រាជធានីភ្នំពេញ ៖ ហាងលក់ខោអាវកូនក្មេងយីហោ «បេប៊ីប្រេន» ដែលមានទីតាំងផ្ទះលេខ៦៥-៦៧អឺសូន្យ ផ្លូវលេខ៥៣ ភូមិទី២ សង្កាត់ផ្សារថ្មីទី១ ខណ្ឌដូនពេញ ត្រូវខ្មាន់កាំភ្លើងមិនស្គាល់អត្តសញ្ញាណបើករថយន្ដស៊េរីទំនើបម៉ាកអូឌីមួយគ្រឿង ពណ៌ខ្មៅ គ្មានស្លាកលេខ ឈប់នៅផ្លូវ ហើយបាញ់ជាច្រើនគ្រាប់សំដៅចូលក្នុងហាង បង្កឱ្យភ្ញាក់ផ្អើលកាលពីវេលាម៉ោង១០ និង៤៥នាទីយប់ថ្ងៃទី
រាជធានីភ្នំពេញ ៖ ហាងលក់ខោអាវកូនក្មេងយីហោ «បេប៊ីប្រេន» ដែលមានទីតាំងផ្ទះលេខ៦៥-៦៧អឺសូន្យ ផ្លូវលេខ៥៣ ភូមិទី២ សង្កាត់ផ្សារថ្មីទី១ ខណ្ឌដូនពេញ ត្រូវខ្មាន់កាំភ្លើងមិនស្គាល់អត្តសញ្ញាណបើករថយន្ដស៊េរីទំនើបម៉ាកអូឌីមួយគ្រឿង ពណ៌ខ្មៅ គ្មានស្លាកលេខ ឈប់នៅផ្លូវ ហើយបាញ់ជាច្រើនគ្រាប់សំដៅចូលក្នុងហាង បង្កឱ្យភ្ញាក់ផ្អើលកាលពីវេលាម៉ោង១០ និង៤៥នាទីយប់ថ្ងៃទី២៤ មីនា ២០១៤ ។
ប្រភពបានឱ្យដឹងថា បន្ទាប់ពីផ្ទុះអាវុធហើយ ខ្មាន់កាំភ្លើងបានបើករថយន្តគេចខ្លួនបាត់ ដោយមិនមានមនុស្សណាម្នាក់រងរបួស ឬស្លាប់នោះទេ គ្រាន់តែខូចខាតទ្វារផ្ទះប៉ុណ្ណោះ ។
សន្ដិសុខយាមនៅខារ៉ាអូខេបានឱ្យដឹងថា ខ្មាន់កាំភ្លើងដែលជិះរថយន្តទំនើបបានបាញ់ហាងខាងលើ មានគ្នា២នាក់ ហើយមិនដឹងជាមានរឿងអ្វីនោះឡើយ ហើយពេលបើកមកដល់ចំណុចកើតហេតុ ក៏បាញ់ជាបន្តបន្ទាប់ ហើយបើករថយន្តចេញទៅបាត់ ។នៅកន្លែងកើតហេតុ សមត្ថកិច្ចរើសបានសំបកគ្រាប់ចំនួន៧គ្រាប់ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ