀងមកបកស្រាយ។
ការពិតបងប្អូនយើងនៅឯនាយសមុទ្រ គាត់និយមចូលចិត្តការស្លៀកសម្លៀកបំពាក់បែបប្រពៃណីខ្មែរ ដែលរំលេចដោយក្រណាត់ប៉ាក់បែបខ្មែរ និងហូល ផាមួង ដែលយើងយកមកច្នៃស្លៀកសម្តែង ម្ល៉ោះហើយនាង នឹងផ្ចិតផ្ចង់នូវសកម្មភាពទាំងឡាយ ដែលនាងសម្តែងនូវឈុតសម្លៀកបំពាក់បែបប្រពៃណីជាតិឲ្យកាន់តែល្អប្រសើរ ព្រោះនោះជាឱកាសដែលនាងត្រូវសម្តែងជុំរដូវបុណ្យចូលឆ្នាំខ្មែរ ដែលត្រូវគេចាត់ទុកថា ជាបុណ្យធំមួយសម្រាប់ខ្មែរ ទើបនាងគិតរួចជាស្រេចថា និងធ្វើអ្វីឲ្យល្អរាប់ទាំងបទចម្រៀងច្រៀង ក៏លើកយកបទបែបពីដើមៗឲ្យបានច្រើនច្រៀងបំពេរបងប្អូននៅទីនោះ ព្រោះបទចម្រៀងដ្បិតថា ឥឡូវមានច្រើនទាន់សម័យមែន តែពេលសម្តែងនៅក្រៅប្រទេស គឺចាញ់បទជំនាន់លោកស៊ិន ស៊ីសាមុត អ្នកស្រីរស់ សេរីសុទ្ឋា នោះទេ បើយើងចេះបទគាត់តិចពេកក៏មិនល្អដែរ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ