ខេត្តបាត់ដំបង ៖ ជនជាតិខ្មែរអិុស្លាម២នាក់ត្រូវសមត្ថកិច្ចឃាត់ខ្លួន គ្រាដែលពួកគេកំពុងចែកចាយគ្រឿងញៀន នៅចំណុចខាងកើតស្ពានវត្តគរ ស្ថិតក្នុងភូមិវត្តតាមឹម ឃុំអូរដំបង១ ស្រុកសង្កែ កាលពីវេលាម៉ោង១១និង៥០នាទីថ្ងៃត្រង់ថ្ងៃទី២៤ មីនា និងរកឃើញថ្នាំញៀនប្រភេទ«ម៉ាទឹកកក»ចំនួន៥កញ្ចប់តូច ដែលជនសង្ស័យលាក់ទុកជាប់ខ្លួន។
ខេត្តបាត់ដំបង ៖ ជនជាតិខ្មែរអិុស្លាម២នាក់ត្រូវសមត្ថកិច្ចឃាត់ខ្លួន គ្រាដែលពួកគេកំពុងចែកចាយគ្រឿងញៀន នៅចំណុចខាងកើតស្ពានវត្តគរ ស្ថិតក្នុងភូមិវត្តតាមឹម ឃុំអូរដំបង១ ស្រុកសង្កែ កាលពីវេលាម៉ោង១១និង៥០នាទីថ្ងៃត្រង់ថ្ងៃទី២៤ មីនា និងរកឃើញថ្នាំញៀនប្រភេទ«ម៉ាទឹកកក»ចំនួន៥កញ្ចប់តូច ដែលជនសង្ស័យលាក់ទុកជាប់ខ្លួន។
មន្រ្តីការិយាល័យគ្រឿងញៀនបានប្រាប់ថា ជនសង្ស័យទាំង២នាក់ ១ឈ្មោះការីម សាគី ភេទប្រុស អាយុ៣៣ឆ្នាំ និង២-ឈ្មោះម៉ាត់ ណាអ៊ីម ភេទប្រុស អាយុ១៨ឆ្នាំ ជាជនជាតិខ្មែរអិុស្លាមរស់នៅក្នុងភូមិនរា ឃុំនរា ស្រុកសង្កែ ។
មន្រ្តីដដែលបន្តថា ជនសង្ស័យទាំង២នាក់ ត្រូវបានកម្លាំងជំនាញ បង្រ្កាបបាននៅពេលកំពុងដោះដូរទំនិញ។ ក្រុមនេះជាអ្នកចែកចាយបន្តពីមេឈ្មួញធំៗ និងជាមុខសញ្ញាដែលសមត្ថកិច្ចទើបចាប់ផ្ដើមកំណត់ក្នុងបញ្ជីខ្មៅក្នុងរយៈពេលជិតមួយខែកន្លងទៅនេះ។ បន្ទាប់ពីត្រូវឃាត់ខ្លួន ជនសង្ស័យទាំង០២នាក់បានសារភាពថា ពួកគេគ្រាន់តែជាអ្នកកាន់ថ្នាំនេះលក់បន្តឲ្យមេឈ្មួញធំ ដើម្បីយកកំរៃជើងសារបន្តិចបន្តួចប៉ុណ្ណោះ។
ជនទាំង២នាក់ក៏បានបញ្ជាក់ដែរថា ក្រៅពីកាន់ថ្នាំញៀនលក់បន្ត ពួកខ្លួនក៏ជាអ្នកប្រើប្រាស់ថ្នាំញៀននេះយ៉ាងមមាញឹកដែរ តែពួកខ្លួនទើបចាប់ផ្ដើមកាន់ថ្នាំលក់បន្តក្នុងរយៈពេលប្រហែលជាង១ខែប៉ុណ្ណោះ ក៏ចូលអន្ទាក់សមត្ថកិច្ចតែម្ដង ៕
ចែករំលែកព័តមាននេះ